Մալակկա (նահանգ)

Մալակկա
Flag of Melaka? Զինանշան
Երկիր	Մալայզիա
Կարգավիճակ	Մալայզիայի նահանգ
Մտնում է	Մալայզիա
Վարչկենտրոն	Մալակկա
Բնակչություն	788 706 մարդ
Տարածք	1720 կմ²
Հիմնադրված է	1948 թ.
Սահմանակցում է	Port Dickson?, Negeri Sembilan? և Ջոհոր
Ժամային գոտի	UTC+8
ISO 3166-2 կոդ	MY-04
Հեռախոսային կոդ	06
Փոստային ինդեքսներ	75000–78999
Ավտոմոբիլային կոդ	M
melaka.gov.my

Մալակկա (մալայ․՝ Melaka, джави:ملاك, չին.՝ 马六甲) (Код : MK), Մալայզիայի նահանգներից մեկը՝ Մալակկա (թերակղզու) հարավային մասում։

Մալակկայի մայր տաճարը

Վարչական կենտրոնը Մալակկա քաղաքն է։ Գտնվում է Մալակկայի նեղուցի ափին։

Չնայած Մալակկան եղել է Մալայզիայի առաջին սուլթանությունը՝ այժմ այնտեղ սուլթանություն չկա, և կառավարողը նահանգապետն է։

Պատմություն

Սուլթանություն

Մալակկան հիմնել է շրիվիջյան պետության Պարամեշվարայի արքան, որը 1396 թվականին, թշնամանալով Մաջապահիտ թագավորության հետ, լքել էր Սումատրա կղզին։ Համաձայն լեգենդի՝ արքան որսի ժամանակ ծառի տակ հանգստանալիս տեսնում է մի եղնիկ, որի վրա շուն է հարձակվել։ Եղնիկը, պաշտպանելով իրեն, հրում է շանը գետի մեջ։ Ընդունելով այդ որպես բարեհաջող նշան՝ արքան որոշում է այդ տարածքը ապագա կայսրության կենտրոն ընտրել և անվանում է «Մալակկա»՝ ծառի անվանումով։

1414 թվականին Պարամեշվարան ընդունում է իսլամ և փոխում է անվանումը՝ անվանելով «Սուլթան Իսկանդար շահ»։ Ձկնորսական գյուղից քաղաքը դառնում է առևտրական նավահանգիստ՝ Հնդկաստանի, Ճավայի, արաբների, Չինաստանի ճանապարհների խաչմերուկում։ Շատ չինացիներ համարում էին այն բարեհաջող տարածք և հիմնում էին իրենց բնակավայրերը։ 1446 թվականին Մալակկա են ներխուժում սիամական զավթիչները, բայց նրանք հեռացվում են։ Սիամից Մալակկան պաշտպանելու համար ավարտում է չինացիների հետ միությունը։

Չին ճանապարհորդ Չժենգ Հեն, Չինաստանից Հնդկական օվկիանոս լողալով անցնելու ժամանակ այցելում է Մալակկա։

Մշակութային փոփոխման արդյունքում առաջացել է չին-մալայզական քաղաքակրթությունը՝ հետագայում տարածվելով թերակղզում։

Գաղութացում

1511 թվականի օգոսստոսի 24-ին պորտուգալական զորքերը գրավում են Մալակկան, և քաղաքը դարձնում այն պորտուգալական էքսպանսիայի հենակետ արևելյան Հնդկաստանում։

Սուլթան Մահմուդ Շահը կարողացել է թաքնվել և հետագայում անընդհատ գրոհել է Մալակկան՝ ծովից և ցամաքից։ 1526 թվականին պորտուգալական մեծ նավատորմը ջախջախում է սուլթանի հենակետը, սուլթանը փախչում է Սումատրա, որտեղ էլ երկու տարի հետո մահանում է։

Միսիոներ Ֆրանցիսկոս Կսավերին Մալակկայում անց է կացրել մի քանի ամիս՝ 1545, 1546, 1549 թվականներին ։

1641 թվականին հոլանդացիները հաղթում են պորտուգալացիներին և զբաղեցնում են Մալակկան, նրանց աջակցել է սուլթան Ջոխորան։

Հոլանդացիները ղեկավարել են Մալակկան 1641-ից 1795 թվականները, բայց նրանք չէին հետաքրքրվում Մալակկայում առևտրի զարգացումով՝ հիմնական ջանքերը ներդնելով Բատավիայում (անվանումը՝ Ջակարտա) Ինդոնեզիայում, որը դարձել է նրանց վարչական կենտրոնը։

1826-ից մինչև 1946 թվականը Մալակկան ղեկավարվել է Բրիտանական արևելահնդկական ընկերության կողմից՝ որպես գաղութ։ Մալակկա և Պենանգ գաղութների վերացումից հետո ստեցծվեց Մալայական դաշնությունը, իսկ հետո՝ Մալազիան ։

Վարչական բաժանում

Նահանգը բաժանված է 3 շրջանի.

№	Շրջան	Տարածք կմ քառակուսի	բնակչություն մարդ (2008)
1	Կենտրոնական Մալակա	279,85	473 700
2	Ալոր Գաջա	660,00	167 600
3	Ջասին	676,07	128 000

Մալակկայի նախկին քարտեզը

Նահանգի բնակչություն

Նահանգի բնակչությունը կազմում է 821 110 մարդ (2010)։

Որից՝

• մալայացիները՝ 50 %
• չինացիները՝ 40 %,
• հնդիկներ
• այլ ժողովուրդներ՝ եվրոպական և մալայական փոքրամասնություններ։

Արտաքին հղումներ

• Official Malacca government website
• Malacca’s Colonial Past
• Portuguese rule in Malacca
• Dutch rule in Malacca
• Pictures of Malacca — Malaysia