Ճապոնիայի դրամահատարան

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Ճապոնիայի դրամահատարան
Japan Mint Osaka Japan01o.jpg
Տեսակդրամահատարան
ԵրկիրFlag of Japan.svg Ճապոնիա
ՏեղագրությունԿիտա-կու
Կազմված էMint Museum?
Ղեկավար կազմակերպությունMinistry of Finance?
Հիմնադրված է1871
ԻրադարձություններCherry Blossom Viewing?
Պաշտոնական կայք
Պաշտոնական կայք

Ճապոնիայի դրամահատարան (独立 行政 法人 造幣 局 Dokuritsu Gyōsei Hōjin Zōheikyoku), ճապոնական կառավարության անկախ վարչական ինստիտուտ է, որը պատասխանատու է Ճապոնիայի մետաղադրամների արտադրության և շրջանառության համար։ Գործակալությունն իր գլխամասային գրասենյակն ունի Օսակայում՝ Տոկիոյի և Հիրոսիմայի մասնաճյուղերով։ Ճապոնական դրամահատարանը չի արտադրում թղթադրամ, այդ պարտականությունը դրված է Ազգային տպագրության գրասենյակի վրա։

Պատմություն[խմբագրել | խմբագրել կոդը]

Մեյձիի կառավարության առաջին գործերից մեկը Ճապոնիայի կայսերական դրամահատարանի ստեղծումն էր՝ որպես կառուցողական քայլ Ճապոնիայի շրջանառվող արժույթը արդիականացնելու ուղղությամբ։ Մեյձիի վաղ շրջանում թղթադրամները սկզբում տպագրվել են Գերմանիայի Դոնդորֆի և Նյուման քաղաքներում[1]։ Եվրոպական արտադրանքը ստուգվել և կնքվել է Ֆինանսների նախարարությանը կից Թղթադրամների գրասենյակում։ Թղթադրամների արտադրության գործարան կառուցելու առաջարկը ներկայացվել է Պետական բարձր խորհրդին 1874 թվականի մայիսին, իսկ շինարարությանը հավանություն է տրվել նույն տարվա դեկտեմբերին։ Երկհարկանի արևմտյան կարմիր աղյուսից կառուցված շենքն ավարտվել է 1876 թվականի հոկտեմբերին[2]։

Տասնամյակների ընթացքում դրամահատարանը գործառույթները ընդլայնել է՝ ընդգրկելով ճապոնական պատվո նշանների (շքանշանների), մեդալների և մետաղական արվեստի առարկաների արտադրության, մետաղական հանքաքարերի և հանքանյութերի վերլուծության և փորձարկման, ինչպես նաև թանկարժեք մետաղների ապրանքատեսակների հարգադրոշման սերտիֆիկացման գործառույթները։

2003 թվականի ապրիլի 1-ին դրամահատարանը դարձավ Միավորված գործադիր վարչություն։

Օսակայի գլխամասայի գրասենյակ[խմբագրել | խմբագրել կոդը]

  • 1871. Կավասակիում, Օսակա, տեղի ունեցած բացման հանդիսավոր արարողությունից հետո սկսվեցին մետաղադրամների հատման ընթացիկ աշխատանքները։ Դրամահատարանի աշխատանքը շտապ անհրաժեշտ էր մետաղադրամների շուրջ խառնաշփոթը վերացնելու համար, որը հանդիսանում էր Տոկուգավայի ժամանակաշրջանի կրկնվող առանձնահատկությունն էր[3]։

Տոկիոյի մասնաճյուղ[խմբագրել | խմբագրել կոդը]

  • 1879. Դրամահատարանի այս մասնաճյուղը տեղակայվել է Ֆինանսների նախարարության շենքում։ Այս գրասենյակի հիմնական գործառույթն էր ոսկի և արծաթ ընդունելը մետաղադրամներ պատրաստելու համար, որոնք այնուհետև վերադարձվել են բերողին։ Սակայն մասնաճյուղի գործունեությունը դադարեցվել է 1907 թվականին։
  • 1929. Մասնաճյուղը տեղակայված է Կոյիմաչի-կուում։ Այս գրասենյակի հիմնական գործառույթը կենտրոնացած է թանկարժեք մետաղներից ապրանքատեսակների հարգորոշման սերտիֆիկացման վավերացման վրա։
  • 1939. Մասնաճյուղը տեղափոխվեց ներկայիս հասցե՝ Տոշիմա-կուում, որպեսզի հնարավորություն ընձեռվեր նրա գործունեության ընդլայնման համար։

Հիրոսիմայի մասնաճյուղ[խմբագրել | խմբագրել կոդը]

  • 1942. Հիրոսիմայի պրեֆեկտուրայում դրամահատական գործարանի շինարարությունը որոշվել է տարբեր հարավ-արևելյան Ասիայի երկրների համար Ճապոնիայում մետաղադրամներ հատելու նպատակով։
  • 1945. Մետաղադրամների հատումը նախ սկսվել է փետրվարին։ Սակայն արտադրությունը դադարեցվել է այդ նույն տարում։
  • 1946. Գործողությունները վերսկսվեցին ներկայիս հասցեում։
  • 1948. Մասնաճյուղը դառնում է իրավասու մետաղադրամների ամբողջ գործընթացի կառավարման համար։

Ստանդարտներ[խմբագրել | խմբագրել կոդը]

Ճապոնիայի դրամահատարանը ձգտում է իր գործունեությունը բերել Ստանդարտացման միջազգային կազմակերպության (ISO) կողմից ներկայացվող սահմանների շրջանակ։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Boling, Joseph E. "Building a National Currency -- Japan, 1868-1899," Archived 2007-11-02 at the Wayback Machine. 1996.
  2. National Archives of Japan, Digital Gallery website: "[Drawings] Japan Mint"
  3. National Archives of Japan, Digital Gallery website: "Photograph of Osaka Mint Opening Ceremony"

Արտաքին հղումներ[խմբագրել | խմբագրել կոդը]