Միկրոմերիա թփային

Վիքիպեդիայից՝ ազատ հանրագիտարանից
Jump to navigation Jump to search
Միկրոմերիա թփային
Micromeria fruticosa Inflorescen 2012-11-25 SierraMadrona.jpg
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Շրթնազգիներ
Տեսակ Միկրոմերիա թփային
Լատիներեն անվանում
Micromeria fruticosa


Միկրոմերիա թփային (լատ.՝ Micromeria fruticosa), շրթնազգիների ընտանիքին պատկանող ծածկասերմ բույս: Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

8-15 սմ բարձրությամբ, բարակ և ուղիղ չճյուղավորված ճյուղերով, կիսաթփիկ բույս է: Տերևները համարյա նստադիր են, մանր, ձվաձև-երկարավուն և եզրից շրջված: Ծաղկաբույլը փուխր է և կազմված կարճ, կոթունավոր, 1-5 ծաղիկներից բաղկացած կիսահովանոցներից: 13-15 ջղերով բաժակը նեղ խողովակաձև է և բութ ատամներով: Պսակը երկշուրթ, նուրբ մանուշակագույն է: Պսակի ներսում իրար մոտեցած առէջները գտնվում են վերին շուրթի տակ: Պտուղը կազմված է 4 մասերից՝ էլիպսաձև էրեմներից[1]:

Տարածվածություն[խմբագրել | խմբագրել կոդը]

Հայաստանում հանդիպում է միայն Երևանի ֆլորիստիկական շրջանում (Վեդի և Խոսրով գետերի ավազաններ, Երախի լեռնաշղթա): Ընդհանուր արեալն ընդգրկում է Հայաստանը, Ղրիմը, միջերկրածովյան ավազանի արևելյան մասը և Հյուսիսարևելյան Թուրքիան[1]:

Էկոլոգիա[խմբագրել | խմբագրել կոդը]

Աճում է լեռնային գոտում՝ ծովի մակարդակից 1000-1800 մ բարձրությունների վրա, ինչպես նաև ֆրիգանոիդ բուսականության մեջ՝ ժայռոտ տեղերում, քարաթափվածքների վրա և ժայռաճեղքերին: Ծաղկում է մայիս-հունիս ամիսներին, պտղաբերում՝ հուլիսին[1]:

Պահպանություն[խմբագրել | խմբագրել կոդը]

Խոցելի տեսակ է: Կովկասում հայտնի է միայն Հայաստանում: Տարածման և բնակության շրջանների մակերեսը 500 կմ²-ից պակաս է: Տեսակի համաշխարհային մասշտաբով շատ լայն տարածման պատճառով կատեգորիան իջեցվել է մեկ աստիճանով: Հայաստանի Կարմիր գրքի առաջին հրատարակության մեջ ընդգրկված էր որպես հազվագյուտ տեսակ: Ընդգրկված չէ CITES-ի և Բեռնի կոնվենցիաների հավելվածներում[1]:

Պահպանվում է «Խոսրովի անտառ» պետական արգելոցում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6