Մարգո Ղուկասյան
Մարգո Ղուկասյան | |
|---|---|
 | |
| Ծնվել է | ապրիլի 17, 1927 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | ապրիլի 27, 2013 (86 տարեկանում) |
| Վախճանի վայր | Երևան, Հայաստան |
| Մասնագիտություն | լրագրող և արձակագիր |
| Ազգություն | հայ |
| Քաղաքացիություն |  ԽՍՀՄ Հայաստան |
| Կրթություն | Երևանի պետական համալսարան |
| Անդամակցություն | Հայաստանի գրողների միություն |
| Կուսակցություն | ԽՄԿԿ |
| Աշխատավայր | Կանչ և Գարուն |
| Պարգևներ | Մովսես Խորենացու մեդալ |
| Մարգո Ղուկասյան Վիքիդարանում | |
Մարգո Գևորգի Ղուկասյան (1927, ապրիլի 17, Լենինական - 2013, ապրիլի 27, Երևան[1]), հայ արձակագիր, լրագրող։ ԽՍՀՄ գրողների միության անդամ 1978 թվականից: ՀԽՍՀ վաստակավոր ժուռնալիստ։ ԽՄԿԿ անդամ 1970 թվականից:
Բովանդակություն
Կենսագրություն[խմբագրել | խմբագրել կոդը]
Մարգո Ղուկասյանը ծնվել է Լենինականում` Արևմտյան Հայաստանի Բասեն գավառի Դալի Բաբա գյուղից գաղթած ծնողների ընտանիքում: Մինչև 7-րդ դասարանը սովորել է Լենինականի համար 10 միջնակարգ դպրոցում: 1941-1945 թվականներին աշխատել է Երևանի Հայկոոպի գեղարվեստական արվեստանոցում որպես նկարչուհի, միաժամանակ սովորել է և 1945 թվականին ավարտել Երևանի համար 41 երեկոյան բաներիտ միջնակարգ դպրոցը: 1950 թվականին ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը: 1950-1957 թվականներին աշխատել է «Պիոներ կանչ» թերթում, 1967 թվականից «Գարուն» ամսագրում, մինչև 1975 թվականը եղել է բաժնի վարիչ, 1975-1979 թվականներին՝ պատասխանատու քարտուղար, 1979 թվականից դարձյալ բաժնի վարիչ: 1972 թվականին արժանացել է ԽՍՀՄ ժուռնալիստների միության մրցանակին «Դիալոգ իրավաբանի հետ՝ Մխիթար Գոշի մասնակցությամբ», «Նրանք, որ չվերադարձան, նրանք, որ վերադարձան հաղթանակով», «Ղափան, Քաջարան՝ այսօրվա և վաղվա պրոբլեմներ» հոդվածների համար: 1974 թվականին ստացել է Հայաստանի ժուռնալիստների միության «Ոսկե գրիչ» մրցանակը՝ «Եվ այգեգործն ասաց. հողը խռովել է մեզնից», «Երեք անսովոր նամակ» հրապարակախոսական հոդվածների համար: 1975 թվականից, «Գարուն»-ի աշխատանքին զուգընթաց, դասավանդում է Երևանի Կ. Մարքսի անվան պոլիտեխնիկական ինստիտուտի հասարակական մասնագիտությունների ֆակուլտետի ժուռնալիստիկայի բաժնում: Հրապարակվել են գրողի ստեղծագործությունների մի քանի ժողովածուներ, որոնց մի մասը թարգմանվել են այլ լեզուներով: 1978 թվականից եղել է Հայաստանի գրողների միության անդամ: Հեղինակել է 13 գիրք, տասնյակ ակնարկներ, հուշագրություններ և շուրջ 400 հրապարակախոսական հոդվածներ: Վերջին գիրքը կոչվում է «Անվերնագիր...1915 թ.», որը հեղինակել է 80-անց հասակում, երեք տարվա ընթացքում[2]: Այն նվիրված է Հայոց եղեռնի զոհերի հիշատակին և ներկայացնում է Հայոց ցեղասպանության ականատեսների հիշողությունները։ 2011 թվականին գիրքն արժանացել է Հայաստանի գրողների միության «Տարվա լավագույն գիրք» մրցանակաբաշխության հրապարակախոսության անվանակարգում Միքայել Նալբանդյանի անվան մրցանակին։ 2011 թվականին լույս է տեսել Մարգո Ղուկասյանի «Գիսավոր աստղի տարին» գիրքը[3]: Մահացել է 2013 թվականի ապրիլի 27-ին 86 տարեկան հասակում:
Երկեր[խմբագրել | խմբագրել կոդը]
- Բաց նամակ երկու միլիոն հասցեով, Երևան, «Հայաստան», 1974, 220 էջ[4]:
- Նախնիների շառավիղը (ակնարկներ և պատմվածքներ), Երևան, «Սովետական գրող», 1977, 176 էջ:
- Ուր է կղզյակն Սևանա: «Ապոլոն» հրատարակչություն, 1999, 266 էջ[5]:
- Երկնքում արև կա: Հրապարակախոսական հոդվածների եւ ակնարկների ժողովածու: «Ապոլոն» հրատարակչություն, 2000, 113 էջ[6]:
- Մի կյանքի պատմություն: Վավերագր. վիպակ: «Ապոլոն» հրատարակչություն, 2001, 242 էջ[7]:
- Քարակերտ հրաշքներ: ՀԳՄ, 2005, 226 էջ[8]:
- Վկայություն 20-րդ դարի: «Առաքելություն Հայաստան», 2005, 268 էջ[9]:
- Գիսավոր աստղի տարին (զրույցներ եւ ակնարկներ): «Ապոլոն» հրատարակչություն, 2011, 160 էջ[10]:
Պարգևներ[խմբագրել | խմբագրել կոդը]
- ՀԽՍՀ վաստակավոր ժուռնալիստ, 1986
- Հայաստանի ճարտարապետների միության պատվավոր դիպլոմ
- Մովսես Խորենացու մեդալ, 2011[11]
Ծանոթագրություններ[խմբագրել | խմբագրել կոդը]
- ↑ Մահացել է գրող, հրապարակախոս Մարգո Ղուկասյանը
- ↑ Մարգո Ղուկասյան. «Անվերնագիր…1915»
- ↑ Լույս է տեսել գրող-հրապարակախոս Մարգո Ղուկասյանի «Գիսավոր աստղի տարին» գիրքը
- ↑ Ghukasyan Margo (1974)։ Batsʻ namak erku milion hastsʻeov (հայերեն)։ Hayastan Hratarakchʻutʻyun
- ↑ Ghukasyan Margo (1999)։ Ur ē kghzyakn Sevana (հայերեն)։ Apolon
- ↑ Ղուկասյան Մարգո Գեւորգի (2000)։ Երկնքում արեւ կա: Հրապարակախոսական հոդվածների եւ ակնարկների ժողովածու (հայերեն)։ Ապոլոն։ ISBN 9789993054078
- ↑ Ղուկասյան Մարգո Գեւորգի (2001)։ Մի կյանքի պատմություն: Վավերագր. վիպակ (հայերեն)։ Ապոլոն։ ISBN 9789993054214
- ↑ Ghukasyan Margo (2005)։ Քարակերտ հրաշքներ (թայերեն)։ ՀԳՄ
- ↑ Ghukasyan Margo (2005)։ Vkayutʻyun kʻsanerord dari (հայերեն)։ "Aṛakʻelutʻyun Hayastan"
- ↑ Ղուկասյան Մարգո (2011)։ Գիսավոր աստղի տարին: (զրույցներ եւ ակնարկներ) (հայերեն)։ "Apolon" hratarakchʻutʻyun։ ISBN 9789993054580
- ↑ Հայաստանի Հանրապետության շքանշաններով և մեդալներով պարգևատրելու մասին
Արտաքին հղումներ[խմբագրել | խմբագրել կոդը]
- Երկրագնդի «չարաճճիությունների» վկաները, «Գարուն», 1967, № 6:
- Մարգո Ղուկասյան
- Մարգո Ղուկասյան, Գրական թերթ
- Մարգո Ղուկասյանը Էյ Վի Փրոդաքշն կայքում
- Ապրիլի 17 ծնունդներ
- 1927 ծնունդներ
- Գյումրի քաղաքում ծնվածներ
- Ապրիլի 27 մահեր
- 2013 մահեր
- Երևան քաղաքում մահացածներ
- Մովսես Խորենացու մեդալակիրներ
- Անձինք այբբենական կարգով
- Գրողներ այբբենական կարգով
- Հայ արձակագիրներ
- Հայ լրագրողներ
- ԵՊՀ շրջանավարտներ
- Հայաստանի գրողների միության անդամներ
- ԽՄԿԿ անդամներ
- Լենինական քաղաքում ծնվածներ
