Յոն Սավա

Յոն Սավա
Ծնվել է	դեկտեմբերի 10, 1900(1900-12-10)
Ծննդավայր	Ֆոքշանի, Ռումինիա
Մահացել է	հոկտեմբերի 26, 1947(1947-10-26) (46 տարեկան)
Մահվան վայր	Բուխարեստ, Ռումինիա
Քաղաքացիություն	Ռումինիա
Կրթություն	Ալեքսանդրու Իոան Կուզայի անվան համալսարան
Մասնագիտություն	վիզուալ արտիստ, ռեժիսոր, դրամատուրգ, լրագրող, ծաղրանկարիչ և փաստաբան
Աշխատավայր	Յասսի ազգային թատրոն և Բուխարեստի ազգային թատրոն

Յոն Գրիգորեի Սավա (ռումիներեն՝ Ion Sava, դեկտեմբերի 10, 1900(1900-12-10), Ֆոքշանի, Ռումինիա - հոկտեմբերի 26, 1947(1947-10-26), Բուխարեստ, Ռումինիա), ռումինացի ռեժիսոր, դրամատուրգ, նկարիչ, թատրոնի տեսաբան։

Կենսագրություն

Յոն Սավան ծնվել է 1900 թվականին Ֆոքշանի քաղաքում` ուսուցիչ, հետագայում կոմերցիոն պաշտոնյա Գրիգորե Սավայի ընտանիքում։ 1925 թվականին ավարտել է Յաշի համալսարանը։ Աշխատել է որպես լրագրող, ծաղրանկարիչ։ 1937-1938 թվականներին հրատարակել է «Կարիկատուրա» հանդեսը։ 1930 թվականին աշխատել է Յաշի ազգային թատրոնում, բեմադրել Շեքսպիրի, Սարդուի, Նուշիչի, Կարաջալեի և այլոց գործերից։ Եղել է նորարար ռեժիսոր և բեմանկարիչ, պատրաստել է դիմակներ։ 1938 թվականին պայմանագիր է կնքել Բուխարեստի ազգային թատրոնի հետ, 1940 թվականին դարձել է թատրոնի տնօրեն, սակայն 2 ամիս անց հրաժարվել է այդ պաշտոնից։ Հեղինակել է «Թատրոնի վերաթատերականացումը» գիրքը։ 1943 թվականին իտալական Artisti Associati ընկերությունը Ռումինիայի ազգային կինոյի հետ համատեղ նկարահանել է ռումինա-իտալական «Escadrila albă» (Սպիտակ ջոկատ) ֆիլմը, որի ռեժիսորն ու սցենարիստը Յոն Սավան է, գլխավոր դերերում` Կլադիո Գորա, Լյուչիա Ստուրձա-Բուլանդրա, Տինո Բիանչի, Մարիելլա Լոտտի։

Սավան մահացել է 1947 թվականին Բուխարեստում։

Գրականություն

• Ion Sava, Teatralitatea teatrului, cuvânt înainte de Liviu Ciulei, Ed. Eminescu, București 1981.

Արտաքին հղումներ

• UN ORGOLIOS - ION SAVA, Florin FAIFER(չաշխատող հղում)