Յոլանդա Դիաս
Յոլանդա Դիաս իսպ.՝ Yolanda Díaz | |
Կուսակցություն՝ | Unidas Podemos?, Movimiento Sumar?, Իսպանիայի կոմունիստական կուսակցություն և United Left? |
---|---|
Կրթություն՝ | Սանտիագո դե Կոմպոստելա համալսարան |
Մասնագիտություն՝ | քաղաքական գործիչ և փաստաբան |
Դավանանք | աթեիզմ[1][2] |
Ծննդյան օր | մայիսի 6, 1971[3] (52 տարեկան) |
Ծննդավայր | Ֆենե, Լա Կորունյա նահանգ, Գալիսիա, Իսպանիա |
Քաղաքացիություն | Իսպանիա |
Ի ծնե անուն | իսպ.՝ Yolanda Díaz Pérez |
Հայր | Suso Díaz? |
Ինքնագիր | |
Յոլանդա Դիաս Պերես (իսպ.՝ Yolanda Díaz Pérez, մայիսի 6, 1971[3], Ֆենե, Լա Կորունյա նահանգ, Գալիսիա, Իսպանիա), իսպանացի քաղաքական գործիչ։ 2020 թվականի հունվարի 13-ին կազմավորված Սանչեսի երկրորդ կաբինետում աշխատանքի և սոցիալական տնտեսության ներկայիս նախարար[4]։ 2016 թվականի հունվարի 4-ից Լա Կորունյիայից Իսպանիայի գլխավոր կորտեսների պատգամավոր։ 2005 թվականի նոյեմբերի 7-ից մինչև 2017 թվականի հունիսի 3-ը եղել է Գալիսիայի «Միավորված ձախեր» կուսակցության կոալիցիայի անդամ, ազգային համակարգող։ 2012 թվականի նոյեմբերի 13-ից մինչև 2016 թվականի հունվարի 4-ը եղել է Գալիսիայի խորհրդարանի պատգամավոր։
Կենսագրություն[խմբագրել | խմբագրել կոդը]
Յոլանդա Դիաս Պերեսը ծնվել է 1971 թվականի մայիսի 6-ին Լա Կորունյա նահանգի Ֆենեում՝ Ֆրանսիսկո Ֆրանկոյի ռեժիմի դեմ պայքարին մասնակցած արհմիութենական ակտիվիստների ընտանիքում։ Ավարտել է Սանտյագո դե Կոմպոստելա համալսարանը։ Ստացել է իրավունքի բակալավրի աստիճան։ Իր իրավաբանական գործունեության ընթացքում մասնագիտացել է աշխատանքային իրավունքով։
Վաղ անդամակցել է Իսպանիայի կոմունիստական կուսակցությանը։ 2003 թվականին առաջին անգամ ընտրվել է Ֆեռոլի տեղական խորհրդի անդամ։ 2007 թվականի տեղական ընտրություններում նրա գլխավորած «Միավորված ձախերի» ցուցակը ստացել է ձայների 14,19 տոկոսը և ձախ կոալիցիա է ձևավորել Իսպանիայի սոցիալիստական աշխատավորական կուսակցության և Գալիսիական ազգայնական դաշինքի հետ, որը փլուզվել է 2008 թվականին։
2005 թվականի նոյեմբերի 7-ին դարձել է «Միավորված ձախեր» կուսակցությունների կոալիցիայի գալիսիական թևի ազգային համակարգող։ Գալիսիայի ընտրություններում 2005 թվականի հունիսի 19-ին և 2009 թվականի մարտի 1-ին Գալիսիայի նախագահի կողմից նախագահի պաշտոնում եղել է «Միավորված ձախեր» կուսակցության թեկնածուն։ 2012 թվականի հոկտեմբերի 21-ի ընտրություններում գլխավորել է «Միավորված ձախերի» ցուցակը Galician Left Alternative ձախ ուժերի կոալիցիայում, որտեղ զբաղեցրել է 3-րդ տեղը և ստացել 9 տեղ (5-ը բաժին է հասել «Միավորված ձախերին», 4-ը՝ «Անովային»)[5]։ Դարձել է Գալիսիայի խորհրդարանի պատգամավոր։ 2015 թվականի դեկտեմբերի 20-ին Իսպանիայի խորհրդարանական ընտրություններում Գալիսիայում «Միավորված ձախերը» միավորվել են «Անովայի» «Պոդեմոսի», «Էկուոյի», «Գալիսիական էկոսոցիալիզմի տարածքի» և «Էն մարեա» միության մի շարք քաղաքացիական ասոցիացիաների հետ, որը դարձել երկրորդ քաղաքական ուժը Գալիսիայում ժողովրդական կուսակցությունից հետո՝ ստանալով ձայների 25%-ը[6], և ստանալով 6 տեղ խորհրդարանում։ Յոլանդա Դիասը Լա Կորունիայից դարձել է Իսպանիայի գլխավոր կորտեսների պատգամավոր։
2017 թվականի հունիսի 3-ին «Միավորված ձախերի» 12-րդ համագումարում նոր ազգային համակարգող ընտրվել է Եվա Սոլլան։ 2020 թվականի հունվարի 13-ին Սանչեսի երկրորդ կաբինետում ստանձնել է Աշխատանքի և սոցիալական տնտեսության նախարարի պաշտոնը։
Ծանոթագրություններ[խմբագրել | խմբագրել կոդը]
- ↑ https://cadenaser.com/programa/2022/01/11/buenismo_bien/1641907908_858856.html
- ↑ https://www.elconfidencial.com/espana/madrid/2022-12-14/presentacion-libro-papa-francisco-yolanda-diaz_3540299/
- ↑ 3,0 3,1 http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=291&idLegislatura=13
- ↑ «В новом правительстве Испании будет 22 министерских портфеля». ТАСС. 2020 թ․ հունվարի 12. Վերցված է 2020 թ․ մարտի 5-ին.
- ↑ Тарасенко, Павел (2012 թ․ հոկտեմբերի 22). «Народная партия удержала Галисию». Коммерсантъ. Վերցված է 2020 թ․ մարտի 27-ին.
- ↑ Дронова, Светлана Юрьевна Упадок и перспективы восстановления галисийского национализма // Общество: политика, экономика, право. — 2019. — № 8 (73). — Архивировано из первоисточника 9 փետրվարի 2020.
Վիքիպահեստն ունի նյութեր, որոնք վերաբերում են «Յոլանդա Դիաս» հոդվածին։ |
|