Յորն Անդերսեն

Վիքիպեդիայից՝ ազատ հանրագիտարանից
Football pictogram.svg
Յորն Անդերսեն
SVA00 - Jørn Andersen 6422a.jpg
Անձնական տվյալներ
Ազգությունը Նորվեգիա Նորվեգիա
Քաղաքացիությունը
Ծննդյան ամսաթիվ փետրվարի 3, 1963({{padleft:1963|4|0}}-{{padleft:2|2|0}}-{{padleft:3|2|0}}) (54 տարեկան)
Ծննդավայր Ֆրեդրիկստադ, Էստֆոլդ, Էստլանն, Նորվեգիա
Հասակ 185 սանտիմետր
Քաշ 80 կիլոգրամ
Դիրք հարձակվող
Ակումբային տեղեկություններ
Ներկա ակումբ Հյուսիսային Կորեա ԿԺԴՀ
Պատանեկան կարիերա
1975-1982 Նորվեգիա Օստսիդեն
Մասնագիտական կարիերա*
Տարի Ակումբ Խաղ (Գոլ)
1982-1984 Նորվեգիա Ֆրեդրիկստադ 64 (25)
1985 Նորվեգիա Վոլերենգա 22 (23)
1985-1988 Գերմանիա Նյուրնբերգ 78 (28)
1988-1990 Գերմանիա Այնտրախտ 54 (20)
1990-1991 Գերմանիա Ֆորտունա 42 (5)
1991-1994 Գերմանիա Այնտրախտ 44 (13)
1994-1995 Գերմանիա Համբուրգ 18 (1)
1995 Գերմանիա Դինամո 7 (0)
1995-1997 Շվեյցարիա Ցյուրիխ 53 (2)
1997-1999 Շվեյցարիա Լուգանո 43 (2)
1999-2001 Շվեյցարիա Լոկարնո 29 (0)
Ազգային հավաքական
1985-1990 Նորվեգիա Նորվեգիա 27 (5)
Մարզչական կարիերա
2000-2001 Շվեյցարիա Լոկարնո խաղ. մչ.
2002 Շվեյցարիա Լյուցերն (երիտ.)
2003-2004 Գերմանիա Ռոտ-Վայս
2005-2006 Գերմանիա Բորուսիա մչի. օգն.
2007 Հունաստան Կսանտի
2007-2008 Գերմանիա Կիկերս
2008-2009 Գերմանիա Մայնց
2010-2011 Հունաստան Լարիսա
2011-2012 Գերմանիա Կարլսրուե
2015 Ավստրիա Աուստրիա
2016-մ.հ. Հյուսիսային Կորեա ԿԺԴՀ
* Մասնագիտական կարիերայում ընդգրկված են միայն առաջնության խաղերը և գոլերը:

Յորն Անդերսեն (նորվ.՝ Jørn Andersen, փետրվարի 3, 1963({{padleft:1963|4|0}}-{{padleft:2|2|0}}-{{padleft:3|2|0}}), Ֆրեդրիկստադ, Էստֆոլդ, Էստլանն, Նորվեգիա), նորվեգացի ֆուտբոլային մարզիչ և նախկին ֆուտբոլիստ: Ներկայում նա Հյուսիսային Կորեայի ֆուտբոլի ազգային հավաքականի մարզիչը:

Կարիերան որպես ֆուտբոլիստ[խմբագրել | խմբագրել կոդը]

Ակումբային կարիերա[խմբագրել | խմբագրել կոդը]

Անդերսենը ծնվել է Ֆրեդրիկստադում. նա իր կարիերան սկսել է տեղի «Օստսիդեն» ֆուտբոլային ակումբում, որի կազմում հանդես է եկել մինչև 1982 թվականը: Հետագայում նա տեղափոխվում է «Ֆրեդրիկստադ», որի կազմում նորվեգական Պրեմիեր Լիգայի շրջանակներում մասնակցում է 64 հանդիպման և դառնում է 25 գոլի հեղինակ: 1985 թվականի մրցաշրջանից առաջ Յորնը վաճառվում է «Վոլերենգային»: Մայրաքաղաքային ակումբի կազմում Անդերսենին 22 հանդիպումներում հաջողվում է դառնալ 23 գոլի հեղինակ:

1985 թվականին նորվեգացին պայմանագիր է կնքում «Նյուրնբերգի» հետ: Նոր թիմի կազմում անցկացրած 78 խաղերում Անդերսենը դառնում է 28 գոլի հեղինակ, այնուհետև նա տեղափոխվում է «Այնտրախտ Ֆրանկֆուրտ»: 1990 թվականին Անդերսենը դառնում է առաջին օտարազգի (ոչ գերմանացի) ֆուտբոլիստը, որին հաջողվում է դառնալ Բունդեսլիգայի տարվա լավագույն ռմբարկու (18 գոլ)[1]: 1990-1991 մրցաշրջանում Անդերսենը խաղում է «Ֆորտունա Դյուսելդորֆի» կազմում, իսկ հետո կրկին համալրում է «Այնտրախտի» կազմը: «Այնտրախտից» հետո նրա հաջորդ ակումբն է դառնում «Համբուրգը», որի կազմում նա անցկացնում է 1994-1995 մրցաշրջանը:

Անդերսենի կարիերայի վերջին գերմանական ակումբն է դառնում «Դինամո Դրեզդենը»[2]:

Դրեզդենից Անդերսենը տեղափոխվում է Շվեյցարիա և 1995 թվականին դառնում է «Ցյուրիխ» ֆուտբոլային ակումբի ֆուտբոլիստներից մեկը: Տեղափոխությունը հաջող չի ստացվում, քանի որ թիմի կազմում անցկացրած 33 խաղերում Անդերսենը դառնում է ընդամենը երկու գոլի հեղինակ: Հետագայում նա հանդես է գալիս նաև «Լուգանոյի» և «Լոկարնոյի» կազմերում (վերջինի կազմում նա անգամ մեկ գոլի հեղինակ չի դառնում):

Միջազգային կարիերա[խմբագրել | խմբագրել կոդը]

Յորնը Նորվեգիայի ազգային հավաքականում կատարել է իր նորամուտը 1985 թվականին: Հավաքականի կազմում նա ընդհանուր հաշվարկով մասնակցել է 27 հանդիպման և դարձել է 5 գոլի հեղինակ[3]: Նրա վերջին միջազգային հանդիպումն է համարվում 1990 թվականի հոկտեմբերի 17-ին Եվրոպայի առաջնության ընտրական փուլի շրջանակներում անցկացված Հունգարիայի հավաքականի դեմ խաղը, որի ժամանակ նա, փոխարինելով Յան Իվարա Յակոբսենին, դուրս է գալիս խաղադաշտ: Խաղն ավարտվում է անարդյունավետ ոչ-ոքիով:

Մարզչական կարիերա[խմբագրել | խմբագրել կոդը]

Ֆուտբոլիստի կարիերան ավարտելուց հետո Անդերսենը դառնում է «Լյուցերն» ֆուտբոլային ակումբի երիտասարդական կազմի մարզիչը, հետո վերադառնում է Գերմանիա, որտեղ 2003 թվականից 2004 թվականը մարզում է Երկրորդ Բունդեսլիգայում հանդես եկող «Ռոտ-Վայս Օբերհաուզեն» ակումբը: Ակումբներից որևէ մեկի հետ ինչ-որ լուրջ հաջողության չհասնելով Անդերսենը դառնում է «Բորուսիա Մյոնխենգլադբախի» մարզիչ Հորսթ Կյոպելի օգնականը:

2006 թվականի սեպտեմբերին նորվեգական «Verdens Gang» ամսագրի հետ հարցազրույցի ժամանակ Անդերսենը ասում է, որ Գերմանիայի ֆուտբոլի ազգային հավաքականի մարզչի օգնականի պաշտոնը զբաղեցնելու նպատակով մի քանի անգամ զրուցել է Յոահիմ Լյովի հետ: Լյովը հաստատում է, որ բանակցությունները տեղի են ունեցել, իսկ Անդերսենը նշում է, որ պաշտոնին չնշանակվելու միակ պատճառը կապված էր իր ազգության հետ:

2007 թվականի մայիսին Անդերսենը պայմանագիր է կնքում հունական բարձրագույն լիգայում հանդես եկող «Կսանտիի» հետ: Նա մնում է ակումբում ընդամենը մեկ տարի, քանի որ 2007 թվականի հունիսին ակումբի և մարզչի միջև կնքված պայմանագիրը խզվում է անձնական պատճառներով:

2007 թվականի վերջում Անդերսենը պայմանագիր է կնքում Երկրորդ Բունդեսլիգայում հանդես եկող «Կիկսերս Օֆենբախի» հետ, սակայն չի կարողանում փրկել ակումբին «դուրս թռչումից» (դիվիզիոն):

2008 թվականի մայիսի 28-ին Անդերսենը երկու տարի ժամկետով պայմանագիր է կնքում կրկին Երկրորդ Բունդեսլիգայում հանդես եկող ակումբներից մեկի՝ «Մայնցի» հետ: Յորնի օրոք ակումբը վաստակում է Բունդեսլիգայում հանդես գալու ուղեգիր: Չնայած այդ հաջողությանը, Անդերսենը 2009 թվականի օգոստոսի 3-ին հեռացվում է այդ թիմի գլխավոր մարզչի պաշտոնից:

Անդերսենը «Կարլսրուեի» գլխավոր մարզչի պաշտոնում աշխատելու ժամանակահատվածում (դեկտեմբեր, 2011)

2010 թվականի դեկտեմբերի միջնամասում Յորնը նշանակվում է Հունաստանի առաջնությունում հանդես եկող «Լարիսա» ֆուտբոլային ակումբի գլխավոր մարզիչ[4]: Մարզչի պաշտոնում թիմի հետ անցկացնելով ընդամենը 24 օր, Անդերսենը հեռացվում է թիմից (այդ ընթացքում ակումբը պարտվում է լիգայի խաղերից երեքում և դուրս է մնում Հունաստանի գավաթի խաղարկության հետագա պայքարից)[5]:

Վեց ամիս անց Անդերսենը վերադառնում է Գերմանիա և դառնում է երկրորդ դիվիզիոնում հանդես եկող «Կարլսրուեի» գլխավոր մարզիչը[6]:

2014-15 մրցաշրջանի կեսին Անդերսենը դառնում է Ավստրիայի ֆուտբոլի առաջնության երրորդ դիվիզիոնում հանդես եկող «Աուստրիա Զալցբուրգի» ֆուտբոլային ակումբի նոր գլխավոր մարզիչը[7]: Յորնի օրոք ակումբը բարձրանում է առաջնության երկրորդ դիվիզիոն: 2015 թվականի դեկտեմբերին ակումբի ֆինասական խնդիրների պատճառով ակումբի և մարզչի միջև կնքված պայմանագիրը խզվում է[8]:

2016 թվականի մայիսին Յորն Անդերսենը գլխավորում է Հյուսիսային Կորեայի ֆուտբոլի ազգային հավաքականը[9]: 1991 թվականից սկսած սա առաջին դեպքն էր, երբ Հյուսիսային Կորեայի հավաքականի գլխավոր մարզչի պաշտոնում օտարազգի է նշանակվում[10]:

Անձնական կյանք[խմբագրել | խմբագրել կոդը]

Յորնը համարվում է Նորվեգիայի հավաքականը երեք աշխարհի առաջնություններում ներկայացրած հանդբոլիստուհի Բյորգ Անդերսենի որդին[11]:

1993 թվականին Անդերսենը դառնում է Գերմանիայի քաղաքացի: Նրա որդին՝ Նիկլասը, ներկա պահին հանդես է գալիս «Վատենշայդ 09» ֆուտբոլային ակումբում: Յորնը ամուսնացած է և ապրում է Բավարիայի Բադ Ռայխենհալ կոմունայում:

Ծանոթագրություններ[խմբագրել | խմբագրել կոդը]

  1. Ballesteros Frank, Arnhold Matthias (21 April 2011)։ «(West) Germany - Top Scorers»։ Rec.Sport.Soccer Statistics Foundation։ Վերցված է 5 February 2011 
  2. Arnhold Matthias (21 April 2011)։ «Jørn Andersen - Matches and Goals in Bundesliga»։ Rec.Sport.Soccer Statistics Foundation։ Վերցված է 5 February 2011 
  3. «Norway – Record International Players»։ RSSSF։ Վերցված է 17 January 2010 
  4. «Jørn Andersen fikk trenerjobb i Hellas» (Norwegian)։ aftenposten.no։ 21 December 2010։ Վերցված է 21 December 2010 
  5. «Jörn Andersen nach 24 Tagen entlassen» (German)։ spiegel.de։ 9 January 2010։ Վերցված է 1 July 2011 
  6. «Andersen übernimmt den KSC» [Andersen takes over KSC] (German)։ DFL։ 6 November 2011։ Վերցված է 6 November 2011 
  7. Jørn Andersen neuer Trainer der Salzburger Austria austria-salzburg.at, abgerufen am 2. Januar 2015
  8. Jørn Andersen verlässt die Salzburger Austria austria-salzburg.at, abgerufen am 3. Dezember 2015
  9. «NRK: Jørn Andersen ny landslagstrener for Nord-Korea»։ vg.no (Norwegian)։ VG։ 11 May 2016։ Վերցված է 11 May 2016 
  10. «Jörn Andersen» (German)։ kicker.de։ Վերցված է 2 May 2014 
  11. Henriksen, Petter (ed.)։ «Jørn Andersen»։ Store norske leksikon (Norwegian)։ Oslo: Kunnskapsforlaget։ Վերցված է 21 December 2010 

Արտաքին հղումներ[խմբագրել | խմբագրել կոդը]