Մոմո

Մոմո; མོག་མོག་, म:म
	Մոմոյի բաղադրիչները
Տիբեթական խոհանոց
Տեսակ	բաղադրատոմս
Ենթատեսակ	խմորի շերտով կիսաֆաբրիկատներ և կերակուր
Առաջացման երկիր	Նեպալ
Բաղադրամասեր
Հիմնական	Ալյուր, ջուր, սոդա, միս, սոխ, սխտոր, համեմ
	Momos Վիքիպահեստում

Անվան այլ կիրառումների համար տե՛ս՝ Մոմո (այլ կիրառումներ)

Մոմո (տիբեթերեն՝ མོག་མོག་, վայլի` mog mog, նեպալ.՝ म:म:, տիբեթական մոմո բառը փոխառություն է չինարենից` mómo (馍馍)^[1], այս ուտեստը իրենից ներկայացնում է լցոնված խմոր։ Իրականում այն շատ նման է չինական ցզյաոզի, ռուսական պելմենի, ասիական մանթի, իտալական ռավիոլի ուտեստներին։ Տիբեթերեն մոմո բառը առաջացել է չինական mómo (馍馍) բառից։

Պատրաստման եղանակը[խմբագրել | խմբագրել կոդը]

Մոմոյի խմորը պատրաստվում է ալյուրից, ջրից, ինչպես նաև ավելացվում է սոդա կամ խմորիչ։ Խճողակը պատրաստվում է մի քանի բաղադրիչներից՝ ամենագլխավորը մսի ընտրությունն է։ Տարբեր երկրներում մոմոն պատրաստում են տարբեր կենդանիների մսերից, օրինակ՝ Տիբեթում, Նեպալում և Հյուսիս-արևելյան Հնդկաստանում այն պատրաստում են գոմեշի, եղնուղտի, այծի, խոզի մսից, իսկ այլ երկրներում ոչխարի մսից։ Խճողակը պատրաստվում է աղացած մսից, որին ավելացվում է աղացած սոխ և սխտոր, ինչպես նաև համեմունքներ՝ համեմ, պղպեղ, աղ, չաման։

Մոմո պատրաստվում է նաև բանջարեղենով, կամ առանձին, կամ մսի հետ միասին։ Հայտնի է նաև պանրով տարբերակ, ինչպես նաև քաղցրավենիքով, որը շատ հայտնի է Նեպալում և հաճախ է պատրաստվում միջազգային տուրիստների համար։