Գուսան Հայկազուն

Գուսան Հայկազուն
Ի ծնե անուն	Գագիկ Ստեփանի Նազարյան
Ծնվել է	ապրիլի 20, 1951 (73 տարեկան); Արտաշատ, Հայկական ԽՍՀ, ԽՍՀՄ
Երկիր	Հայաստան
Ժանրեր	հայրենասիրական
Մասնագիտություն	գուսան, երգիչ, երգահան
Գործունեություն	1988-ից
Պարգևներ	և Հայաստանի Հանրապետության մշակույթի վաստակավոր գործիչ

Վիքիպեդիայում կան հոդվածներ Նազարյան ազգանունով այլ մարդկանց մասին։

Գուսան Հայկազուն (ապրիլի 20, 1951(1951-04-20), Արտաշատ, Հայկական ԽՍՀ, ԽՍՀՄ), իսկական անունը Գագիկ Ստեփանի Նազարյան^[1] , հայ գուսան, երգահան, երգերի հեղինակ, «Հայկազունք» երաժշտական համույթի գեղարվեստական ղեկավար, Հայաստանի Հանրապետության մշակույթի վաստակավոր գործիչ, Արցախյան պատերազմի մասնակից, «Երկրապահ կամավորական միություն» հասարակական կազմակերպության անդամ։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Գագիկ Ստեփանի Նազարյանը ծնվել է 1951 թվականի ապրիլի 20-ին Արտաշատ քաղաքում, Հայկական ԽՍՀ։ Ընտանիքում կար նաև երեք քույր^[2]։ Արմատները Պարսկահայքի Խոյ քաղաքից են^[1]։ Վաղ հասակում կորցրել է հորը։ Միակը, ըստ գուսանի, որը իրեն մնացել է իր հորից՝ նրա որսորդական հրացանն է, որի հետ ապագա գուսանը երբեք չէր բաժանվում։

Արդեն դպրոցական տարիներին սկսել է գրել հայրենասիրական և սիրային երգեր^[2]։ Ըստ գուսանի, Րաֆֆի Հարությունյան անունով դասատուի շնորհիվ է նաև, որ նա սկսեց հայրենասիրական երգեր գրել։ Ավարտել է դպրոցը 1967 թվականին, ինչից հետո ընդունվել է Երևանի շինարարական տեխնիկումը։ Մասնագիտությամբ շինարար-ինժեներ է։ Երիտասարդ տարիներին ոգեշնչվում էր Հովհաննես Շիրազի բանաստեղծություններով։

Ընտրել գուսան Հայկազուն մականունը այդպիսով նշում է, որ Հայկ Նահապետի ժառանգն է։ Ըստ գուսանի, իր ստեղծագործությունները պայքարի կոչ են և այնտեղ «լացելու» մոտիվներ չկան։

Իր «Հայկազունք» երաժշտական համույթի հետ ամեն տարի Հայաստանի (այդ թվում նաև Արցախի) ավելի քան 40 դպրոցներում համերգներ է տալիս, ինչպես նաև տարին մի քանի անգամ սփյուռքում։

Արցախյան շարժում[խմբագրել | խմբագրել կոդը]

Մասնակցել է Արցախյան պատերազմին Արտաշատի «Երկրապահ» ջոկատում Լաերտ Սաղաթելյանի հրամանատարության ներքո։ Մարտական գործողությունները սկսել է Երասխ գյուղից, եղել է նաև Գետաշենում, Կապանում, Գորիսում, Բերձորում։ Ծանր մարտերում չի մասնակցել, քանի որ իր հրամանատարը նախընտրել է, որ գուսանը շարունակի նոր երգեր գրել։ Շատ երգեր գրել է անմիջապես մարտի դաշտում^[3]։ Ըստ գուսան Հայկազունի, նա մեկ անգամ տեսել է մինիին։ Հետագայում, մոտիկ շփվել է Մելքոնյանի կնոջ՝ Սեդայի հետ և մինչև հիմա կապ է պահպանում նրա ընկեր՝ Ալեք Ենիգոմշյանի հետ^[2]։ Առաջին օրերից միանալով Արցախյան շարժմանը, մեկ շաբաթվա ընթացքում գրել է իր առաջին՝ «Հայեր, միացեք» երգը։ Առաջին անգամ կատարել է այն 1988 թվականի մայիսի 17-ին (իր դստեր ծնվելու օրը) Օպերայի հրապարակում։ Այդ երգի գործիքավորումը և հեռուստատեսությամբ առաջին կատարումն արել է սասունցի Սահակ Գալոյանի (Սուսաննա Սիրադեղյանի ամուսինը) գլխավորած «Զորավար Անդրանիկ երգչախումբը^[1]։

Երգեր[խմբագրել | խմբագրել կոդը]

Գրել է և կատարում է ավելի քան հարյուր երգ, որոնցից ավելի քան 10 երգ ՀՀ Պաշտպանության Նախարարությունը ընդունել է որպես բանակային քայլերգ^[2]^[4]

Հայեր, միացեք
Գետաշեն
Հպարտ գնացեք (1992)
Մուսա լեռան
Վերականգնվիր, Կիլիկիա
Պիտի գնանք (1989^[2])
Մաղավուզի Կարոյի երգը
Պարիր, արցախցի
Մոնթե Մելքոնյան
Սասնա Ծռեր
Լուսաշող կարոտ

Ընտանիք[խմբագրել | խմբագրել կոդը]

Հայրը՝ Ստեփան Նազարյան։ Ունի երեք քույր, երեք որդի (որոնցից Սիփան Նազարյանը՝ Սիփանը Հայկազունը, երգիչ է) և մեկ դուստր^[2]։

Պարգևներ[խմբագրել | խմբագրել կոդը]

Հայաստանի Հանրապետության մշակույթի վաստակավոր գործիչ (կոչումը շնորհվել է 2010 թվականի սեպտեմբերի 17-ին Հայաստանի Հանրապետության անկախության հռչակման 19-րդ տարեդարձի առթիվ, մշակույթի և արվեստի բնագավառում ունեցած մեծ վաստակի համար)^[5]։
ՀՀ սփյուռքի նախարարության Ոսկե մեդալ և շնորհակալագիր^[3]
Երախտագիտության մեդալ, 2020^[6]

Հետաքրքիր փաստեր[խմբագրել | խմբագրել կոդը]

«Պիտի գնանք» երգը (1989^[2]) գուսան Հայկազունի համար ամենասիրվածն^[1] է իր երգերից։
Գուսանը ծանոթ չէ նոտաներին, չունի երաժշտական կրթություն, չի կատարում ոչ մի երաժշտական գործիքով^[3]։

Տես նաև[խմբագրել | խմբագրել կոդը]

Հայ հեղափոխական երգեր

Արտաքին հղումներ[խմբագրել | խմբագրել կոդը]

Գուսան Հայկազունի Ֆեյսբուքում
«Արա՛, Գագո՞ն ով ա…Էդ մեր պապերի երգն ա…»(չաշխատող հղում)
«Սելը չի ճռռում, սելվորն է ճռռում». Գուսան Հայկազունի մեկնաբանությունը Սահակ Սահակյանի հետ հարցազրույցի վերաբերյալ(չաշխատող հղում)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 Գուսան Հայկազունը Ստեփան Քիրեմիջյանի «Լույս աշխարհ» ծրագրում
↑ ^2,0 ^2,1 ^2,2 ^2,3 ^2,4 ^2,5 ^2,6 ««50 տարի արթնացել եմ, և աչքերիս առջև հարազատ Մասիսն է վեր խոյացել...»». Արխիվացված է օրիգինալից 2014 թ․ հուլիսի 23-ին. Վերցված է 2014 թ․ հունվարի 19-ին. Քաղվածելու սխալ՝ Սխալ <ref> թեգ. «հայերնայսօր2» անվանումը սահմանվել է մի քանի անգամ, սակայն տարբեր բովանդակությամբ:
↑ ^3,0 ^3,1 ^3,2 «Գուսան Հայկազուն. «Հավերժ փառք ազգի ու Հայ դատի համար ողջակիզված Լիզբոնի գործողության 5 կտրիճներին»». Արխիվացված է օրիգինալից 2014 թ․ հունվարի 16-ին. Վերցված է 2014 թ․ հունվարի 19-ին.
↑ «Գուսան Հայկազուն. «…հրով լինի, սրով լինի պիտի գնանք` վաղ, թե ուշ»». Արխիվացված է օրիգինալից 2014 թ․ հունվարի 16-ին. Վերցված է 2014 թ․ հունվարի 19-ին.
↑ Հայաստանի Հանրապետության պատվավոր կոչումներ շնորհելու մասին
↑ Գ. Ս. Հայկազունին երախտագիտության մեդալով պարգևատրելու մասին

[լույս-1] 1,0 ^1,1 ^1,2 ^1,3 Գուսան Հայկազունը Ստեփան Քիրեմիջյանի «Լույս աշխարհ» ծրագրում

[հայերնայսօր2-2] 2,0 ^2,1 ^2,2 ^2,3 ^2,4 ^2,5 ^2,6 ««50 տարի արթնացել եմ, և աչքերիս առջև հարազատ Մասիսն է վեր խոյացել...»». Արխիվացված է օրիգինալից 2014 թ․ հուլիսի 23-ին. Վերցված է 2014 թ․ հունվարի 19-ին. Քաղվածելու սխալ՝ Սխալ <ref> թեգ. «հայերնայսօր2» անվանումը սահմանվել է մի քանի անգամ, սակայն տարբեր բովանդակությամբ:

[հայերնայսօր-3] 3,0 ^3,1 ^3,2 «Գուսան Հայկազուն. «Հավերժ փառք ազգի ու Հայ դատի համար ողջակիզված Լիզբոնի գործողության 5 կտրիճներին»». Արխիվացված է օրիգինալից 2014 թ․ հունվարի 16-ին. Վերցված է 2014 թ․ հունվարի 19-ին.

[mgfedayi-4] «Գուսան Հայկազուն. «…հրով լինի, սրով լինի պիտի գնանք` վաղ, թե ուշ»». Արխիվացված է օրիգինալից 2014 թ․ հունվարի 16-ին. Վերցված է 2014 թ․ հունվարի 19-ին.

[5] Հայաստանի Հանրապետության պատվավոր կոչումներ շնորհելու մասին

[6] Գ. Ս. Հայկազունին երախտագիտության մեդալով պարգևատրելու մասին

[1]

[2]

[3]

[4]

[5]

[6]