Յոհանես Քարստեն Հաուխ

Վիքիպեդիայից՝ ազատ հանրագիտարանից
Jump to navigation Jump to search
Յոհանես Քարստեն Հաուխ
HauchJC.jpg
Ծնվել էմայիսի 12, 1790(1790-05-12)[1][2][3]
ԾննդավայրՀալդեն, Էստֆոլդ[4]
Վախճանվել էմարտի 4, 1872(1872-03-04)[1][2][5][3] (81 տարեկանում)
Վախճանի վայրՀռոմ, Իտալիա[6][4]
Մասնագիտությունբանաստեղծ, դրամատուրգ, գրող, համալսարանի պրոֆեսոր և կենդանաբան
Լեզուդանիերեն
ՔաղաքացիությունFlag of Denmark.svg Դանիա
ԿրթությունԿոպենհագենի համալսարան
Գրական ուղղություններռոմանտիզմ
ԱշխատավայրԿոպենհագենի համալսարան և Քրիստիան-Ալբերտի համալսարան
Carsten Hauch Վիքիպահեստում

Յոհանես Քարստեն Հաուխ (մայիսի 12, 1790(1790-05-12)[1][2][3], Հալդեն, Էստֆոլդ[4] - մարտի 4, 1872(1872-03-04)[1][2][5][3], Հռոմ, Իտալիա[6][4]), դանիացի բանաստեղծ, դրամատուրգ, գրող։

Կենսագրություն[խմբագրել | խմբագրել կոդը]

Յոհանես Քարստեն Հաուխը ծնվել է Նորվեգիայում։ Մոր մահից հետո՝ 1803 թվականին, հոր հետ տեղափոխվում է Դանիա։ 1807-1814 թվականներին՝ 17 տարեկան հասակում կամավոր մասնակցել է անգլո-դանիական պատերազմին։ 1808 թվականին ընդունվել է Կոպենհագենի համալսարան, ստանալով կենդանաբանի մասնագիտություն։ 1816 թվականին Հենրիկ Ստեֆենսի և Ադամ Գոտլոբ Ալենշլեգերի ազդեցության ներքո սկսել է տարվել գրականությամբ։ 1820 թվականին ստացել է թեկնածուի աստիճան, 1821 թվականին՝ կենդանաբանության դոկտորի աստիճան։ Գիտական աստիճան ստանալուց հետո մեկնել է Փարիզ՝ սովորելու Նիսի համալսարանում։ 1823 թվականին վնասում է ոտքը և ստիպված են լինում անդամահատել այն։ 1820-ական թվականներին տարվում է կրոնական միստիկայով։

1826 թվականին ինքնասպանության անհաջող փորձը շրջադարձային է լինում նրա կյանքում։ Հռոմում ուսուցանում է Վերածննդի դարաշրջանի արվեստագետների աշխատանքերը և 1827-1846 թվականներին դասավանդում է Սորո ակադեմիայում։ 1846-1848 թվականներին եղել է սկանդինավյան լեզուների և գրականության պրոֆեսոր, 1851 թվականին դասախոսել է Կոպենհագենի համալսարանում։

Մահացել է 1872 թվականին, Հռոմում։ Թաղված է բողոքական գերեզմանոցում։

Ստեղծագործություններ[խմբագրել | խմբագրել կոդը]

Հաուխը հեղինակ է մի շարք պատմական վեպերի և քնարական բանաստեղծությունների։

  • «Ալքիմիկոսը» («Guldmageren», 1836 թ.)
  • «Տիբերիոս» (1828 թ.)
  • «Գրիգոր VII» (1829 թ.)
  • «Վիլհելմ Ցաբերն» (1834 թ.)
  • "Valdemar Atterdag» (1861 թ.)
  • «Լեհական ընտանիք» («En polsk familie» DL։ 1-2, 1839 թ.)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]