Հարութիկ Ռուբենյան
Հարութիկ Ռուբենյան | |
---|---|
Անձնական տեղեկություն | |
Սեռ՝ | արական |
Մասնագիտացում՝ | ըմբիշ |
Երկիր՝ | Ղազախստան և ԽՍՀՄ |
Ծննդյան ամսաթիվ՝ | հունիսի 5, 1966 (57 տարեկան) |
Ծննդավայր՝ | Աստանա, Ղազախական ԽՍՀ, ԽՍՀՄ |
Մարզիչ(ներ)՝ | Արամ Սարգսյան |
164 սանտիմետր | |
Հարութիկ (Արիստիդիս) Արտուշի Ռուբենյան (հուն․՝ Αριστίδης Ρουμπενιαν, հունիսի 5, 1966, Աստանա, Ղազախական ԽՍՀ, ԽՍՀՄ), հունահռոմեական ոճի խորհրդային և հունաստանցի հայ ըմբիշ, ԽՍՀՄ չեմպիոն (1988), Հունաստանի բազմակի չեմպիոն (1993-1997), Եվրոպայի առաջնության կրկնակի մեդալակիր (1988, 1994), Աշխարհի գավաթի հաղթող (1990), Օլիմպիական խաղերի մասնակից (1996)։ ԽՍՀՄ միջազգային կարգի սպորտի վարպետ (1985)[1][2]։
Կենսագրություն[խմբագրել | խմբագրել կոդը]
Հարութիկ Ռուբենյանը ծնվել է 1966 թվականի հուլիսի 5-ին, Ցելինոգրադում (այժմ` Աստանա)։ 1969 թվականին ընտանիքի հետ տեղափոխվել է Լենինական (այժմ` Գյումրի), որտեղ 9 տարեկանում Արամ Սարգսյանի գլխավորությամբ սկսել է զբաղվել հունահռոմեական ըմբշամարտով։ 1984 թվականին դարձել է պատանիների Եվրոպայի չեմպիոն, իսկ 1985 թվականին՝ պատանիների աշխարհի չեմպիոն։ 1988 թվականին նա հաղթել է ԽՍՀՄ մեծահասակների առաջնությունում, որից հետո ընդգրկվել է ԽՍՀՄ հավաքական, որի կազմում դարձել է Եվրոպայի առաջնության բրոնզե մեդալակիր (1988) և Աշխարհի գավաթակիր (1990)[2][3]։
1992 թվականին Ռուբենյանը տեղափոխվել է Հունաստան և հետագայում հանդես եկել այդ երկրի դրոշի ներքո՝ Արիստիդիս Ռուբենյան անունով։ 1994 թվականին նա նվաճել է Եվրոպայի առաջնության արծաթե մեդալը, իսկ 1996 թվականին մասնակցել է Ատլանտայում կայացած օլիմպիական խաղերին։ 1997 թվականին նա դարձել է Միջերկրական խաղերի բրոնզե մեդալակիր[2][3]։
2000 թվականից Ռուբենյանը զբաղվում է մարզչական գործունեությամբ։ 2000-2009 թվականներին (կարճ ընդմիջումով) նա Հունաստանի հավաքականի մարզիչներից մեկն էր, մարզել է իր զարմիկին՝ Եվրոպայի առաջնության և օլիմպիական խաղերի մրցանակակիր Արտյոմ Կյուրեղյանին։ 2012 թվականի փետրվարից նա մարզիչ է աշխատում Սալոնիկ քաղաքի ըմբշամարտի «Մակեդոնես էվոմոս» ակումբում[2]։
Ծանոթագրություններ[խմբագրել | խմբագրել կոդը]
- ↑ Тренеры по борьбе(չաշխատող հղում)
- ↑ 2,0 2,1 2,2 2,3 РУБЕНЯН Арутик (Аристидис) Артушевич
- ↑ 3,0 3,1 Arutik Rubenian