Չինացիներ

Չինացիներ, մարդկանց որոշակի հանրություն, ովքեր որևէ կերպ կապված են մի շարք ընդհանրություններով։ Գոյություն ունեն մարդուն չինացի անվանելու մի քանի նախապայման.

• Դա այն մարդիկ են, ովքեր ունեն Չինաստանի Ժողովրդական Հանրապետության (մայրցամաքային Չինաստան, Հոնկոնգ և Մակաո) կամ Չինաստանի Հանրապետության (Թայվան) քաղաքացիություն և բնակվում են այնտեղ։

Ինչ վերաբերվում է այն հարցին, թե արդյոք քաղաքացիությունը Չինաստանում մարդուն դարձնում է չինացի՝ կան տարբեր կարծիքներ, քանի որ Թայվանի անկախության կողմնակիցները չեն համարում, որ Թայվանը Չինաստանի մասն է։ Չինական ազգի վերաբերյալ նման պատկերացումը ունի իրավական հիմք։

• Չինական ազգի էթնիկ կազմը ներառում է բոլոր 56 ցեղախմբերը, որոնք ապրում են Չինաստանում և պաշտոնապես ճանաչվել են կառավարության կողմից (օրինակ՝ մոնղոլներ, մանչժուրներ, տիբեթցիներ և այլն), ինչպես նաև կազմավորված այնպիսի էթնիկ խմբեր, որոնք ապրում են Չինաստանում Ցին դինաստիայից (1644-1911 թթ) սկսած։ Դա վերաբերվում է նաև արտասահմանում ապրող չինացիներին։
• Հաճախ չինացի են անվանում Չինաստանում մեծամասնություն կազմող հան ազգությանը։
• Բացի ազգությունից, «չինական»-ին պատկանելիությունը որոշվում է նաև բնակության վայրով (աշխարհագրական ֆակտոր), ծագումով (կենսաբանական պատճառ), տոհմաբանությամբ (պատմական և տոհմաբանական ֆակտոր)։

Տես նաև

Հան (ազգություն)