Հենրի Լանսբերի

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Հենրի Լանսբերի
անգլ.՝ Henri George Lansbury
Henri Lansbury.jpg
Հենրի Լանսբերին 2016 թվականին
Անձնական տվյալներ
Ամբողջական անուն Հենրի Ջորջ Լանբուրի
Ազգությունը անգլիացի
Քաղաքացիությունը Անգլիա Անգլիա
Ծննդյան ամսաթիվ հոկտեմբերի 12, 1990(1990-10-12)[1] (28 տարեկան)
Ծննդավայր Լոնդոն, Անգլիա
Հասակ 183 սմ
Քաշ 85 կգ
Դիրք կիսապաշտպան
Ակումբային տեղեկություններ
Ներկա ակումբ Անգլիա Աստոն Վիլա
Համար 8
Պատանեկան կարիերա
1999-2007 Անգլիա Արսենալ
Մասնագիտական կարիերա*
Տարի Ակումբ Խաղ (Գոլ)
2007-2012 Անգլիա Արսենալ 3 (0)
2009   Անգլիա Սկանտորպ Յունայթեդ 16 (4)
2009-2010   Անգլիա Ուոթֆորդ 37 (5)
2010-2011   Անգլիա Նորվիչ Սիթի 23 (4)
2011-2012   Անգլիա Վեստ Հեմ Յունայթեդ 22 (1)
2012-2017 Անգլիա Նոթինգհեմ Ֆորեստ 145 (32)
2017-ներկա Անգլիա Աստոն Վիլա 26 (1)
Ազգային հավաքական
2009-2013 Անգլիա Անգլիա Մ21 16 (5)
* Մասնագիտական կարիերայում ընդգրկված են միայն առաջնության խաղերը և գոլերը 
ըստ ապրիլի 2, 2018:

Հենրի Ջորջ Լանսբերի (անգլ.՝ Henri George Lansbury, հոկտեմբերի 12, 1990(1990-10-12)[1], Լոնդոն, Անգլիա), անգլիացի ֆուտբոլիստ, կիսապաշտպան։ Ներկայումս հանդես է գալիս անգլիական «Աստոն Վիլա»-ի կազմում։

Նախկին հանդես է եկել «Արսենալ»-ի կազմում, որի ակադեմիան էլ ավարտել է։ Լանսբերի հանդես է եկել նաև «Սկանտորպ Յունայթեդ»-ի, «Ուոթֆորդ»-ի, «Նորվիչ Սիթի»-ի, «Վեստ Հեմ Յունայթեդ»-ի և «Նոթինգհեմ Ֆորեստ»-ի կազմերում։ Հենրին հանդես է եկել նաև Անգլիայի երիտասարդական հավաքականների կազմեում։

Ակումբային կարիերա[խմբագրել | խմբագրել կոդը]

«Արսենալ»[խմբագրել | խմբագրել կոդը]

1999 թվականին Լանսբերին միացել է «Արսենալ»-ի ակադեմիային։ Թիմի հիմնական կազմում նա իր դեբյուտը նշել է 2007 թվականի հոկտեմբերի 31-ին՝ Լիգայի գավաթի խաղարկության շրջանակներում կայացած «Շեֆիլդ Յունայթեդ»-ի դեմ խաղում։ Այդ խաղում Հենրին փոխարինել է Թեո Ուոլկոտին[2], իսկ հանդիպումն ավարտվել է 3-0 հաշվով՝ լոնդոնյան թիմի հաղթանակով։ Լանսբերին բաց է թողել 2007-08 մրցաշրջանի երկրորդ հատվածը վարակիչ մոնոնուկլեոզի պատճառով։ Սակայն հասցրել է կազդուրվել և մասնակցել մինչմրցաշրջանային հատվածին։

«Արսենալ»-ի հարձակվող Ալան Սմիթը նրան անվանել է մեծ ներուժ ունեցող ֆուտբոլիստ[3]։ 2008 թվականի հուլիսի 1-ին Հենրին կնքել է իր առաջին պրոֆեսիոնալ պայմանագիրը «Արսենալ»-ի հետ[4]։

2009 թվականի հունվարի 31-ին Հենրի Լանսբերին վարձավճարով տեղափոխվել է «Սկանտորպ Յունայթեդ»[5][6]։ Թիմի կազմում իր դեբյուտը ֆուտբոլիստը նշել է «Սուինդոն Թաուն»-ի դեմ խաղում[7]։

2009 թվականի օգոստոսի 21-ին անգլիացի ֆուտբոլիստը վարձակալական հիմունքներով տեղափոխվել է «Ուոթֆորդ»։ Իր առաջին գոլը Լանսբերին խփել է 2009 թվականի հոկտեմբերի 23-ին՝ «Շեֆիլդ Ուեդնեսդեյ»-ի դեմ խաղում[8][9]։

2009 թվականի դեկտեմբերի 31-ին Հենրին կնքել է նոր երկարաժամկետ պայմանագիր «Արսենալ»-ի հետ[10]։ Պայմանագրի կնքումից հետո թիմի գլխավոր մարզիչ Արսեն Վենգերն ասել է, որ Հենրին կդատռնա մեծ ֆուտբոլիստ[11]։ Պրեմիեր Լիգայի շրջանակներում Լանսբերին իր դեբյուտը նշել է 2010 թվականի մայիսի 9-ին՝ «Ֆուլհեմ»-ի դեմ խաղում։ Հանդիպումն ավարտվել է 4-0 հաշվով՝ «Արսենալ»-ի հաղթանակով[12]։ Իր առաջին գոլը լոնդոնյան թիմի կազմում ֆուտբոլիստը խփել է 2010 թվականի սեպտեմբերի 21-ին կայացած «Տոտենհեմ Հոտսպուր»-ի դեմ խաղում, որը տեղի է ունեցել Լիգայի գավաթի խաղարկության 3-րդ փուլում։ Նա մասնակցել է և՛ հիմնական ժամանակին, և՛ լրացուցիչ։ Ի վերջո հանդիպումն ավարտվել է 4-1 հաշվով՝ «Արսենալ»-ի հաղթանակով[13]։

«Նորվիչ Սիթի»[խմբագրել | խմբագրել կոդը]

2010 թվականի նոյեմբերի 22-ին Հենրի Լանսբերին վարձավճարով տեղափոխվել է «Նորվիչ Սիթի»։ Թիմի կազմում նա ստացել է 12 համարի խաղաշապիկը։

Լանսբերին իր դեբյուտը նշել է նոյեմբերի 28-ին՝ «Իսպվիչ Թաուն»-ի դեմ խաղում[14]։ «Կովենտրի Սիթի»-ի դեմ խաղում Լանսբերին ստացել է ծնկատակի ջլի վնասվածք[15]։ Թիմի կազմում իր առաջին երկու գոլերը Հերնրին խփել է «Ռեդինգ»-ի և «Միլուոլ»-ի դեմ խաղերում[16][17]։

Լանսբերին զրկվել է Չեմպիոնշիպի 2010-11 մրցաշրջանի լավագույն ֆուտբոլիստի կոչումից, որի համար պայքարում էր Քոնոր Ուիկհեմի հետ, որը հանդես էր գալիս «Իսպվիչ Թաուն»-ի կազմում։

«Վեստ Հեմ Յունեյթեդ»[խմբագրել | խմբագրել կոդը]

2011 թվականի օգոստոսի 31-ին Հենրին մինչև մրցաշրջանի ավարտը վարձավճարով տեղափոխվել է «Վեստ Հեմ Յունայթեդ»[18]։ Իր նորամուտը նա նշել է 2011 թվականի սեպտեմբերի 10-ին՝ «Պորտսմուտ»-ի դեմ խաղում։ Հանդիպումն ավարտվել է 4-3 հաշվով՝ «Վեստ Հեմ»-ի հաղթանակով, իսկ Լանսբերին խփել է իր թիմի երկրորդ գոլը։ Նա ճանաչվել է նաև հանդիպման լավագույն ֆուտբոլիստ[19]։

Լանսբերին «Վեստ Հեմ»-ի հետ դարձել է Չեմպիոնշիպի փլեյ-օֆֆ փուլի հաղթող և հնարավորություն ստացել վերադառնալ «Պրեմիեր Լիգա»։ Փլեյ-օֆֆ փուլում նրանք հաղթել են «Բլեքփուլ»-ին 2-1 հաշվով[20]։

«Նոթինգհեմ Ֆորեստ»[խմբագրել | խմբագրել կոդը]

2012 թվականի օգոստոսի 28-ին Հենրի Լանդբուրին տեղափոխվել է «Նոթինգհեմ Ֆորեստ»[21]։ Նա թիմի հետ կնքել է 4 տարվա պայմանագիր, իսկ տրանսֆերն արժեցել է 1 միլիոն ֆունտ ստեռլինգ[22]։ Լանսբերին իր առաջին գոլը խփել է 2013 թվականի փետրվարի 19-ին՝ «Հադերսֆիլդ Թաուն»-ի դեմ խաղում։ Հանդիպումն ավարտվել է 6-1 հաշվով՝ «Ֆորեստ»-ի հաղթանակով[23]։ 2013-14 մրցաշրջանում «Նոթինգհեմ Ֆորեստ»-ի առաջին գոլը Լանսբերին խփել է «Հադերսֆիլդ Թաուն»-ի դեմ խաղում, որն ավարտվել է 1-0 հաշվով[24]։ Այդ մրցաշրջանում իր երկրորդ գոլը ֆուտբոլիստը խփել է «Բոլթոն Ուոնդերերս»-ի դեմ խաղում, որն ավարտվել է 3-0 հաշվով[25]։

Հենրին կարողացավ հաստատվել թիմի հիմնական կազմում, սակայն բաց թողեց 2013-14 մրցաշրջանի երջին ամսիները վնասվածքի պատճառով։ 2014 թվականի օգոստոսի 22-ին Լանսբերին երկարաձգել է իր պայմանագիրը 3 տարով[26]։ Վնասվածքից հետո նա խաղադաշտ վերադարձել է 2014 թվականի օգոստոսի 26-ին՝ Լիգայի գավաթի խաղարկության շրջանակներում կայացած «Հադերսֆիլդ Թաուն»-ի դեմ խաղում, որտեղ նաև դարձել է հաղթական գոլի հեղինակ[27]։ Հենրին ճանաչվել է նաև հանդիպման լավագույն ֆուտբոլիստ։ 2015 թվականի մարտին Լանսբերիին տրվել է Չեմպիոնշիպի փետրվար ամսվա լավագույն ֆուտբոլիստի մրցանակը։

2016-17 մրցաշրջանից առաջ «Ֆորեստ»-ի մարզիչ է նշանակվել Ֆիլիպե Մոնտանիերը։ Նրա գլխավորությամբ ևս Հենրին մնաց հիմնական կազմի ֆուտբոլիստ։ Իր կարիերայի մեջ առաջին անգամ Հենրի Լանսբերին հեթ-տրիկի հեղինակ է դարձել 2016 թվականի նոյեմբերի 25-ին՝ «Բարնսլի»-ի դեմ խաղում[28]։ Դեկտեմբերի 9-ին ֆուտբոլիստին շնորհվել է Չեմպիոնշիպի նոյեմբեր ամսվա լավագույն ֆուտբոլիստի մրցանակը։

«Աստոն Վիլա»[խմբագրել | խմբագրել կոդը]

2017 թվականի հունվարի 20-ին անգլիացի ֆուտբոլիստը տեղափոխվել է «Աստոն Վիլա»։ Տրանսֆերն արժեցել է 3 միլիոն ֆունտ ստեռլինգ[29]։ Թիմի կազմում Հենրին իր առաջին գոլը խփել է 2017 թվականի դեկտեմբերի 1-ին՝ «Լիդս Յունայթեդ»-ի դեմ խաղում, որն ավարտվել է 1-1 հաշվով[30]։

Միջազգային կարիերա[խմբագրել | խմբագրել կոդը]

Անգլիա Մ21 հավաքականի կազմում Հենրի Լանսբերին իր դեբյուտը նշել է 2009 թվականի նոյեմբերին՝ Պորտուգալիայի հավաքականի դեմ խաղում։ Հավաքականի կազմում մասնակցել է 2011 թվականին կայացած Եվրոպայի Մ21 առաջնությանը։ 2012 թվականի փետրվարի 29-ին Լանսբերին դուբլի հեղինակ է դարձել Բելգիայի հավաքականի դեմ խաղում[31]։

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

  • Չեմպիոնշիպի փլեյ-օֆֆ փուլի հաղթող - 2012

Միջազգային[խմբագրել | խմբագրել կոդը]

  • Եվրոպայի առաջնության փոխչեմպիոն (Մ19) - 2009

Անձնական[խմբագրել | խմբագրել կոդը]

  • Չեմպիոնշիպի ամսվա լավագույն ֆուտբոլիստ - փետրվար 2015, նոյեմբեր 2016

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com — 2000.
  2. «Sheff Utd 0–3 Arsenal»։ BBC Sport (British Broadcasting Corporation)։ 31 October 2007։ Վերցված է 5 January 2010 
  3. Smith Alan (9 January 2008)։ «Arsenal now young, gifted and English»։ Telegraph.co.uk (London: The Daily Telegraph)։ Վերցված է 25 February 2014 
  4. «Six youngsters sign pro contract»։ Arsenal.com։ Arsenal Football Club։ Արխիվացված օրիգինալից-ից 1 March 2014-ին 
  5. «Lansbury joins Scunthorpe Utd on loan»։ Arsenal.com (Arsenal Football Club)։ 30 January 2009։ Արխիվացված օրիգինալից-ից 3 February 2009-ին։ Վերցված է 31 January 2009 
  6. «Henri Lansbury profile»։ Scunthorpe-United.co.uk։ Scunthorpe United Football Club։ Արխիվացված օրիգինալից-ից 26 February 2009-ին։ Վերցված է 13 May 2009 
  7. Swindon Town 4–2 Scunthorpe, thisisswindontownfc. Retrieved 25 February 2014.
  8. «Henri Lansbury joins Watford on loan»։ Arsenal.com։ Arsenal Football Club։ 21 August 2009։ Արխիվացված օրիգինալից-ից 26 August 2009-ին։ Վերցված է 21 August 2009 
  9. Dawkes, Phil (23 October 2009)։ «Watford 4–1 Sheff Wed»։ BBC Sport (British Broadcasting Corporation) 
  10. «Lansbury signs new long-term contract»։ Arsenal.com։ Arsenal Football Club։ 31 December 2009։ Արխիվացված օրիգինալից-ից 3 January 2010-ին։ Վերցված է 31 December 2009 
  11. Harris, Chris (1 January 2010)։ «Lansbury will be a big player for Arsenal»։ Arsenal.com։ Arsenal Football Club։ Արխիվացված օրիգինալից-ից 5 January 2010-ին։ Վերցված է 9 May 2010 
  12. When did Henri Lansbury make his Premier League debut for Arsenal? Socqer.com Retrieved 20 August 2011.
  13. Muro, Giuseppe (22 September 2010)։ «Lansbury – scoring at Spurs is like a dream»։ Arsenal.com։ Arsenal Football Club։ Արխիվացված օրիգինալից-ից 25 September 2010-ին։ Վերցված է 2 October 2010 
  14. Fletcher, Paul (28 November 2010)։ «Norwich 4–1 Ipswich»։ BBC Sport։ Վերցված է 13 February 2011 
  15. «Norwich City suffer Lansbury and Ward injury blow»։ BBC Sport (British Broadcasting Corporation)։ 29 December 2010։ Վերցված է 13 February 2011 
  16. «Norwich 2–1 Millwall»։ BBC Sport (British Broadcasting Corporation)։ 1 February 2011։ Վերցված է 13 February 2011 
  17. «Norwich 2–1 Reading»։ BBC Sport (British Broadcasting Corporation)։ 12 February 2011։ Վերցված է 13 February 2011 
  18. «Hammers land Lansbury»։ Sky Sports։ 31 August 2011։ Վերցված է 31 August 2011 
  19. «West Ham 4–3 Portsmouth»։ BBC Sport։ 10 September 2011։ Վերցված է 11 September 2011 
  20. «West Ham-celebrate-promotion-Premier-League» 
  21. «Lansbury completes Nottingham Forest move»։ arsenal.com։ Arsenal F.C.։ Արխիվացված օրիգինալից-ից 30 August 2012-ին։ Վերցված է 28 August 2012 
  22. «Henri Lansbury joins Nottingham Forest from Arsenal»։ BBC Sport։ 28 August 2012։ Վերցված է 28 August 2012 
  23. «Nottm Forest 6–1 Huddersfield»։ BBC Sport։ 13 February 2013։ Վերցված է 10 June 2013 
  24. "Nottingham Forest 1 Huddersfield Town 0" Daily Mail. Retrieved 6 August 2013.
  25. «Nott'm Forest 3–0 Bolton»։ BBC Sport։ 17 August 2014։ Վերցված է 27 August 2014 
  26. «Henri Lansbury: Nottingham Forest midfielder signs new deal»։ BBC Sport։ 22 August 2014։ Վերցված է 27 August 2014 
  27. «Henri back with a bang»։ Nottingham Forest F.C.։ 27 August 2014։ Վերցված է 27 August 2014 
  28. «Barnsley 2–5 Forest»։ Nottingham Forest F.C.։ 25 November 2016։ Վերցված է 26 November 2016 
  29. «Henri Lansbury: Aston Villa sign Nottingham Forest captain»։ BBC Sport։ 20 January 2017։ Վերցված է 20 January 2017 
  30. «Leeds United 1–1 Aston Villa»։ BBC Sport։ 1 December 2017։ Վերցված է 22 January 2018 
  31. «England U21 4–0 Belgium U21»։ BBC Sport։ Վերցված է 1 March 2012 

Արտաքին հղումներ[խմբագրել | խմբագրել կոդը]