Մասրենի Բուասսեյի

Վիքիպեդիայից՝ ազատ հանրագիտարանից
Jump to navigation Jump to search
Մասրենի Բուասսեյի
Գիտական դասակարգում
Թագավորություն Բույսեր
Կարգ Վարդածաղկավորներ
Ընտանիք Վարդազգիներ
Ցեղ Մասրենի
Տեսակ Մասրենի Բուասսեյի
Լատիներեն անվանում
Rosa boissieri


Մասրենի Բուասսեյի (լատ.՝ Rosa boissieri), վարդազգիների ընտանիքի մասրենի ցեղի բույս։

Նկարագրություն[խմբագրել | խմբագրել կոդը]

Բավականին բարձր, տերևաթափ թուփ է, 1,5-2 մ բարձրությամբ, այս ու այն կողմ տարածված մերկ, շագանակագույն ճյուղերով։ Փշերը թեթևակի ծռված են, բարակ, մանր, հորիզոնական թեքված, հիմքում սեղմված, բավականին առատ։ Տերևիկները 5-7 հատ են, հաստավուն, վերևի կողմից մահուդանման աղվամազապատ, ներքևից թավշաաղվամազապատ, գեղձիկներից զուրկ, լայն ձվաձև, էլիպսաձև, կարճ սրածայր, հասարակ, երբեմն կրկնակի ատամնաեզր։ Ծաղիկները միայնակ են, կարճ, մերկ կամ գեղձիկապատ ծաղկակոթուններով։ Հիպանթիումը մերկ է և հարթ։ Բաժակաթերթիկները ամբողջական են կամ թեթևակի փետրաձև։

Տարածվածություն[խմբագրել | խմբագրել կոդը]

Տարածված է Կովկասում, Արևմտյան Հայաստանում, Փոքր Ասիայում: Հայաստանի Հանրապետության տարածքում հանդիպում է Իջևանի, Նոյեմբերյանի, Շամշադինի շրջաններում, Սևանի ավազանում, Գառնի-Գեղարդում, ստորինից մինչև միջին լեռնային գոտում, թփուտներում, անտառների եզրերին։

Կիրառություն[խմբագրել | խմբագրել կոդը]

Արժեքավոր և դիմացկուն պատվաստակալ է համարվում[1]

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 402։