Մևլյութ Չավուշօղլու

Վիքիպեդիայից՝ ազատ հանրագիտարանից
Jump to navigation Jump to search
Մևլյութ Չավուշօղլու
Συνάντηση ΥΠΕΞ Ν. Δένδια με Τούρκο ομόλογό του M. Çavuşoğlu 01 (cropped).jpg
 
Կուսակցություն՝ AKP
Կրթություն՝ Անկարայի համալսարանի քաղաքագիտության ֆակուլտետ, Լոնդոնի տնտեսության և քաղաքական գիտությունների դպրոց, Լոնգ Այլենդի համալսարան, Բիլքենթ համալսարան և Անկարայի համալսարան
Մասնագիտություն՝ քաղաքական գործիչ
Դավանանք իսլամ
Ծննդյան օր փետրվարի 5, 1968(1968-02-05)[1] (54 տարեկան)
Ծննդավայր Ալանիա, Անթալիայի մարզ, Թուրքիա
Քաղաքացիություն Flag of Turkey.svg Թուրքիա
 
Կայք՝ mevlutcavusoglu.com
 
Ինքնագիր Изображение автографа
 
Պարգևներ

Մևլյութ Չավուշօղու (թուրքերեն՝ Mevlüt Çavuşoğlu; ծնվ. փետրվարի 5, 1968 թվական, Ալանիա, Թուրքիա), թուրք քաղաքական գործիչ։ 2010- 2012 թվականներին եղել է ԵԱՀԿ նախագահ, իսկ 2014 թվականից զբաղեցնում է Թուրքիայի արտաքին գործերի նախարարի պաշտոնը` փոխարինելով Ահմեդ Դավութօղլուին։

Կենսագրություն[խմբագրել | խմբագրել կոդը]

Ծնվել է 1968 թվականի փետրվարի 5-ին Թուրքիայի Ալանիա քաղաքում։ 1988 թվականին ավարտել է Անկարայի համալսարանի քաղաքագիտության ֆակուլտետը` ստանալով միջազգայնագետի որակավորում։ 1991 թվականին ստացել է տնտեսագիտության մագիստրոսի կոչում Լոնգ Այլենդի համալսարանում` ԱՄՆ-ում։ Զբաղվել է գիտական գործունեությամբ Բիլքենթի համալսարանում[2]։ Թեկնածուական ատենախոսությունը պաշտպանել է Լոնդոնի տնտեսագիտության դպրոցում։

Տիրապետում է անգլերեն, գերմաներեն և ճապոներեն լեզուներին, սովորում է ռուսերեն։ Թուրքիայի խորհրդարանի ֆուտբոլի հավաքականի անդամ է[2]։ Ամուսնացած է, ունի մեկ երեխա[3]։

Քաղաքական կարիերա[խմբագրել | խմբագրել կոդը]

1995 թվականին աշխատել է Թուրքիայի բնապահպանության նախարարության միջազգային համագործակցության վարչությունում։ Այնուհետև զբաղվել է բիզնեսով [4]։

2001 թվականին եղել է Արդարություն և զարգացում կուսակցության համահիմնադիրներից մեկը, և մինչ 2009 թվականը եղել է մեջլիսի միջազգային հարաբերությունների հանձնաժողովի նախագահի տեղակալը[4]։

2002 և 2007 թվականներին ընտրվել է թուրքական մեջլիսի պատգամավոր Անթալիայի մարզից։ Երկար ժամանակ ղեկավարել է Ճապոնիայի և ԱՄՆ-ի հետ խորհրդարանական բարեկամական խմբերը[2]։

2003 թվականից ղեկավարում է ԵԱՀԿ-ում թուրքական պատվիրակությունը։ Եղել է եվրոպական դեմոկրատական խմբի անդամ (ԵԴԽ)։ Համարվում է ԵԽԽՎ գլխավոր քարտուղարի տեղակալը[2]։ 2007 թվականից եղել է ԵԱՀԿ-ում թուրքական պատվիրակության ղեկավար և դրան զուգընթաց ԵԱՀԿ նախագահի տեղակալ։ 2009 թվականին եղել է ԵԴԽ-ի երկրորդ տեղակալը [4]։ Աշխատել է ԵԽ-ի նկատմամբ անդամ պետությունների պարտավորությունների կոմիտեում և իրավական կոմիտեում[5]։ Եղել է 1930-ական թվականներին Ուկրաինայում տեղի ունեցած սովի հիմնական զեկուցողը ԵԱՀԿ-ում[6]։

2009 թվականի սեպտեմբերին ԵԴԽ-ից ընտրվել է ԵԱՀԿ նախագահի թեկնածու, որի ընտրությունները պետք է տեղի ունենային 2010 թվականին[2]։ 2010 թվականին ընտրվել է այդ պաշտոնում[7]։

Եղել է ԵՄ հարցերով Թուրքիայի նախարարը։ 2014 թվականի օգոստոսից զբաղեցնում է Թուրքիայի արտագին գործերի նախարարի պաշտոնը[4]։

Ծանոթագրություններ[խմբագրել | խմբագրել կոդը]

  1. ↑ Munzinger Personen (գերմ.)
  2. ↑ 2,0 2,1 2,2 2,3 2,4 МГИМО, 2010
  3. ↑ «Who is Mevlüt Çavuşoğlu?»։ Mevlüt Çavuşoğlu։ 2009։ Արխիվացված է օրիգինալից 2011-07-14-ին։ Վերցված է հունվարի 10, 2010 
  4. ↑ 4,0 4,1 4,2 4,3 Коммерсантъ, 2014
  5. ↑ «Представитель Турции Чавушоглу возглавил ПАСЕ»։ РИА Новости։ 2010-01-25։ Վերցված է 2015-04-04 
  6. ↑ «Russia to cooperate with PACE on famine report»։ The Voice of Russia։ նոյեմբերի 25, 2009։ Արխիվացված է օրիգինալից 2010-01-29-ին։ Վերցված է հունվարի 10, 2010 
  7. ↑ Sariişik Dönduü (հունվարի 25, 2010)։ «Turkish parliamentarian elected president of PACE»։ Հուրիեթ։ Վերցված է հունվարի 26, 2010 

Արտաքին հղումներ[խմբագրել | խմբագրել կոդը]

Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
Ստացված է «https://hy.wikipedia.org/w/index.php?title=Մևլյութ_Չավուշօղլու&oldid=8293791» էջից