Մոնռոյ

Մոնռոյ
Բնակավայր
	Մոնռոյ
	իսպ.՝ Monroy
	Զինանշան
Երկիր	Իսպանիա
Մակերես	204,45 կմ²
ԲԾՄ	378±1 մետր
Բնակչություն	▼899 մարդ (2023)
Ժամային գոտի	UTC+1
Փոստային դասիչ	10194
Ավտոմոբիլային կոդ	CC
	Մոնռոյ (Իսպանիա)
	Մոնռոյ (Իսպանիա)
	Մոնռոյ Վիքիպահեստում

Մոնռոյ (իսպ.՝ Monroy), բնակավայր և համայնք Իսպանիայի արևմուտքում՝ Էստրեմադուրայի մաս հանդիսացող Կասերես ինքնավար պրովինցիայում։ Զբաղեցնում է 204,45 կմ² տարածք։ Բնակչության թվաքանակը 2010 թվականի տվյալներով եղել է 984։ Բնակավայրին լայն ճանաչում է բերել 14-րդ դարի սկզբներին կառուցված ամրոցը։

Պատմություն[խմբագրել | խմբագրել կոդը]

Մոնռոյի ներկայիս տարածքում մարդիկ սկսել են բնակություն հաստատել դեռ բրոնզեդարյան ժամանակներում. հնագիտական պեղումների արդյունքում հայտնաբերվել են դրա բազմաթիվ վկայություններ, որոնցից ամենաարժեքավորը՝ ոսկե հնագույն մի ապարանջան ներկայումս պահվում է Կասերեսի թանգարանում։ Մեր թվականությունից առաջ չորրորդ դարում այստեղ եղել է հին հռոմեական բնակավայր։ Հետագայում տիրել են վեստգոթերը, այնուհետև՝ մավրերը։ 1309 թվականին տարածաշրջանի սեփականատեր են դարձել ազնվականական Մոնռոյ տոհմի ներկայացուցիչները։ Էրման Պերես դե Մոնռոյը ձեռնարկել է ամրոցի շինարարությունը։ Հետագա դարերի ընթացքում այն բազմիցս վերակառուցվել է, ավելի ու ավելի ամրացվել ու հզորացվել։

Հին վարչակարգի անկման ժամանակ բնակավայրը դարձել է սահմանադրական մունիցիպալիտետ Էստրեմադուրայի տարածաշրջանի սահմաններում։ 1834 թվականից ընդգրկվել է Գառովիլյասի դատական տարածաբաժնի կազմում^[3]։ 1842 թվականին անցկացված մարդահամարի տվյալներով ունեցել է 155 տուն և 851 բնակիչ։