Մադոննա։ Ես ուզում եմ ձեզ պատմել իմ գաղտնիքները (ֆիլմ)
 անգլ.՝ I'm Going to Tell You a Secret | |
|---|---|
.jpg) | |
| Երկիր |  ԱՄՆ |
| Ժանր | վավերագրական ֆիլմ[1][2] |
| Թեմա | կին |
| Թվական | 2004 |
| Լեզու | անգլերեն |
| Ռեժիսոր | Յոնաս Ակերլունդ[1][2] |
| Պրոդյուսեր | Մադոննա |
| Դերակատարներ | Մադոննա[3][2], Գայ Ռիչի[3][2] և Ստյուարտ Փրայս[3][2] |
| Երաժշտություն | Մադոննա |
| Մոնտաժ | Յոնաս Ակերլունդ |
| Կինոընկերություն | Maverick Films |
| Տևողություն | 120 րոպե |
| Նախորդ | Confessions on a Dance Floor? |
| Հաջորդ | The Confessions Tour? |
«Մադոննա։ Ես ուզում եմ ձեզ պատմել իմ գաղտնիքները» (անգլ.՝ I’m Going to Tell You a Secret), ամերիկյան վավերագրական ֆիլմ, որը պատմում է երգչուհի Մադոննայի կյանքի մասին 2004 թվականին Re-Invention World Tour համաշխարհային շրջագայության ժամանակ։ Պրեմիերան տեղի է ունեցել 2005 թվականի հոկտեմբերի 21-ին MTV ալիքով։ Ֆիլմը թողարկվել Է Warner Bros. ընկերության կողմից Records-ի CD+DVD ձևաչափով 2006 թվականի հունիսի 20-ին։ CD ալբոմը ներառում էր առավել վառ ներկայացումներ, որոնք ձայնագրվել էին Փարիզի շրջագայության ընթացքում, DVD-ն ներառում էր վավերագրական ֆիլմ և լրացուցիչ նյութեր։ Ընդհանուր առմամբ վաճառվել է ալբոմի ավելի քան 1 մլն օրինակ[4], նա նաև արժանացել է «Գրեմմի» մրցանակին 2007-ին «Լավագույն երկարատև երաժշտական տեսահոլովակ» անվանակարգում[5]։
Ստեղծման պատմություն[խմբագրել | խմբագրել կոդը]
Վավերագրական ֆիլմը նկարահանվել է Մադոննայի Re-Invention World Tour համաշխարհային շրջագայության հիման վրա, որի ընթացքում նա այցելել է Հյուսիսային Ամերիկա և Եվրոպա, որը շարունակվել է 2004 թվականի մայիսի 24-ից մինչև սեպտեմբերի 14-ը։ Ֆիլմի ռեժիսորը Յոնաս Ակերլունդն էր, որի նախորդ աշխատանքները ներառում էին երաժշտական տեսահոլովակներ, գովազդային հոլովակներ, ինչպես նաև «Բարձրագույն օդաչու» ֆիլմը։ Ֆիլմը կարող է դիտվել որպես «Truth or Dare» ֆիլմի շարունակություն, որը նաև հայտնի է որպես «Անկողնում Մադոննայի հետ»։ Այն թողարկվել է տասնչորս տարի առաջ 1991 թվականին։ Երկու ժապավեններում էլ երգչուհու կուլիսային կյանքը նկարահանվել է սև-սպիտակ երանգներով, մինչդեռ կենդանի կատարումները նկարահանվել են գույնով։ Ֆիլմի ոչ առևտրային պրեմիերան տեղի է ունեցել MTV հեռուստաալիքում 2005 թվականի հոկտեմբերի 21-ին ԱՄՆ-ում[6],որը բաց վաճառքի չի հանվել մինչև 2006 թվականի հունիսի 20-ը։ Սկզբում նկարն ուներ The Re-Invented Process անվանումը[6]՝ նշելով շրջագայության անվանումը, ինչպես նաև Սթիվեն Քլայնի և X-STaTIC PRO=CeSS ցուցահանդեսի հետ համագործակցությունը։ Ֆիլմի բացման թիթրերում օգտագործվել են ցուցահանդեսի նկարներ։
Վավերագրական ֆիլմ[խմբագրել | խմբագրել կոդը]
Վավերագրական ֆիլմը սկսվում է տեղի ունեցած իրադարձություններից մինչև շրջագայության սկիզբը, ինչպիսիք են պարողների ընտրությունը, փորձերը և պրեմիերան, և շարունակում է պատմել Մադոննայի կյանքի մասին ընդհուպ մինչև շրջագայության եզրափակիչ փուլը[7]։ Ֆիլմը նաև ցույց է տալիս կյանքը շրջագայություններց հետո, մասնավորապես 2004 թվականի վերջին Մադոննայի այցը Իսրայել։
Կինոժապավենը ստացել է քննադատների խառը արձագանքներ։ Մասնավորապես, Rolling Stone ամսագրից Բարրի Ուոլթերսը նկատել է, որ «չկա դիվային այն գայթակղիչ հմայքը, որը եղել է «Truth or Dare» ֆիլմում։ Փոխարենը, Մադոննան պայքարում է ավելի անկեղծ և ավելի քիչ վստահ լինել կադրում»[8]։ The Observer թերթից Քեթրին Ֆլեթը նշում է, թե որքան ապշեցուցիչ է դիտարկել Մադոննայի բնավորության այն հուզական սահմանը, որը կիսում է իր «աշխատանքային առօրյան՝ որպես Madonna Inc-ի ղեկավար» և «Գայ Ռիչիի հետ նրա հարաբերությունների մեջ հայտնության այդ փոքրիկ ակնարկները, որոնցում նա երբեմն իրեն այնքան աղջիկ ու մի փոքր անվստահ է ցույց տալիս, ինչպես մենք բոլորս»[9]։ Ֆիլմը թողարկվել է CD+DVD ձևաչափով և պարունակում է համերգային ալբոմ և վավերագրական ֆիլմ։ Թողարկումը կայացել է 2006 թվականի հունիսի 20-ին Warner Bros. ընկերությունների կողմից։ Records և Warner Music Vision. Ռուսաստանում ֆիլմը ցուցադրվել է հեռուստատեսության Առաջին ալիքի կողմից 2008 թվականի օգոստոսի 16-ին՝ երգչուհու 50-ամյակի օրը[10]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.imdb.com/title/tt0451180/
- ↑ 2,0 2,1 2,2 2,3 2,4 http://www.filmaffinity.com/en/film674236.html
- ↑ 3,0 3,1 3,2 http://www.imdb.com/title/tt0451180/fullcredits
- ↑ «Album Charts». WordPress (անգլերեն). Absolutemadonna.com. Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հուլիսի 18-ին.
- ↑ Indian Television. (2012 թ․ մայիսի 24). «I'm Going To Tell You a Secret – A 2 Hour Documentary on Madonna» (անգլերեն). Dishtracking.com. Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հուլիսի 18-ին.
- ↑ 6,0 6,1 «Release dates for I'm Going to Tell You a Secret». Internet Movie Database (անգլերեն). Imdb.com. Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հուլիսի 18-ին.
- ↑ Greig, Geordie (2005 թ․ դեկտեմբեր). «Madonna All Loved Up». Tatler. Արխիվացված է օրիգինալից 2005 թ․ դեկտեմբերի 4-ին. Վերցված է 2013 թ․ հուլիսի 4-ին.
- ↑ «Madonna: I'm Going to Tell You a Secret». Rolling Stone. Wenner Media LLC (անգլերեն). Rollingstone.com. 2006 թ․ հունիսի 28. Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հուլիսի 18-ին.
- ↑ Kathryn Flett. (2005 թ․ դեկտեմբերի 4). «A box of Madges». The Guardian. Guardian Media Group (անգլերեն). Guardian.co.uk. Արխիվացված օրիգինալից 2012 թ․ օգոստոսի 7-ին. Վերցված է 2015 թ․ հունիսի 6-ին.
- ↑ Михаил Марголис. (2008 թ․ օգոստոսի 14). «Мать поп-механики». «Известия». Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հուլիսի 18-ին.
|
