Մուշեղ Դուրմիշյան

Մուշեղ Դուրմիշյան
Ծնվել է	դեկտեմբերի 27, 1910(1910-12-27)
Ծննդավայր	Շաքի, Ելիզավետպոլի նահանգ, Ռուսական կայսրություն
Մահացել է	հունվարի 20, 1961(1961-01-20) (50 տարեկան)
Մահվան վայր	Մոսկվա, ԽՍՀՄ
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան (1930)
Մասնագիտություն	բժիշկ և ֆիզիոլոգ
Գիտական աստիճան	բժշկական գիտությունների դոկտոր և պրոֆեսոր (1955)
Կուսակցություն	ԽՄԿԿ

Մուշեղ Գրիգորի Դուրմիշյան (դեկտեմբերի 27, 1910(1910-12-27), Շաքի, Ելիզավետպոլի նահանգ, Ռուսական կայսրություն - հունվարի 20, 1961(1961-01-20), Մոսկվա, ԽՍՀՄ), հայ բժիշկ, ախտաբան-ֆիզիոլոգ, բժշկական գիտությունների դոկտոր, պրոֆեսոր (1955)։ ԽՄԿԿ անդամ 1939 թվականից։

Կենսագրություն

1930 թվականին ավարտել է Երևանի պետական բժշկական ինստիտուտը։ 1932-1933 թվականներին եղել է Լենինգրադի առաջին բժշկական ինստիտուտի բնության դիալեկտիկայի ամբիոնի վարիչ։ Աշակերտել է Լ․ Օրբելուն, աշխատել Ա. Սպերանսկու լաբորատորիայում։ Դուրմիշյանը ներվիզմի ուսմունքի կողմնակիցներից էր։ Ուսումնասիրել է մարդու օրգանիզմում ընթացող ախտաբանական երևույթների և նյարդա-հոգեկան աշխարհի միջև ստեղծված հարաբերությունների փոխադարձ կապերը, ինչպես նաև ճառագայթային հիվանդության հարցերը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 462)։