Քաջիկ Մնացականյան
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
- Վիքիպեդիայում կան հոդվածներ Մնացականյան ազգանունով այլ մարդկանց մասին։
Քաջիկ Նիկոլայի Մնացականյան | |
---|---|
դեկտեմբերի 19, 1939 - մայիսի 15, 2004 (64 տարեկան) | |
Ծննդավայր | Տաթև, Գորիսի շրջան, Հայկական ԽՍՀ, ԽՍՀՄ |
Մահվան վայր | Երևան, Հայաստան |
Քաղաքացիություն | ![]() |
Ծառայության տարիներ | 1988-2004 |
Կոչում | ՀՀ ԶՈՒ գնդապետ |
Պաշտոն | Հայաստանի պաշտպանության նախարարության ավիացիայի վարչության պետ |
Պարգևներ | «Զորավար Անդրանիկ» շքանշան,«Մարշալ Բաղրամյան» շքանշան, «Դրաստամատ Կանայան» շքանշան,«ՌԴ ՊՆ համագորցակցուրյան համար» շքանշան,«Վարդան Մամիկոնյան» շքանշան |
Քաջիկ Նիկոլայի Մնացականյան (դեկտեմբերի 19, 1939, Տաթև, Գորիսի շրջան, Հայկական ԽՍՀ, ԽՍՀՄ - մայիսի 15, 2004, Երևան, Հայաստան), ՀՀ և ԼՂՀ ռազմական գործիչ, գնդապետ։
Կենսագրություն
[խմբագրել | խմբագրել կոդը]Քաջիկ Նիկոլայի Մնացականյանը ծնվել է 1939 թ. դեկտեմբերի 19-ին Գորիսի շրջանի Տաթև գյուղում։ Հայրը՝ տաթևցի Նիկոլը, զոհվել է Հայրենական մեծ պատերազմում։ Քաջիկ Մնացականյանն ավարտել է գյուղի միջնակարգ դպրոցը, որից հետո Քաջարանում աշխատել է որպես բանվոր։ 1958 թ. զորակոչվել է Խորհրդային բանակ, ընդունվել Ռիլսկի ռազմաավիացիոն տեխնիկական ուսումնարանը և այն ավարտել 1961 թ.-ին։ Նույն թվականին գործուղվել է Հայաստան և աշխատանքի անցել Զվարթնոց օդանավակայանում՝ որպես հատուկ սարքավորումների ավիացիոն-տեխնիկ։ Ավարտել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետը (1963-1968) թթ., ապա Լենինգրադի ավիացիոն ակադեմիան (1978-1979) թթ.։ Աշխատել է Զվարթնոց օդանավակայանի կուսկոմիտեի ազատված քարտուղար, հրամանատարի քաղգծով տեղակալ։ Մեծ է նրա դերը Հայաստանի տեղական օդանավակայանների (Գորիս, Կապան, Բերդ, Սիսիան) կառուցման գործում։ 1982 թ.-ին նշանակվեց Զվարթնոց ավիամիավորման հրամանատարի առաջին տեղակալ և օդանավակայանի տնօրեն։ 1990 թվականին նշանակվել է Էրեբունի ավիաձեռնարկության գլխավոր տնօրեն և հսկայական աշխատանք կատարել Արցախի հետ օդային կապը պահպանելու գործում։ Այդ մասին «Դժոխք և Դրախտ» գրքում գրել է նաև Զորի Բալայանը։ 1994-ից ակտիվ մասնակցություն է ունեցել հայկական բանակի կայացման գործում՝ սկզբում որպես ռազմավիատեխնիկական բազայի հրամանատար, իսկ 1996 թ-ից՝ Հայաստանի պաշտպանության նախարարության ավիացիայի վարչության պետ՝ օդուժի հրամանատար, որտեղ էլ աշխատել է մինչև իր կյանքի վերջը՝ Մայիսի 15, 2004 թ.։
Գրականություն
[խմբագրել | խմբագրել կոդը]- Ս.Մ.Պողոսյան «Տաթևի Համառոտ Պատմություն», երևան 2007