Մանուել Բերբերյան
Մանուել Բերբերյան | |
|---|---|
 | |
| Ծնվել է | հոկտեմբերի 27, 1945 (78 տարեկան) Թեհրան, Իրան |
| Քաղաքացիություն |  Հայաստան |
| Մասնագիտություն | երկրաբան և ֆակուլտետ |
| Հաստատություն(ներ) | Ocean County College?[1] |
| Ալմա մատեր | Թեհրանի համալսարան (1968) և Քեմբրիջի համալսարան (1981) |
| Կայք | manuelberberian.com |
Մանուել Բերբերյան (պարս.՝ مانوئل بربریان, հոկտեմբերի 27, 1945, Թեհրան, Իրան), իրանահայ երկրաբան, երկրաշարժերի սեյսմաբանության, ակտիվ տեկտոնիկների, մայրցամաքային տեկտոնիկների, պատմական սեյսմիկության, հնագիտական երկրաշարժերի վտանգի նվազեցման, երկրաբանական քարտեզագրման և բնապահպանական գիտության և ճարտարագիտության բնագավառների մասնագետ։
Կենսագրություն[խմբագրել | խմբագրել կոդը]
Մանուել Բերբերյանը ծնվել է 1945 թվականին Թեհրանում՝ հայոց ցեղասպանությունից փրկված հայկական ընտանիքում։ Նախնական կրթությունը ստացել է Թեհրանի Քուշեշ և Ֆիրդուսի դպրոցներում, «Խարազմի» ուսումնական հաստատությունում։ 1968 թվականին ավարտել է Թեհրանի համալսարանի երկրաբանական ֆակուլտետը, 1981 թվականին՝ Քեմբրիջի համալսարանի գեոֆիզիկայի ֆակուլտետի երկրաշարժերի և սեյսմոլոգիայի բաժինը՝ ստանալով դոկտորի աստիճան[2]։
Եղել է Իրանի ինժեներների վարչության գլխավոր խորհրդատուն, իրականացրել է բազմաթիվ նախագծեր, այդ թվում՝ 1971 թվականին ստեղծել է երկրաբանության կազմակերպության սեյսմիկ հետազոտությունների բաժինը, 1973 թվականին՝ Իրանի սեյսմիկ կենտրոնը, 1976 թվականին՝ Իրանի տեկտոնական, Իրանի ճեղքվածքների և Իրանի մեծ երկրաշարժերի կենտրոնների առաջին քարտեզների պատրաստումը։
1985 թվականին եղել է «Թարբիաթ մոալեմ» համալսարանի երկրաբանական ֆակուլտետի մագիստրատուրայի բաժնի մասնագիտական խորհրդի ղեկավար և պատասխանատու։ Փորձագիտական աշխատանքներ է իրականացրել անապատային խորազննության, տեկտոնիկայի, սեյսմոտեկտոնիկայի, սեյսմոլոգիայի, սեյսմիկ ռիսկերի ուղղությամբ։ 1977-1987 թվականներին Իրանի երկրաբանական կազմակերպությունում զբաղեցրել է տարբեր պաշտոններ[2]։
Անդամակցել է Նյու Յորքի գիտությունների ակադեմիային[3]։ Գիտական աշխատությունների և երկրաբանության, Իրանի տեկտոնական և սեյսմիկ գոտիների մասին հոդվածների հեղինակ է, որոնք տպագրվել են եվրոպական, ամերիկյան, կանադական հանդեսներում[2]։
Դասավանդել է Թեհրանի պետական և մանկավարժական համալսարաններում։
1990 թվականից կնոջ և որդու հետ բնակվում է ԱՄՆ-ում։
Ծանոթագրություններ[խմբագրել | խմբագրել կոդը]
- ↑ https://orcid.org/0000-0003-2379-5064
- ↑ 2,0 2,1 2,2 Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012
- ↑ «پاسداشت «پدر زمین ساخت ایران» در نشست انجمن زمین شناسی آمریکا». ایسنا (պարսկերեն). 2013 թ․ մարտի 10. Վերցված է 2017 թ․ դեկտեմբերի 18-ին.
Արտաքին հղումներ[խմբագրել | խմբագրել կոդը]
- Պաշտոնական կայք Արխիվացված 2011-05-18 Wayback Machine
| ||||||||||||||||
