Միհրան Տամատյան

Միհրան Տամատյան;
Ծնվել է	1863
Ծննդավայր	Կոստանդնուպոլիս,; Օսմանյան Թուրքիա
Մահացել է	1945; (81-82 տարեկան)
Մահվան վայր	Կահիրե, Եգիպտոս
Քաղաքացիություն	Օսմանյան կայսրություն
Ազգություն	Հայ
Կրթություն	Սուրբ Ղազար կղզի
Մասնագիտություն	գրող, հասարակական գործիչ և մանկավարժ
Աշխատանք	Հասարակական-քաղաքական գործիչ; գրող, մանկավարժ
Կուսակցություն	Սոցիալ դեմոկրատ Հնչակյան կուսակցություն

Միհրան Տամատյան (1863^[1]^[2], Կոստանդնուպոլիս, Օսմանյան կայսրություն - 1945^[1]^[2], Կահիրե, Եգիպտոս), հայ հասարակական-քաղաքական գործիչ, գրող, մանկավարժ։

Կենսագրություն[խմբագրել | խմբագրել կոդը]

Սկզբնական կրթությունը ստացել է ծննդավայրում, ավարտել է Վենետիկի Մուրատ-Ռափայելյան վարժարանը։ Եղել է ուսուցիչ Կոստանդնուպոլսում, Ադանայում, Մուշում և հայկական դպրոցների տեսուչ՝ Տուրուբերանում ու Վասպուրականում։ 1890 թվականին Գում Գափուի ցույցին մասնակցելու համար հալածվել է և Պոլսից տեղափոխվել Աթենք։ 1891 թվականին վերադարձել է Սասուն և տեղի հայերին նախապատրաստել ինքնապաշտպանության։ 1893 թվականին ձերբակալվել է և մեկ տարի բանտարկվել Պոլսում։

1897 թվականին հեռացել է հնչակյան կուսակցությունից, հետագայում մասնակցել սահմանադրական ռամկավար կուսակցության ստեղծմանը։ Որպես Կիլիկիայի լիազոր ներկայացուցիչ ընդգրկվել է Պողոս Նուբարի գլխավորած ազգային պատվիրակության կազմում։ Փորձել է Կիլիկիայում ստեղծել հայկական ինքնավար պետություն։

1920 թվականի օգոստոսի 4-ին Ադանայում ազգային գերագույն խորհուրդը, Տամատյանի նախագահությամբ, հռչակվել է անկախ հանրապետություն՝ Ինքնավար Հայաստան Ֆրանսիայի հովանավորության ներքո։ Սակայն անգլո-ֆրանսիական հակասությունների սրման պայմաններում դեպի Թուրքիա հակված ֆրանսիական զինվորական իշխանությունները ցրում են Տամատյանի գլխավորած կառավարությունը։

Զբաղվել է նաև գրական գործունեությամբ. գրել է բանաստեղծություններ, կատարել թարգմանություններ։

Գրականություն[խմբագրել | խմբագրել կոդը]

Տէփոյեան Պ. «Միհրան Տամատյան (1863-1945)», Գահիրէ, 1956։
Չելեպեան Անդրանիկ «Յեղափոխական դէմքեր», Միշիկըն, 1991, 464 էջ, 2-րդ հրտ., Սաութֆիլդ, 1994, էջ 13–78:

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_db6029dd61242feb-1] 1,0 ^1,1 ^1,2 Faceted Application of Subject Terminology

[_9f02d6b46f415fa4-2] 2,0 ^2,1 ^2,2 Հայաստանի գրադարանների համահավաք գրացուցակ

[1]

[2]