Հոսանք (շարժում)
| Հոսանք | |
|---|---|
| Տեսակ | կուսակցություն |
| Երկիր | Հայաստան |
| Առաջնորդ | Հայկ Նազարյան |
| Հիմնադիր | Հայկ Նազարյան |
| Հիմնադրված | 2021 թվականի դեկտեմբերի 18 |
| Գաղափարախոսություն | Դեմ է ԼԳԲՏ իրավունքներին, ռասայական ամուսնություններին, ֆեմինիզմին, սիոնիզմին, մարքսիզմին, պանթուրքիզմին և անարխիզմին |
| Պաշտոնական գույն(եր) | Սպիտակ և Ոսկեգույն |
Հոսանք կամ Հայ-արիական ռասայական քաղաքական շարժում, հայ նացիոնալ սոցիալիստական քաղաքական շարժում։ Գլխամասային գրասենյակը գտնվում է Երևանում։
Պատմություն[խմբագրել | խմբագրել կոդը]
Հոսանքը հիմնադրվել է 2021 թվականին ամերիկահայ Հայկ Նազարյանի կողմից[1]։ 2024 թվականի հունվարի 1-ին խմբի անդամները նացիստական ոճավորված դրոշներով և Գարեգին Նժդեհի հիշատակին նացիստական ողջույնով հանդես են եկել Երևանի կենտրոնում[2][3]։
Շարժումը Հայաստանում պաշտոնապես գրանցված քաղաքական կուսակցություն չէ։ Ազգային ժողովում քաղաքական ներկայացվածություն չունի։
Գաղափարախոսություն[խմբագրել | խմբագրել կոդը]
Շարժումը կոչ է անում ստեղծել հզոր հայկական պետություն, որն ընդգրկում է Հայաստանի պատմական տարածքները, ինչպես նաև Արցախը։ Շարժումն աջակցում է սպիտակների գերակայությանը և թույլատրում է միայն այն անձանց, ովքեր ամբողջովին հայկական ծագում ունեն, քաղաքացիություն ստանալ երկրում, միաժամանակ խրախուսելով հայրենադարձությունը հայկական սփյուռքից։ Բացի այդ, շարժումն աջակցում է միայն Հայաստանում մշտապես բնակվող եվրոպացիներին, մինչդեռ ոչ եվրոպացիներին անվանելով «ժամանակավոր հյուրեր»։ Շարժումը կոչ է անում ստեղծել «գերագույն առաջնորդ», որը կկառավարի ազգը, որը կընտրվի քաղաքացիների փոքրամասնության կողմից, ովքեր արժանի են քվեարկելու։
Շարժումը կոչ է անում Հայաստանին հնարավորինս անկախ լինել այլ երկրների վրա կախվածությունից, մերժել օտարերկրյա ներդրումները և թույլ տալ միայն Հայաստանի քաղաքացիներին ունենալ սեփականություն։ Շարժումը ձգտում է արգելել բոլոր արտասահմանյան լրատվամիջոցները և աջակցում է նացիոնալ-սոցիալիստական քարոզչության տարածմանը։ Շարժումը կոչ է անում վերացնել բոլոր օտար ազդեցությունները հայկական մշակույթի վրա։ Շարժումը աջակցում է հայկական զինված ուժերի հզորացմանն ու ընդլայնմանը և կոչ է անում Հայաստանը դառնալ աշխարհի ամենառազմականացված երկիրը։ Կուսակցությունը նաև դեմ է ԼԳԲՏ իրավունքներին, ռասայական ամուսնություններին, ֆեմինիզմին, սիոնիզմին, մարքսիզմին, պանթուրքիզմին և անարխիզմին։ Շարժումը ձգտում է պաշտպանել արիական ռասան և աջակցում է այլ «արիական ազգերի» հետ դաշինքներ ստեղծելուն[4][5]։
Ծանոթագրություններ[խմբագրել | խմբագրել կոդը]
- ↑ «About Us». Hosank. Արխիվացված օրիգինալից 2024 թ․ հունվարի 16-ին. Վերցված է 2024 թ․ հունվարի 23-ին.
- ↑ n.a. (2024 թ․ հունվարի 7). «Neo-Nazis parade in capital of Armenia». Israel National News. Արխիվացված օրիգինալից 2024 թ․ հունվարի 13-ին. Վերցված է 2024 թ․ հունվարի 13-ին.
- ↑ «בעיר הבירה: תנועה אנטישמית ארמנית צעדה עם דגלי נאצים - וואלה! יהדות». וואלה!. Արխիվացված օրիգինալից 2024 թ․ հունվարի 13-ին. Վերցված է 2024 թ․ հունվարի 13-ին.
- ↑ «Հրեական սփյուռքը օգտագործվում է՝ հօգուտ Իսրայելի, հայկական սփյուռքը՝ ընդդեմ Հայաստանի. Հայկ Նազարյան». Արխիվացված օրիգինալից 2024 թ․ հունվարի 13-ին. Վերցված է 2024 թ․ հունվարի 13-ին – via www.youtube.com.
- ↑ «הצדעה נאצית מול פסל; הקמת תנועת ימין קיצוני חדשה בארמניה | webangah news hub». webangah | עִברִית. 2024 թ․ հունվարի 5. Արխիվացված օրիգինալից 2024 թ․ հունվարի 8-ին. Վերցված է 2024 թ․ հունվարի 13-ին.