Մասնակից:Gevorg Ghazaryan/Սիմեոն Ռադև
Gevorg Ghazaryan/Սիմեոն Ռադև |
---|
Սիմեոն Ռադև (բուլղար․՝ Симеон Трайчев Радев, ), բուլղար պատմաբան, հրապարակախոս, լրագրող, դիվանագետ և գեղարվեստական քննադատ: Պատմագրական «Ժամանակակից Բուլղարիայի կառուցողներ» աշխատության հեղինակ[1]:
Կենսագրություն[խմբագրել | խմբագրել կոդը]
Սիմեոն Ռադևը ծնվել է 1879 թվականի հունվարի 19-ին Ռեսենում, Օսմանյան կայսրություն: Սովորել է Ստամբուլի «Գալաթասարայ» ֆրանսիական քոլեջում:
1903-1909 թվականներին եղել է «Вечерна поща» թերթի թղթակից: Ակտիվ լուսաբանել է Ռուսաստանում 1905-1907 թվականների հեղափոխության դեպքերը:
1910-11 թվականներին հրապարակել է պատմագրական «Ժամանակակից Բուլղարիայի կառուցողներ» աշխատությունը, որը նվիրված է եղել Բուլղարիայի երրորդ կայսրության պատմության դեպքերին. Բեռլինի կոնգրեսին, Բուլղարիայի միասնական իշխանությանը և Արևելյան Ռումելիային, սերբ-բուլղարական պատերազմին, բուլղար-ռուսական դիվանագիտական կոնֆլիկտին, Ալեքսանդր Բաթենբերգի տապալմանը, նրա վերականգնմանը և գահից հրաժարմանը, Ստեֆան Ստամբոլովի կառավարությանը և Ռուսեում և Սիլիստրայում ցույցերին:
Առաջին և Երկրորդ Բալկանյան պատերազմներում մասնակցել է որպես սպա և ռազմական թղթակից:
1913 թվականից մինչև 1940 թվականը զբաղվել է դիվանագիտական գործունեությամբ.
- 1913-1916 թվականներ՝ Ռումինիայում եղել է Բուլղարիայի դեսպան:
- 1916-1917 թվականներին Շվեյցարիայում, 1920-1921 թվականներին՝ Նիդեռլանդներում, 1923-1925 թվականներին՝ Թուրքիայում, 1925-1933 թվականներին՝ ԱՄՆ-ում, 1935-1938 թվականներին՝ Մեծ Բրիտանիայում և 1938-1940 թվականներին Բելգիայում եղել է Բուլղարիայի արտակարգ և լիազոր դեսպան:
Սիմեոն Ռադևը մահացել է 1967 թվականի փետրվարի 15-ին Սոֆիայում՝ 88 տարեկան հասակում:
Մատենագրություն[խմբագրել | խմբագրել կոդը]
- Строителите на съвременна България (Ժամանակակից Բուլղարիայի կառուցողներ), 1910—11.
- Това, което видях от Балканската война
- Македония и Българското възраждане през XIX век (Մակեդոնիա և Բուլղարական վերածնունդը 19-րդ դարում):
- Погледи върху литературата и изкуството и лични спомени, 1965.
- Ранни спомени, 1967.
Ծանոթագրություններ[խմբագրել | խմբագրել կոդը]
- ↑ Петър, Карчев (2004). През прозореца на едно полустолетие (1900 – 1950). София: Изток-Запад. էջ 21. ISBN 954321056X.
Արտաքին հղումներ[խմբագրել | խմբագրել կոդը]
- Биографични бележки
- Живот в служба на България — очерк
- „"Първи сръбско-гръцки разговори за поделбата на Македония", публикувано в „Юбилеен сборник Андрей Тошев“, София, 1942 година
- „Живот в служба на България“ Очерк на живота и творчеството на Симеон Радев от Борислав Гърдев.
- Симеон Радев в родословното дърво на фамилия Хаджииванови
- „Симеон Радев и „Строителите на съвременна България“, БНТ, История.bg, 20 януари 2015
Կատեգորիա:Բուլղարացի գրողներ
Կատեգորիա:Բուլղարացի լրագրողներ
Կատեգորիա:Բուլղարիայի դիվանագետներ
Կատեգորիա:Բուլղարացի պատմաբաններ
Կատեգորիա:Ժնևի համալսարանի շրջանավարտներ
Կատեգորիա:Բուլղարիայի քաղաքական գործիչներ
Կատեգորիա:Գալաթասարայի վարժարանի շրջանավարտներ
Կատեգորիա:Բուլղարացի իրավաբաններ