Միքայել Քոչարյան
| Միքայել Քոչարյան | |
|---|---|
 | |
| Ծնվել է | հուլիսի 28, 1927 |
| Ծննդավայր | Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ |
| Մահացել է | դեկտեմբերի 29, 1996 (69 տարեկան) |
| Մահվան վայր | Վլադիկավկազ, Ռուսաստան |
| Մասնագիտություն | լուսանկարիչ |
| Աշխատավայր | Հայֆիլմ, Պիոներ կանչ և Հայաստանի երաժշտական ընկերություն |
Միքայել Սամվելի Քոչարյան (հուլիսի 28, 1927, Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ - դեկտեմբերի 29, 1996, Վլադիկավկազ, Ռուսաստան), հայ լուսանկարիչ[1]։ ԽՍՀՄ ժուռնալիստների միության անդամ (1959)։
Կենսագրություն[խմբագրել | խմբագրել կոդը]
Միքայել Քոչարյանը ծնվել է 1927 թվականին Կրասնոդարում, ուր նրա ընտանիքը գաղթել էր Կարսից։ 1930 թվականին ընտանիքով հաստատվել են Երևանում։ 1944 թվականին Միքայել Քոչարյանը աշխատանքի է անցել կինոստուդիայում, «Արարատյան դաշտի աղջիկը» ֆիլմում եղել է օպերատորի օգնական[1]։ 1949 թվականից մինչև կյանքի վերջը եղել է «Պիոներ կանչ» թերթի լուսանկարիչ-թղթակից։ Միաժամանակ աշխատել է Հայաստանի երգչախմբային ընկերության լուսանկարիչ և օպերատոր։ 1965 թվականին եղել է Երևանի Ղուկաս Ղուկասյանի անվան պիոներների պալատի լուսանկարչական խմբի ղեկավար։ Նույն թվականին նկարչի տանը բացվել է նրա անհատական ցուցահանդեսը։ 1973-1987 թվականներին եղել է հանրապետական գյուղշին նախարարության լուսանկարիչը[1]։
1973 թվականին Միքայել Քոչարյանի լուսանկարներով հրատարակվել է «Մեր Լենինյան պիոներիան - 50» գիրքը[1]։
Մահացել է 1996 թվականին Վլադիկավկազում։
Պարգևներ[խմբագրել | խմբագրել կոդը]
- ՀԽՍՀ Գերագույն խորհրդի նախագահության պատվոգրեր, 1962, 1976, 1985 թթ.[1]