Ստեփան Քիրեմիջյան
| Ստեփան Քիրեմիջյան | |
|---|---|
| Ծնվել է | նոյեմբերի 6, 1944 |
| Մահացել է | հոկտեմբերի 12, 2013 (68 տարեկան) |
| Կրթություն | ՀԱՊՀ |
| Մասնագիտություն | լրագրող և հեռուստահաղորդավար |
Ստեփան Քիրեմիջյան (անգլ.՝ Stepan Kiremidjian, նոյեմբերի 6, 1944 - հոկտեմբերի 12, 2013), հայ հաղորդավար, «Լույս աշխարհի» կայքի և հեռուստահաղորդման հիմնադիր և վարող։
Կենսագրություն
[խմբագրել | խմբագրել կոդը]Ծնվել է 1944 թվականի նոյեմբերի 6-ին։ 1961-1966 թթ., սովորել է Հայաստանի պետական ճարտարագիտական համալսարանում։
Բնակվում էր Լոս Անջելեսում, որտեղից էլ և վարում էր «Լույս աշխարհ» հեռուստահաղորդումը։ «Լույս աշխարհ» հաղորդաշարը 2013 թվականի սկզբից պարբերաբար հեռուստակամուրջ էր իրականացնում Հայաստանի հետ՝ ՀՌԱԿ կենտրոնական գրասենյակի միջոցով։
2013 թվականի հոկտեմբերի 5-ին, Քիրեմիջյանը իր վարած ավտոմեքենայով վթարի է ենթարկվել, ինչից հետո նրան տեղափոխել են հիվանդանոց։ Ստացած վերքերի հետևանքով, մահացել է հոկտեմբերի 12-ին[1]։ Ըստ ոստիկանության զեկուցագրի, նա իր մեքենայով փակել է ղեկավարությունը կորցրած մեկ այլ մեքենայի մուտքը դեպի ազատուղի, որի հետևանքով տեղի կունենար առավել մեծ աղետ[2]։