Հակոբ Ճամճիօղլու
Հակոբ Ճամճիօղլու | |
---|---|
Ծնվել է | 1675 |
Ծննդավայր | Ստամբուլ, Օսմանյան կայսրություն |
Մահացել է | 1775 |
Մասնագիտություն | թարգմանիչ |
Հակոբ Ճամճիօղլու (1675, Ստամբուլ, Օսմանյան կայսրություն - 1775), հայ թարգմանիչ։
Ծնվել է Կ. Պոլսում։ Փոքր հասակից ուղարկվել է Փարիզ՝ սովորելու «Երիտասարդ լեզվագետների դպրոցում», որի նպատակներ էր մասնագետներ պատրաստել Արևելքի համար։ Յոթ տարի այնտեղ սովորելուց հետո վերադարձել է ծննդավայր, կատարելագործել հայերեն, թուրքերեն, հունարեն լեզուների իր գիտելիքները։ 1721 թ.-ին նշանակվել է Կ. Պոլսի շվեդական դեսպանատան թարգման. այդ պաշտոնում մնացել է մինչև մահը։
Ունեցել է թարգմանական բեղուն գործունեություն։ Թարգմանություններ է կատարել ֆրանսերենից, լատիներենից, անգլերենից և հունարենից։ Ֆրանսերենից թարգմանել է «Գիրք զոր ասի խրատ հոգեկան» երկը, որ լույս է տեսել Կ. Պոլսում, 1736 թ.-ին, հայերեն և հայատառ թուրքերեն։ Լատիներենից թարգմանել է «Կատոնի յաղագս բարւոք կենցաղավարելոյ» երկը, հունարենից՝ «Գիրք յունաց որ կոչի օրոլոկիոն մեծ» ժամգիրքը (տպ.՝ Կ. Պոլիս, 1800)[1]։
Աղբյուրներ
[խմբագրել | խմբագրել կոդը]- ↑ Գառնիկ Ստեփանյան (1981). Կենսագրական բառարան, հատոր Բ. Երևան: «Սովետական գրող». էջ էջ 138.