«Car Radio» երգը, որը գրել և ձայնագել է ամերիկյան Twenty One Pilots երաժշտական դուետը, սկզբնապես թողարկվել է 2011 թվականին նրանց երկրորդ ստուդիական ալբոմում (Regional at Best)[3]։ Այն վերահրատարակվել է 2014 թվականի մարտի 18-ին՝ որպես իրենց երրորդ ստուդիական ալբոմի(Vessel) հինգերորդ և վերջին սինգլ:
Երգը ոգեշնչված է այն իրադարձությամբ, որը տեղի ունեցավ ֆրոնտմեն Թայլեր Ջոզեֆի հետ քոլեջում ուսման ժամանակ։ Rock Sound-ին տված հարցազրույցում նա բացատրեց, որ մի օր ուշացել է դասից և մոռացել է փակել իր մեքենայի դուռը: Դասերից հետո նա վերադարձավ և հայտնաբերեց, որ ինչ-որ մեկը ներթափանցել է իր մեքենյի մեջ ու գողացել այն ամենը, ինչ եղել է, այդ թվում՝ ռադիո, GPS եւ ձայնասկավառակներ: Այդ ժամանակ Ջոզեֆը չուներ ֆինանսներ, որպեսզի փոխատուցի այն, ինչ կորցրել էր։ Առանց մեքենայի ռադիոընդունիչի հետագա աշխատանքային փորձը նրան ստիպում է գիտակցել ,որ «երաժշտությունը կարող է շեղել ձեր ուշադրությունը և կարող է կանգնել այն ճանապարհին, որտեղ ցանկանում է գնալ ձեր միտքը»[4]
Երաժշտական տեսահոլովակը, որի ռեժիսորն Մարկ Էշլեմանն էր YouTube-ում ներբեռնվել է 2013 թվականի ապրիլի 19-ին[5][6]: Այն նկարահանվել է համերգի ժամանակ: Տեսահոլովակի սկզբում Թայլեը նստած է լոգասենյակի սալիկապատված հատակին և երգում, այնուհետև նա կտրում է իր մազերը, հագնում Բալակլավան և դուրս է գալիս բեմ, որտեղ նվագում է Ջոշ Դանը: Ջոզեֆը մտնում է ամբոխի մեջ, որն սկզբում անշարժ է, բայց երբ Թայլերը սկսում է ցատկել նրանք ցատկում են նրա հետ: Տեսահոլովակը ավարտվում է նրանով, որ Ջոզեֆը երգում է երգի վերջին բառերը, ընկնում բեմից և էկրանը սևանում է:
2014 թվականի ապրիլի 13-ին Twenty One Pilots ելույթ ունեցավ «Car Radio» երգով 2014 MTV Movie Awards-ի ժամանակ[7]: Նույն ամսվա 28-ին դուետը ելույթ ունեցավ երգով Late Night with Seth Meyers-ում[8]: Նրանք նաև հանդես եկան BBC Radio 1's Big Weekend 2016-ում մայիսի 28-ին[9]: