Հովհաննես Մնջոյան

Հովհաննես Մնջոյան
Ծնվել է	սեպտեմբերի 9, 1920(1920-09-09) (99 տարեկան) Ալեքսանդրապոլ, Ալեքսանդրապոլի գավառ
Ազգություն	հայ
Մասնագիտություն	քիմիկոս
Հաստատություն(ներ)	Նուրբ օրգանական քիմիայի ինստիտուտ
Ալմա մատեր	Հայաստանի ազգային պոլիտեխնիկական համալսարան
Գիտական աստիճան	կենսաբանական գիտությունների դոկտոր (1977)
Պարգևներ	Կարմիր Աստղի շքանշան Կարմիր Աստղի շքանշան և ԽՍՀՄ պետական մրցանակ
Կուսակցություն	ԽՄԿԿ

Հովհաննես Լևոնի Մնջոյան (օգոստոսի 9, 1920, Ալեքսանդրապոլ), մահացել է 1998 թվականին։ Հայ խորհրդային քիմիկոս։ Կենսաբանական գիտությունների դոկտոր (1977), պրոֆեսոր (1985): ԽՄԿԿ անդամ 1949 թվականից։ Արմենակ Մնջոյանի եղբայրն է և աշակերտը։

Կենսագրություն

Ավարտել է Երևանի պոլիտեխնիկական ինստիտուտի քիմիատեխնոլոգիական ֆակուլտետը (1947)։ Ամուսնացած էր Յուլիա Տեր-Ջաքարյանի հետ, ուներ երկու երեխա՝ Զաքար և Ելիզավետա Մնջոյաներ։ Մասնակցել է Հայրենական մեծ պատերազմին։ 1946 թվականից աշխատել է նուրբ օրգանական քիմիայի ինստիտում։

Մնջոյանի գիտական աշխատանքները վերաբերում են ացետիլխոլինի և նիկոտինի ածանցյալների սինթեզի և քիմիական միացության կառուցվածքի ու կենսաբանական ակտիվության կապի օրինաչափությունների պարզաբանմանը։ Եռաֆունկցիոնալ ամինների և ակտիվացված կարբօքսիլ խումբ պարունակող կարբոնաթթուների փոխազդեցության ռեակցիաների ուսումնասիրությունների շնորհիվ սինթեզվեցին կենսաբանորեն ակտիվ որոշ նյութեր (ամինաալկիլ էսթերներ, թիոէսթերներ և ամիդներ), որոնք կիրառվում են բժշկության մեջ՝ շնչարգելությունը, պարկինսոնյան հիվանդությունը, ստամոքսային խոցը, էպիլեպսիան բուժելու համար։

Պարգևներ, մրցանակներ

• Պարգևատրվել է Կարմիր աստղի 2 շքանշանով։
• ՀԽՍՀ պետական մրցանակ (1978)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 655)։