Մարգարիտ Գրիգորյան

Մարգարիտ Գրիգորյան
Ծնվել է	հունիս 1913 (105 տարեկան)
Ազգություն	հայ
Մասնագիտություն	ֆիզիոլոգ
Ալմա մատեր	Երևանի անասնաբուծական-անասնաբուժական ինստիտուտ
Գիտական աստիճան	պրոֆեսոր և ակադեմիկոս
Պարգևներ	Անանիա Շիրակացու մեդալ և Հայկական ԽՍՀ գիտության վաստակավոր գործիչ

Գրիգորյան Մարգարիտ(ա) Սերգեյի, (12(25)․6․1913, Ուստ-Լաբինսկ, Կրասնոդարի երկրամաս), հայ խորհրդային ախտաբան ֆիզիոլոգ։ Անասնաբուժական գիտությունների դոկտոր (1953), պրոֆեսոր (1954), ՀԽՍՀ գիտական վաստակավոր գործիչ (1964)։ ՀՀ ԳԱԱ ակադեմիկոս (1994):

Կենսագրություն

Մարգարիտա Գրիգորյանը ծնվել է Ռուսաստանի Կրասնոդարի երկրամասի Ուստ Լաբինսկ քաղաքում: 1935 թվականին ավարտել է Երևանի անասնաբուծական-անասնաբուժական ինստիտուտը: 1946-1994 թվականներին եղել է Երևանի անասնաբուծական-անասնաբուժական ինստիտուտի ֆիզիոլոգիայի և ախտաբանական ֆիզիոլոգիայի ամբիոնի վարիչ։ Գրիգորյանի աշխատությունները նվիրված են ցավի պրոցեսի, օրգանիզմի կենսագործունեության ու դիմադրողականության համար միկրոտարրերի (մոլիբդեն, կոբալտ ևն) նշանակության, իմունոլոգիական, ալերգիկ ռեակտիվականության ցուցանիշների ուսումնասիրությանը, ֆերմենտային համակարգերին։ Գրիգորյանը եղել է ՀԽՍՀ ախտաբան-ֆիզիոլոգների ընկերության նախագահի տեղակալ։

Պարգևներ

• ՀԽՍՀ գիտության վաստակավոր գործիչ, 1964
• ՀՀ ԳԱԱ ակադեմիկոս, 1994
• ՀՀ Անանիա Շիրակացու մեդալ, 2000
• ՀԳԱ վաստակավոր պրոֆեսոր, 2002

Երկեր

• Գյուղատնտեսական կենդանիների բնական դիմացկունությունը և կերային գործոնը, Ե., 1962 (համահեղինակ):
• Патологическая физиология сельскохозяйственных животных, М., 1985 (համահեղինակ).
• Определение степени адаптации овец в различных экологических зонах, Е., 1989.
• Молибден и животный организм, Е., 2002 (համահեղինակ).

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 226)։