Արտյոմ Կյուրեղյան

Վիքիպեդիայից՝ ազատ հանրագիտարանից
Jump to navigation Jump to search
Արտյոմ Կյուրեղյան
Artyom Kyuregyan vs Håkan Nyblom Athens 2004cr.jpg
Արտյոմ Կյուրեղյանը (կապույտ համազգեստով)՝ գոտեմարտելիս
Անձնական տեղեկություն
Սեռ`արական
Ազգություն`հայ
Մասնագիտացում`ըմբիշ
Երկիր`Flag of Armenia.svg Հայաստան, Flag of Russia.svg Ռուսաստան և Flag of Greece.svg Հունաստան
Ծննդյան ամսաթիվ`սեպտեմբերի 9, 1976(1976-09-09) (44 տարեկան)
Ծննդավայր`Լենինական, Հայկական ԽՍՀ, ԽՍՀՄ

Արտյոմ Սարգսի Կյուրեղյան (սեպտեմբերի 9, 1976(1976-09-09), Լենինական, Հայկական ԽՍՀ, ԽՍՀՄ), հունահռոմեական ոճի ռուսաստանցի և հունաստանցի հայ ըմբիշ, Ռուսաստանի առաջնության մրցանակակիր (1997), Հունաստանի բազմակի չեմպիոն (2000–2003, 2005–2007), Եվրոպայի առաջնության մրցանակակիր (2004), Օլիմպիական խաղերի մրցանակակիր (2004)[1]։ Ռուսաստանի սպորտի վաստակավոր վարպետ (1995)[2]։

Կենսագրություն[խմբագրել | խմբագրել կոդը]

Արտյոմ Կյուրեղյանը ծնվել է 1976 թվականի սեպտեմբերի 9-ին Լենինականում (այժմ՝ Գյումրի)։ Հունահռոմեական ըմբշամարտով նա սկսել է զբաղվել 6 տարեկանում՝ Խաչատուր Վարդանյանի ղեկավարությամբ։ 1992-1999 թվականներին ապրել է Ռուսաստանի Ուլյանովսկ քաղաքում[3], որտեղ Անատոլի Վիննիկի գլխավորությամբ մարզվել է «Դինամո» մարզական ընկերությունում։ 1997 թվականին Կյուրեղյանը դարձել է թեթևագույն քաշային կարգի Ռուսաստանի փոխչեմպիոն։

1999 թվականին տեղափոխվել է Հունաստան, որտեղ շարունակել է ըմբշամարտով զբաղվել իր զարմիկ Հարութիկ Ռուբենյանի ղեկավարությամբ, և հետագայում հանդես է եկել այդ երկրի դրոշի ներքո։

Իր մարզական կարիերայում ամենամեծ հաջողությանը Արտյոմ Կյուրեղյանը հասել է 2004 թվականին։ Շվեդիայի Հապարանդա քաղաքում տեղի ունեցած Եվրոպայի առաջնությունում նրան հաջողվել է հասնել եզրափակիչ և դառնալ արծաթե մեդալակիր։ Աթենքում կայացած օլիմպիական խաղերում նա գոտեմարտերից երեքում հաղթել է Ղրղզստանը, Չինաստանը և Դանիան ներկայացնող մրցակիցներին, կիսաեզրափակչում պարտվել է ռուսաստանցի ըմբիշ Հեյդար Մամեդալիևին, իսկ 3-րդ տեղի համար գոտեմարտում հաղթել է Ալեքսեյ Վակուլենկոյին (Ուկրաինա) և նվաճել բրոնզե մեդալ[4][5][6][7][8]:

2001-2007 թվականներին Արտյոմ Կուրեղյանը հանդես է եկել ըմբշամարտի գերմանական բունդեսլիգայի «KSV Aalen» ակումբում։ 2007 թվականին նա ավարտել է մարզական կարիերան։ Ապրում է Աթենքում։

Ընտանիք[խմբագրել | խմբագրել կոդը]

Արտուշ Կյուրեղյան (ծնված 1973 թվականին)՝ եղբայրը, հունահռոմեական ոճի ռուսաստանցի ըմբիշ, Ռուսաստանի առաջնության կրկնակի մեդալակիր (1995, 1998), Իվան Պոդդուբնու անվան միջազգային մրցաշարի արծաթե մեդալակիր (1995)։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]