Հոպա

Վիքիպեդիայից՝ ազատ հանրագիտարանից
Քաղաք
Հոպա
թուրք.՝ Hopa
Կոորդինատներ: 41°24′25″ հս․ լ. 41°26′08″ ավ. ե. / 41.40694° հս․. լ. 41.43556° ավ. ե. / 41.40694; 41.43556
Երկիր Թուրքիա Թուրքիա
Նահանգ Արդվինի նահանգ
ԲԾՄ 10 մ
Խոսվող լեզուներ թուրքերեն, հայերեն (համշենի բարբառ)
Բնակչություն

32 584 (շրջան)

17 433 (քաղաք)
 մարդ (2007)
Ազգային կազմ թուրքեր, համշենցիներ
Ժամային գոտի UTC+2, ամառը UTC+3
Փոստային ինդեքսներ 08600
Պաշտոնական կայք http://hopa.bel.tr/
##Հոպա (Թուրքիա)
Red pog.png

Հոպա (թուրք.՝ Hopa), քաղաք և շրջան Թուրքիայի հյուսիսարևելյան հատվածում, Արդվինի նահանգում։ Գտնվում է Արդվին քաղաքից 67 կիլոմետր հեռավորության վրա։ Հոպան գտնվում է թուրք-վրացական պետական սահմանի մոտ՝ Սև ծովի ափին։ 2007 թվականի տվյալներով շրջանի բնակչությունը կազմում է 32 209 մարդ, որից 17 361-ը բնակվում են քաղաքում։ Շրջանի ընդհանուր մակերեսը կազմում է 389 կմ²։ Քաղաքում հիմնականում բնակվում են համշենահայեր։ Քաղաքում բնակվում են նաև թուրքեր և լազեր։ Դեռ 17-րդ դարում Էվլիյա Չելեբին գրել է, որ քաղաքի բնակչության մեծ մասը եղել են լազեր և քիչ քանակությամբ հույներ[1]։

Քաղաքն ունի նավահանգիստ, որտեղից նավերը շարժվում են դեպի Ստամբուլ կամ Բաթում։ Սահմանի հակադիր հատվածում գտնվում է վրացական անցակետը, որը գտնվում է Սարփի գյուղում։ Ներկայումս Հոպան ծառայում է որպես կեցավայր բեռնատար ավտոմեքենաների վարորդների համար, ովքեր Ստամբուլից մեկնում են դեպի հարևան Վրաստան, Հայաստան, Ադրբեջան և Ռուսաստան։ Նախկինում, մինչև վրաց-թուրքական սահմանի բացումը, շրջանի բնակչությունը զբաղվել է միայն գյուղատնտեսությամբ։ Ներկայումս, Հոպայում զարգանում է նաև ծովային տուրիզմը։

Ծանոթագրություններ[խմբագրել | խմբագրել կոդը]

  1. Челеби Эвлия. Наше путешествие в области Гюрджистана и Мегрелистана.
    Շարունակելով մեր ճանապարհը՝ մենք հասանք Հոպա անունով տեղանքը: Դա գեղեցիկ վայր է Տրապիզոնի հողերում՝ ծովի ափին: Ունի խաղողի այգիներ և պտղատու այլ այգիներ: Բնակչության մեծ մասերը լազեր են, և մասամբ նաև հույներ: