Մալմյոյի արվեստի թանգարան
Մալմյոյի արվեստի թանգարան | |
|---|---|
 | |
| Տեսակ | պատկերասրահ |
| Երկիր |  Շվեդիա |
| Տեղագրություն | Մալմյո շրջան |
| Հասցե | Malmöhusvägen 6, 201 24 Malmö |
| Հիմնադրվել է | 1841 |
| Կայք | malmo.se/konstmuseum(շվեդ.) |
 | |
 | |
Մալմյոյի արվեստի թանգարան[1] (շվեդ.՝ Malmö konstmuseum), գեղարվեստի պատկերասրահ Շվեդիայի Մալմյո քաղաքում։ Ստեղծվել է 1841 թվականին։ Համարվում է Սկանդինավիայի արվեստի առաջատար թանգարաններից մեկը։ Տեղակայված է 1937 թվականին կառուցված Մալմյոյի ամրոցային համալիրում և ղեկավարվում է քաղաքային իշխանությունների կողմից։ Թանգարանի հավաքածուն ներառում է 16000 գործ, որոնք ստեղծվել են 16-րդ դարից առ այսօր։
Պատմություն և նկարագիր[խմբագրել | խմբագրել կոդը]
Արվեստի ստեղծագործությունների հավաքածուները նախկինում եղել են Մալմյոյի քաղաքային թանգարանի մաս։ 1984 թվականին գեղարվեստի հավաքածուն առանձնացվել է որպես անկախ թանգարան, որի առաջին տնօրենն է եղել Յորան Քրիստենսոնը։ 2012 թվականին Քրիստենսոնին փոխարինել է Սեսիլիա Վիդենհայմը։ Մալմյոյի արվեստի թանգարանում է պահվում 20-րդ դարի սկանդինավյան արվեստի երկրում գտնվող ամենամեծ հավաքածուներից մեկը։ Ֆոնդերում առկա են այնպիսի հեղինակների հատուկ հավաքածուներ, ինչպիսիք են Կարլ Ֆրեդրիկ Հիլը, Բարբրո Բեկստրոմը, Կարլ Ֆրեդրիկ Ռեյտերսվարդը, Մաքս Վալտեր Սվանբերգը, Տորստեն Անդերսոնը և Գունար Նորրմանը։ Կարլ Ֆրեդրիկ Հիլի հավաքածուում հաշվառված են ավելի քան 2600 նկարներ և 25 կտավներ։ 19-րդ դարի վերջի, 20-րդ դարի սկզբի ռուսական արվեստը նույնպես նշանակալիորեն ներկայացված է թանգարանային հավաքածուում։ Դրա մեջ ընդգրկված են Ալեքսանդր Գոլովինի, Կուզմա Պետրով-Վոդկինի, Ալեքսանդր Գաուշի և Պավել Կուզնեցովի նկարները։
2019 թվականի դրությամբ թանգարանում պահվում է ավելի քան 40000 ստեղծագործություն։ Սկանդինավյան մոդեռնիզմի թանգարանային հավաքածուի հիմքը Գերման Գյոտհարդտի կողմից 1914-1943 թվականներին հավաքած 700 ստեղծագործություններից կազմված հավաքածուի նվիրատվությունն էր։ Նվիրատվության մեջ ընդգրկված էին այնպիսի նկարիչների ստեղծագործություններ, ինչպիսիք են Իսահակ Գրունևալդը, Սիգրիդ Հյերտենը, Հիլդինգ Լինկվիստը, Նիլս Նիլսոնը, Վերա Նիլսսոնը, Ինգե Շիլլերը, Օլուֆ Հյորստը, Վիլհելմ Լունդստրյոմը, Պեր Կրոգը, Հենրիկ Սորենսենը և Տիկո Սալինենը։ 2015 թվականին թանգարանը ստանձնեց «Schyls donation» նվիրատվության կառավարումը, որը նախկինում ղեկավարում էր Մալմյոի կունստհոլը։ Արվեստի թանգարանում կա նաև դեկորատիվ կիրառական արվեստի զգալի հավաքածու, որոնք հիմնականում ստեղծվել են Շվեդիայի հարավում։ Մալմյոյի արվեստի թանգարանն ամեն տարի կազմակերպում է մոտ տասը ժամանակավոր ցուցադրություն` հիմնականում «սկանդինավյան կողմնորոշմամբ»։ Թանգարանի հավաքածուի նոր համալրումները նույնպես պարբերաբար ներկայացվում են արվեստասեր հասարակությանը։ «1500 թվականից մինչև ներկա ժամանակները» խորագրով մշտական ցուցահանդեսը ստեղծվել է որպես գեղարվեստական ոճերի և ուղղությունների «զբոսանք» պատմության մեջ, հիմնականում գեղանկարչության և կահույքի ձևավորման մեջ։ Թանգարանում վերականգնվել են Վերածննդի շրջանից մինչև հետմոդեռնիզմի ժամանակաշրջանի սենյակների ինտերիերը։
Թանգարանի վերին մասում տեղակայված շուրջ 1000 մ² տարածք ունեցող ցուցասրահում ցուցադրվում են շվեդական և արտասահմանյան ժամանակակից հեղինակների գործեր։ Այստեղ անցկացվում են նաև առանձին նկարիչների ժամանակավոր հետահայաց ցուցադրություններ կամ խմբային թեմատիկ ցուցահանդեսներ։ Փորձարարական աշխատանքները, ինստալյացիաները և վիդեո արվեստը համարվում են Մալմյոյի հավաքածուի մի մասը։
Պատկերասրահ[խմբագրել | խմբագրել կոդը]
-
Ֆրանս Ֆլորիս, «Տղամարդու անկումը» (մոտ 1560) -
Ալեքսանդր Ռոսլին, «Արքայադուստր Նատալյա Պետրովնա Գոլիցինայի դիմանկարը» (1977) -
Ալեքսանդր Ռոսլին, «Արքայազն Վլադիմիր Բորիսովիչ Գոլիցինի դիմանկարը», 1762 -
Ամանդա Սիդվալ, «Սրտեր գերողը» (1884) -
Անդերս Լեոնարդ Ցորն, «Ինքնադիմանկար» (1907) -
Կարլ Ֆրեդրիկ Հիլ, «Անվերնագիր (մթնշաղի լանդշաֆտ)»
_-_Google_Art_Project.jpg)
Ծանոթագրություններ[խմբագրել | խմբագրել կոդը]
- ↑ «"До и после": какую программу приготовил фестиваль дизайна Typomania-2019». m24.ru. Москва 24. 2019 թ․ ապրիլի 29. Վերցված է 2019 թ․ սեպտեմբերի 25-ին.
Գրականություն[խմբագրել | խմբագրել կոդը]
- Baltic reflections : the collection of Malmö Konstmuseum : the era of the Baltic Exhibition 1914 = Baltiska speglingar : Malmö Konstmuseums samling : tiden kring Baltiska utställningen 1914 / Malmö konstmuseum; redaktörer: Cecilia Widenheim, Martin Sundberg ; kortkommentarer: Anders Rosdahl, Martin Sundberg. — Lund, 2014. — 199 с. — ISBN 9789178434299
- Carl Fredrik Hill Hill Hill Hill Hill Hill : Works from the Malmö Art Museum = Carl Fredrik Hill Hill Hill Hill Hill Hill : vaerker fra Malmö Konstmuseum / Foreword by Jacob Fabricius; catalog essays by Per Engström. — Koebenhavn, 2013. — 15, 73 с. — ISBN 9788788944457
Արտաքին հղումներ[խմբագրել | խմբագրել կոդը]
- «Malmö konstmuseum: Public Institution». artfacts.net (անգլերեն). Artfacts. Վերցված է 2019 թ․ օգոստոսի 25-ին.
 | Վիքիպահեստն ունի նյութեր, որոնք վերաբերում են «Մալմյոյի արվեստի թանգարան» հոդվածին։ |
| ||||||
