Հպարտ ոսկեբզեզ
| Հպարտ ոսկեբզեզ | ||||||||
|---|---|---|---|---|---|---|---|---|
 | ||||||||
| Գիտական դասակարգում | ||||||||
|
||||||||
| Լատիներեն անվանում | ||||||||
| Anthaxia superba
|
Հպարտ ոսկեբզեզ (լատին․՝ Anthaxia superba), ոսկեբզեզների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
6,5-7,5 մմ մարմնի երկարությամբ, տափակ, նեղ մարմնով բզեզ է։ Պղնձակարմրավուն շողշողյունով գունավորումը բրոնզագույն է, իսկ հստակ սահմաններ չունեցող սև բծով վերնաթևերը՝ մեծ[1]։
Տարածվածություն[խմբագրել | խմբագրել կոդը]
Հայաստանի էնդեմիկ է։ Հայաստանում հավաստիորեն հայտնի է միայն Մեղրի քաղաքի շրջակայքում (Սյունիքի մարզ)[1]։
Էկոլոգիա[խմբագրել | խմբագրել կոդը]
Ապրում են վարդազգիների մասնակցությամբ չոր նոսրանտառներում, հանդիպում՝ մայիսի երկրորդ, հունիսի առաջին կեսերին նուշի մատղաշ ծառերի վրա, որի ճյուղերում էլ զարգանում է թրթուրը։ Զարգացումը միամյա է[1]։
Պահպանություն[խմբագրել | խմբագրել կոդը]
Ցածր թվաքանակով, խիստ սահմանափակ արեալով, հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ։
Թվաքանակի փոփոխության միտումները հայտնի չեն։
Վտանգման հիմնական գործոններ են հանդիսանում բնակավայրերում վառելանյութի համար նուշի ծառերի հատումը և անասունների` հատկապես այծերի չկարգավորված արածեցումը։
Պահպանվում է «Արևիկ» ազգային պարկում[1]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.