Վեդի (գետ)

Անվան այլ կիրառումների համար տես՝ Վեդի (այլ կիրառումներ)

Վեդի
Բնութագիր
Երկարություն	58 կիլոմետր
Ավազանի մակերես	633 կմ²
Ջրի ծախս	2,3 մ³/վ
Ջրահոսք
· Ակունքի տեղակայում	Մանկունք
· Գետաբերանի տեղակայում	Արաքս
· Կոորդինատներ	40°0′30.000000098796″ հս․ լ. 45°4′44.00000010039″ ավ. ե. и 39°49′21.000000099993″ հս․ լ. 44°37′15.000000098811″ ավ. ե.
Տեղակայում
Հոսող հոսքեր	Աղձ, Արմիկ, Բարակաղբյուր, Խոսրով, Կոտուց, Մանկուկ, Մանկունք (գետ), Շաղափ, Քարկապան, Աղօղլան, Ազիզքենդ, Աղջուր և Աղսու
Երկիր	Հայաստան
Երկրամաս	Արարատի մարզ

Վեդին գետ է ՀՀ Արարատի մարզում՝ Արաքսի ձախակողմյան վտակներից։ Սկիզբ է առնում Գեղամա լեռնաշղթայի ծայր հարավում ընկած Մանկունք լեռնագագաթի հարավարևելյան լանջերի՝ մոտ 2700 մ բարձրություններից։ Հոսքի ընդհանուր ուղղությունը հարավարևմտյան է։ Վերին հոսանքում գետն ունի լեռնային բնույթ։ Ստորին հոսանքում անցնում է Արարատյան հարթավայրով ու թափվում Արաքսը Եղեգնավան գյուղից մոտ 2 կմ հարավ՝ ծովի մակարդակից մոտ 810 մ բարձրության վրա։ Ակունքի մոտավոր աշխարհագրական կոորդինատներն են հս.լ. 40°00՛30՛՛ արլ.ե.45°04՛44՛՛, գետաբերանինը՝ հս.լ.39°49՛21՛՛ արլ.ե. 44°37՛15՛՛։ Վեդիի երկարությունը 58 կմ է, ջրահավաք ավազանի մակերեսը 633 կմ², որի մի մասը մտնում է Խոսրովի անտառ արգելոցի մեջ։ Խոշոր վտակներից են Մանկունքը (կամ Մանկուկ, Քյուսուզչայ), Սպիտակաջուր (Աղսու), Խոսրովը, Շաղափը ու Կոտուցը (Կետուզչայ) (վտակները ներկայացված են ըստ Վեդիի մեջ թափվելու հերթականության)։ Ջրի միջին տարեկան ծախսը մոտ 2,3 մ³/վրկ է, հոսքը՝ մոտ 72 միլիոն մ³։ Սնումը հիմնականում հալոցքային (47%), ստորերկրյա (42%) ու անձրևային է։ Հորդանում է մարտից մինչև հունիս, որի ընթացքում ձևավորվում է տարեկան հոսքի 70%-ը։ Ջուրը օգտագործվում է գյուղատնտեսական նպատակներով։ Սակավաջուր տարիներին ու ոռոգման շրջանում գետը հաճախ Արաքսին չի հասնում։

«Խորհրդային Հայաստան» օրաթերթում, վրիպակով գետը կոչված է Բեդիչայ։

Պատկերասրահ

• 
• 
• 
• 
• 

Աղբյուրներ

• Հայաստանի սովետական հանրագիտարահ Երևան 1985 XI հատորէջ 357
• Հայաստանի բնաշխարհ Հ.Մ.Այվազյան Երևան 2006 էջ 171