Մտածողը

Վիքիպեդիայից՝ ազատ հանրագիտարանից
Picto infobox artiste.png
Մտածողը
Le Penseur և Le Poète
Le Penseur in the Jardin du Musée Rodin, Paris March 2014.jpg
տեսակ artistic type
քանդակագործ Ֆրանսուա ՕգյուստՌոդեն
տարի 1880-1882
բարձրություն 181 սմ
ժանր Արձան և նյու
նյութ բրոնզ
գտնվելու վայր Փարիզ
պատվիրատու Ռոդենի թանգարան (Փարիզ)
Le Penseur Վիքիպահեստում

Մտածողը (ֆր.՝ Le Penseur), ֆրանսիացի քանդակագործ Օգյուստ Ռոդենի 1880-ից 1882 թվականներին ստեղծած քանդակն է։ Քանդակի բնօրինակը պահպանվում է Փարիզում՝ Ռոդենի թանգարանում։

Պատմություն[խմբագրել | խմբագրել կոդը]

Բնորդը

Նախապես քանդակն անվանվում էր «Պոետը» և պիտի դառնար «Աստվածային կատակերգության» մոտիվներով ստեղծված «Դժոխքի դարպասները» քանդակի մի մասը՝ ներկայացնելով Դանթե Ալիգիերիին։ Ժամանակի ընթացքում Դանթեի կերպարը փոխարինվում է ստեղծողի ունիվերսալ կերպարով։

«Մտածողը» քանդակի (ինչպես և Ռոդենի շատ այլ քանդակների) բնորդը եղել է Ժան Բո (ֆր.՝ Jean Baud) անունով մի ֆրանսիացի՝ մկանուտ մի բռնցքամարտիկ, ով ելույթ էր ունենում հիմնականում Փարիզում՝ Կարմիր լապտերների թաղամասում։

«Մտածողը» քանդակն առաջին անգամ հասարակությանը ցուցադրվել է 1888 թ. Կոպենհագենում։ 1902 թ. բրոնզից ձուլվում է 181 սմ բարձրությամբ քանդակ, որ 1904 թ. Ռոդենը ցուցադրում է փարիզյան սալոնում։ 1906 թ. բրոնզե «Մտածողը» տեղադրվում է Փարիզի պանթեոնում։ Բացման արարողությանը ներկա Ռոդենը հայտարարել է, որ «Մտածողը» հուշարձան է ֆրանսիացի աշխատավորին։ 1922 թ. արձանը տեղափոխեցին Ռոդենի թանգարան։

Կրկնօրինակներ[խմբագրել | խմբագրել կոդը]

Գոյություն ունեն «Մտածողը» քանդակի բրոնզե ու գիպսե ավելի քան 20 կրկնօրինակներ, գտնվում են աշխարհի տարբեր ծայրերում։ Քանդակի բրոնզե կրկնօրինակը տեղադրված է Ռոդենի գերեզմանին, որ գտնվում է Մեդենում՝ Փարիզի արվարձանում։ Մյուս կրկնօրինակները տեղադրված են Ֆինլանդիայում` Ռոդենի թանգարանի դարպասների մոտ ու Կոլումբիական համալսարանի դարպասների մոտ։

Պատկերասրահ[խմբագրել | խմբագրել կոդը]