Հանուշ Վիհան

Վիքիպեդիայից՝ ազատ հանրագիտարանից
Ձախից աջ՝ Կարել Հոֆման, Հանուշ Վիհան, Օսկար Նեդբալ, Յոսեփ Սուկ

Հանուշ Վիհան (անգլ.՝ Wihan) (1855-1920), չեխ թավջութակահար։

Սովորել է Պրագայի կոնսերվատորիայում։ 1873 թվականից՝ Զալցբուրգի երաժշտության և բեմական արվեստի «Մոցարտեում» ակադեմիայի պրոֆեսոր։ Աշխատել է Բեռլինի, Զոնդերսհաուզենի, ինչպես նաև Մյունխենի պալատական կապելլաներում, նվագել է նաև կվարտետում։ 1888 թվականից՝ Պրագայի կոնսերվատորիայի թավջութակի և կամերային անսամբլի դասարանների պրոֆեսոր։ 1891 թվականին կազմակերպել է «Չեխական կվարտետը», ուր նվագել է մինչև 1913 թվականը։ Թավջութակի համար պիեսների, ռոմանսների հեղինակ է։ Հյուրախաղերով եղել է Ռուսաստանում (առաջին անգամ՝ 1894 թվականին)։ 1950 թվականին և 1955 թվականին Պրագայում անց են կացվել Վիհանի անվան միջազգային մրցույթներ։


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png