Վահան Քոչար
| Վահան Քոչար | |
|---|---|
 | |
| Ծնվել է | հունվարի 25, 1949 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | հոկտեմբերի 17, 2020[1] (71 տարեկան) |
| Մահվան վայր | Երևան, Հայաստան |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Հայկական պետական մանկավարժական համալսարան (1969), Հակոբ Կոջոյանի անվան գեղարվեստի դպրոց և Ղազարոս Աղայանի անվան թիվ 63 դպրոց |
| Մասնագիտություն | լուսանկարիչ |
| Ծնողներ | հայր՝ Անդրանիկ Քոչար |
 Vahan Kochar Վիքիպահեստում | |
Վահան Անդրանիկի Քոչար (Քոչարյան, հունվարի 25, 1949, Երևան, Հայկական ԽՍՀ, ԽՍՀՄ - հոկտեմբերի 17, 2020[1], Երևան, Հայաստան), հայ գեղանկարիչ և լուսանկարիչ։ ԽՍՀՄ ժուռնալիստների միության անդամ (1980)։
Կենսագրություն[խմբագրել | խմբագրել կոդը]
Վահան Քոչարը ծնվել է 1949 թվականին լուսանկարիչ Անդրանիկ Քոչարի ընտանիքում։ 1965 թվականին ավարտել է Ղազարոս Աղայանի անվան միջնակարգ հանրակրթական և Հակոբ Կոջոյանի անվան նկարչական դպրոցները։ 1969 թվականին ավարտել է Երևանի Խաչատուր Աբովյանի անվան մանկավարժական ինստիտուտի կուլտուրայի ֆակուլտետի նկարչագծագրական բաժնի լրիվ դասընթացը[2]։ Մեկ տարի աշխատել է որպես ուսուցիչ Լուսավանում (այժմ՝ Չարենցավան), 1970 թվականին՝ ազատ նկարիչ։ Աշխատակցել է «Պետհրատ» հրատարակչությունում և այլ հիմնարկներում[3]։ 1977 թվականին աշխատանքի է անցել ՀԿԿ Կենտկոմի հրատարակչության տպարանում (այժմ՝ «Տիգրան Մեծ» հրատարակչություն) որպես լուսանկարիչ, ուր աշխատել է 25 տարի[4]։
2007 թվականին լույս է տեսել Վահան Քոչարի «Հայ լուսանկարիչներ» պատկերագիրքը, որտեղ ներկայացված են շուրջ 480 լուսանկարիչների կենսագրականներ և լուսանկարներ[5], որոնցից 180-ի անունները հայտնաբերվել են տարբեր լուսանկարչական կնիքների վրայից[6]։
Ցուցահանդեսներ[խմբագրել | խմբագրել կոդը]
Քոչարը լուսանկարել է բազմաթիվ դիմանկարներ, ինչպես նաև բնանկարներ, ճարտարապետական հուշարձաններ, նատյուրմորտներ, կոմպոզիցիաներ։ Անհատական ցուցահանդեսներ է ունեցել Երևանում (1962, 1964, 1973), Բեյրութում (1965), Մոսկվայում (1966), Սալոնիկում (1996, միջազգային ցուցահանդես, հայր և որդի), Լոնդոնում (1999, «Ձեր կյանքի ժամանակը», հայր և որդի), ինչպես նաև խմբակային ցուցահանդեսներ՝ Ռիգայում (1983), Զապորոժիեում (1986), Դնեպրոպետրովսկում (1988), Երևանում (1995), Բոխումում (1995), Մոսկվայում (1995)։
Կինոյում խաղացած դերեր[խմբագրել | խմբագրել կոդը]
- Դեպի բարձունքները, ռեժ.՝ Ժիրայր Ավետիսյան, 1960
Մրցանակներ[խմբագրել | խմբագրել կոդը]
- «Թանգարան» գրքի համար Ֆրանկֆուրտի միջազգային ցուցահանդեսում արժանացել է ՅՈՒՆԵՍԿՕ-ի մրցանակի, 1998
- Ռազմիկ Դավոյանի «Ոգեղեն հաց» գրքի համար արժանացել է հայ գրահրատարակիչների մրցանակի, 2002
- Երևանի քաղաքապետի ոսկե մեդալ, 2016
Ընտանիք[խմբագրել | խմբագրել կոդը]
- Հայր՝ Անդրանիկ Քոչար, լուսանկարիչ
- Մայր՝ Հասմիկ Զաքարյան
- Կին՝ Մարիետա Քոչարյան (Վահանի համակուրսեցին)
- Դուստր՝ Շուշան
- Որդի՝ Անդրանիկ
Մահացել է Երևանում 2020 թվականի հոկտեմբերի 17-ին[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Մահացել է գեղանկարիչ, լուսանկարիչ Վահան Քոչարը
- ↑ «Vahan Kochar | Saatchi Art»։ Saatchi Art (en-US)։ Վերցված է 2017-02-08
- ↑ «Vahan Kochar's Profile»։ Photo.am (en-US)։ Վերցված է 2017-02-08(չաշխատող հղում)
- ↑ «Զրույց լուսանկարիչ, գեղանկարիչ Վահան Քոչարի հետ՝ ՀԱՅԱՐՏ մշակութային կենտրոնում ընթացող ցուցահանդեսի շուրջ»
- ↑ «Մեկտեղվեցին «Հայ լուսանկարիչներ» պատկերագիրքն ու ցուցահանդեսը - Այսօր` թարմ լուրեր Հայաստանից»։ www.aysor.am (անգլերեն)։ Վերցված է 2017-02-08
- ↑ «Բոլոր հայ լուսանկարիչները` Քոչարի բառարանային պատկերագրքում - Հետք - Լուրեր, հոդվածներ, հետաքննություններ» (հայերեն)։ Վերցված է 2017-02-08
- ↑ «Նախագահ Արմեն Սարգսյանը ցավակցել է լուսանկարիչ Վահան Քոչարի մահվան կապակցությամբ - Մամուլի հաղորդագրություններ - Լրատվություն - Հայաստանի Հանրապետության Նախագահ»։ www.president.am։ Վերցված է 2020-10-18
Գրականություն[խմբագրել | խմբագրել կոդը]
- Վահան Քոչար, «Հայ լուսանկարիչներ», Երևան, Հեղինակային հրատարակություն, 2007։
- Վահան Քոչար, Մի լուսանկարի պատմություն Archived 2017-04-17 at the Wayback Machine.։
- Վահան Քոչար, Քրիստոսի պատկերով թաշկինակը կամ դաստառակ, Ազգ, 22.07.2016: Archived 2017-01-31 at the Wayback Machine.
- Վահան Քոչար, Լուսանկարչության հայկական ֆենոմենը, Ազգ, 09.09.2016:
- Արարատյան քննարկումներ լուսանկարչության թեմայով. Դասախոսում է Վահան Քոչարը: Archived 2017-04-19 at the Wayback Machine.
- Լուսանկարիչ Վահան Քոչարն ամեն անգամ հոր ժառանգությունը տանը տեսնելիս վատ էր զգում:
- Ակնթարթի որսը. Վահան Քոչար։
| ||||||
