Լյուչիա Ստուրձա-Բուլանդրա

Լյուչիա Ստուրձա-Բուլանդրա
Ծնվել է	օգոստոսի 25, 1873(1873-08-25)
Ծննդավայր	Յասի, Ռումինիա
Մահացել է	սեպտեմբերի 19, 1961(1961-09-19) (88 տարեկանում)
Մահվան վայր	Բուխարեստ, Ռումինիա
Քաղաքացիություն	Ռումինիա
Ազգություն	ռումին
Կրթություն	Philology Department (Bucharest University)
Մասնագիտություն	դերասանուհի
Ամուսին	Tony Bulandra
Պարգևներ և մրցանակներ	ՌԽՀ պետական մրցանակի դափնեկիր
Ստորագրություն
Lucia Sturdza-Bulandra Վիքիպահեստում

Լյուչիա Ստուրձա-Բուլանդրա (Sturdza-Bulandra, օգոստոսի 25, 1873(1873-08-25), Յասի, Ռումինիա - սեպտեմբերի 19, 1961(1961-09-19), Բուխարեստ, Ռումինիա), ռումին դերասանուհի։ ՌԽՀ ժողովրդական արտիստուհի (1951)։ Բեմելը՝ 1898 թվականին՝ Բուխարեստի ազգային թատրոնում։ ՌԽՀ պետական մրցանակի դափնեկիր (1952)։

Գործունեություն

1914 թվականին, Տ․ Բուլանդրայի հետ կազմակերպել է թատերախումբ, որը հետագայում դարձել է թատրոն (Ստուրձա-Բուլանդրան եղել է դերասանուհի, ռեժիսոր), ուր բեմադրվել են ազգային դրամատուրգիայի երկեր և դաստիարակվել ռումին լավագույն դերասանները։ 1941 թվականին թատերախումբը ցրվել է՝ շենք չունենալու պատճառով։ Ստուրձա-Բուլանդրան փոխադրվել է Բուխարեստի Մունիցիպալ թատրոն (1947 թվականին՝ նաև տնօրեն, 1961 թվականից կոչվել է Ստուրձա-Բուլանդրայի անունով)։ Դերերից են՝ Մարիա Ստյուարտ (Շիլլերի «Մարիա Ստյուարտ»), Վասսա Ժելեզնովա (Գորկու «Վասսա Ժելեզնովա»), Դինեսկու (Լովինեսկուի «Ավերված միջնաբերդ»)։ 1930-1961 թվականներին՝ Բուխարեստի կոնսերվատորիայի պրոֆեսոր, 1957-1961 թվականներին՝ ռումինական թատրոնի և երաժշտության գործիչների ասոցիացիայի նախագահ։

Ֆիլմեր

1943 թվականին նկարահանվել է իտալական Artisti Associati ընկերության և Ռումինիայի ազգային կինոյի հետ համատեղ ստեղծված ռումինա-իտալական «Escadrila albă» (Սպիտակ ջոկատ) ֆիլմում (ռեժիսոր` Յոն Սավա):

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։