Հրաչյա Պետրոսյան
- Վիքիպեդիայում կան հոդվածներ Պետրոսյան ազգանունով այլ մարդկանց մասին։
| Հրաչյա Պետրոսյան | |
|---|---|
| Ծնվել է | հուլիսի 22, 1951 (72 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | երկրաբան |
Հրաչյա Մանուկի Պետրոսյան (հուլիսի 22, 1951, Երևան, Հայկական ԽՍՀ, ԽՍՀՄ), հայ երկրաֆիզիկոս։ Հայաստանի սեյսմիկ պաշտպանության ազգային գործակալության պետ։
Կրթություն[խմբագրել | խմբագրել կոդը]
1968 թվականին ավարտել է Երևանի Ալեքսանդր Պուշկինի անվան թիվ 8 միջնակարգ դպրոցը, 1973 թվականին՝ Երևանի պետական համալսարանի երկրաբանության ֆակուլտետը։
Գործունեությունը[խմբագրել | խմբագրել կոդը]
1973-1992 թվականներին աշխատել է ՀԽՍՀ, ապա՝ ՀՀ երկրաբանության վարչությունում։ Եղել է ճարտարագետ, ջոկատի պետ, խմբի գլխավոր մասնագետ, 1992-2011 թվականներին՝ Հայաստանի սեյսմիկ պաշտպանության ազգային գործակալության երկրաֆիզիկայի բաժնի վարիչ։ 2011 թվականին նշանակվել է Հայաստանի սեյսմիկ պաշտպանության ազգային գործակալության պետ։ 1983-1987 թվականներին աշխատել է Մոնղոլիայում։ Եղել է խորհրդա-մոնղոլական արշավախմբի գլխավոր երկրաֆիզիկոս։ Արժանացել է "Լավագույն մասնագետ" դիպլոմի։ Ուսումնասիրությունները վերաբերում են կիրառական երկրաֆիզիկայի և սեյսմոլոգիայի բնագավառներին։ Հրատարակել է երկու մենագրություն, ավելի քան 30 գիտական հոդված։ Դրանք տպագրվել են Հայաստանում, Վրաստանում, Հունաստանում, Իրանում, Ճապոնիայում, Հոլանդիայում, Մոսկվայում, Նեապոլում։
Հրատարակել է[խմբագրել | խմբագրել կոդը]
- Тестирование и прогноз землетрясений. E., 2004, 157 с.
- Предвестники и прогноз землетрясений на территории Республики Армения. E., 2009, 134 с.
Գրականություն[խմբագրել | խմբագրել կոդը]
- Տիգրան Հայազն, Վարդենիս. հանրագիտարան։ Երևան, 2009 թ., էջ 110։
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |