Հայաթ Սինդի

Վիքիպեդիայից՝ ազատ հանրագիտարանից
Հայաթ Սինդի
արաբ․՝ حياة سندي‎‎
Դիմանկար
Ծնվել էնոյեմբերի 6, 1967(1967-11-06) (56 տարեկան)
ԾննդավայրՄեքքա, Սաուդյան Արաբիա
Քաղաքացիություն Սաուդյան Արաբիա
Մայրենի լեզուարաբերեն
Կրոնսուննի իսլամ
ԿրթությունՆյունհեմի քոլեջ, Լոնդոնի թագավորական քոլեջ, Մասաչուսեթսի տեխնոլոգիական ինստիտուտ[1] և Հարվարդի համալսարան[1]
Մասնագիտությունհետազոտող
Զբաղեցրած պաշտոններՅՈՒՆԵՍԿՕ-ի բարի կամքի դեսպան և Member of the Consultative Assembly of Saudi Arabia?
Պարգևներ և
մրցանակներ
ԱնդամությունABLF alumni network?[3] և Consultative Assembly of Saudi Arabia?[1]
 Hayat Sindi Վիքիպահեստում

Հայաթ բինտ Սուլեյման իբն Հասան Սինդի (արաբ․՝ حياة سندي‎‎, նոյեմբերի 6, 1967(1967-11-06), Մեքքա, Սաուդյան Արաբիա), սաուդյան բժիշկ, Սաուդյան Արաբիայի Թագավորության խորհրդատվական խորհրդի առաջին կին անդամներից մեկը[4]։ Նա մեծ ներդրում է ունեցել բուժօգնության վայրում ախտորոշիչ և բժշկական զննումների զարգացման գործում[5][6]։ «Arabian Business» ամսագիրը նրան ընդգրկվել է աշխարհի ամենաազդեցիկ արաբների ցանկում, որտեղ զբաղեցրել է 19-րդ տեղը ընդհանուր ցուցակում, իսկ կանանց ցուցակում՝ 9-րդը[7][8]։

Կրթություն[խմբագրել | խմբագրել կոդը]

Հայաթ Սինդին ծնվել է Մեքքայում։ 1991 թվականին համոզել է ընտանիքին բարձրագույն կրթություն ստանալու համար թույլ տալ իրեն Մեծ Բրիտանիա մեկնելու[9]։ Մեկ տարի բարձր մակարդակով անգլերեն սովորելուց հետո ընդունվել է Լոնդոնի թագավորական քոլեջ[10], որտեղ ստացել է դեղագիտության կոչում։ Թագավորական քոլեջում սովորելու ժամանակ արժանացել է արքայադուստր Աննայի մրցանակի՝ ալերգիայի վերաբերյալ աշխատանքի համար։

Սինդին, որը կրում էր ավանդական մուսուլմանական գլխաշոր, համալսարանում սովորելիս ստիպված է եղել հրաժարվել իր կրոնական և մշակութային համոզմունքներից։ Նա այն կարծիքին էր, որ կրոնը, մաշկի գույնը և սեռը ոչ մի կապ չունեն գիտական ներդրման հետ[11]։ Սինդին շարունակել է իր ուսումը՝ 2001 թվականին Քեմբրիջի Նյունհեմ քոլեջում ստանալով կենսատեխնոլոգիայի դոկտորի աստիճան։ Նա դարձել է Սաուդյան Արաբիայում առաջին կինը, որը կենսատեխնոլոգիա է ուսումնասիրել Քեմբրիջի համալսարանում[12][13] և առաջին կինը Պարսից ծոցի արաբական երկրներից, որը դոկտորի կոչում է ստացել այդ ոլորտում[6][10]։

Կարիերա[խմբագրել | խմբագրել կոդը]

Հայաթ Սինդին հրավիրված գիտական աշխատակից է Հարվարդի համալսարանում[14][15]։ Իր գիտական ​​գործունեությամբ պայմանավորված՝ նա պարբերաբար լինում է Ջիդդայում, Բոստոնում և Քեմբրիջում (Մասաչուսեթս)[6]։ Սինդիի լաբորատոր աշխատանքը Հարվարդում թույլ է տվել նրան չորս այլ գիտնականների հետ նկարահանվել վավերագրական ֆիլմում, որը նկարահանվել է Միացյալ Նահանգների նախագահի գործադիր գրասենյակի աջակցությամբ երիտասարդության շրջանում գիտական կրթությունը խթանելու նպատակով[16]։ Իր գիտական գործունեությանը զուգընթաց Սինդին ակտիվորեն ներգրավված է բազմաթիվ միջոցառումներում, որոնք ուղղված են կանանց շրջանում գիտության իրազեկման բարձրացմանը, հատկապես Սաուդյան Արաբիայում և ողջ մուսուլմանական աշխարհում։ Նա նաև մտահոգված է արաբական երկրներից «ուղեղների արտահոսքի» խնդրով[10], այս հարցով նա հրավիրված բանախոս էր 2005 թվականին Ջիդդայում կայացած տնտեսական ֆորումում։

2010 թվականին Սինդին շահել է Mekkah Al Mukaramah մրցանակ, որը գիտական նորարարության մրցանակ է, որը շնորհում է արքայազն Խալիդ բեն Ֆեյսալ Ալ Սաուդը[13]։

2012 թվականի հոկտեմբերի 1-ին Սինդին նշանակվել է ՅՈՒՆԵՍԿՕ-ի բարի կամքի դեսպան ՅՈՒՆԵՍԿՕ-ի ղեկավար Իրինա Բոկովայի կողմից՝ Մերձավոր Արևելքում, հատկապես աղջիկների շրջանում գիտական կրթությունը խրախուսելու իր ջանքերի համար[5][10][17][18][19][20]։ Նա նաև ներառվել է «Newsweek» ամսագրի 150 կանանց ցուցակում, որոնք ցնցել են աշխարհը 2012 թվականին[12]։

2013 թվականի հունվարին Սինդին դարձել է Սաուդյան Արաբիայի Խորհրդատվական խորհրդի անդամ առաջին կանանցից մեկը[15][21][22]։

Clinton Global Initiative ամենամյա արարողության ժամանակ, որը տեղի է ունեցել 2014 թվականի սեպտեմբերի 21-24-ին, Հայաթ Սինդին արժանացել է մրցանակի «քաղաքացիական հասարակության մեջ առաջնորդության» համար։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 https://education.nationalgeographic.org/resource/explorer-profile-hayat-sindi-biotechnologist
  2. ↑ https://www.bbc.com/news/world-46225037
  3. ↑ https://www.ablf.com/network
  4. ↑ Irfan Muhammad and Afshan Aziz, Hayat Sindi to women: Opt for a career in science Արխիվացված 2014-02-23 Wayback Machine.
  5. ↑ 5,0 5,1 UNESCO Media Services, Saudi Arabian woman researcher Hayat Sindi to be appointed UNESCO Goodwill Ambassador Արխիվացված 2019-01-11 Wayback Machine.
  6. ↑ 6,0 6,1 6,2 Laura Bashraheel, Hayat Sindi – The Saudi global icon Արխիվացված 2013-04-18 archive.today.
  7. ↑ Arabian Business, 19: Hayat Sindi Արխիվացված 2012-06-17 Wayback Machine.
  8. ↑ Arabian Business, 9: Hayat Sindi Արխիվացված 2019-01-12 Wayback Machine, Revealed: 100 Most Powerful Arab Women 2012.
  9. ↑ Women in the world: Saudi innovator Hayat Sindi's science breakthrough Արխիվացված 2017-05-06 Wayback Machine at The Daily Beast.
  10. ↑ 10,0 10,1 10,2 10,3 UNESCO, Inspiring youth: Hayat Sindi Արխիվացված 2019-01-11 Wayback Machine.
  11. ↑ Elizabeth Broomhall, Hayat Sindi interview: A passion for science Արխիվացված 2019-08-07 Wayback Machine.
  12. ↑ 12,0 12,1 Hayat Sindi to women: Opt for a career in science Արխիվացված 2013-02-10 Wayback Machine.
  13. ↑ 13,0 13,1 Hayat Sindi Արխիվացված 2012-01-23 Wayback Machine at National Geographic.
  14. ↑ Alaa Al-Twaireb, Hayat Sindi to narrate her experiences today Արխիվացված 2011-06-05 Wayback Machine.
  15. ↑ 15,0 15,1 Hamida Ghafour, Saudi women join king’s advisory council for first time Արխիվացված 2018-06-26 Wayback Machine
  16. ↑ Ahmad Al-Kinani, White House chooses Hayat Sindi for ‘Million Minds’ Արխիվացված 2013-04-18 archive.today.
  17. ↑ United Nations official site, Saudi Arabian female researcher Hayat Sindi to be appointed UNESCO advocate Արխիվացված 2016-11-30 Wayback Machine.
  18. ↑ Editor’s Choice, Here’s to you Mrs. Արխիվացված 2019-08-05 Wayback Machine
  19. ↑ UNESCO’s official site, Dr Hayat Sindi, Saudi medical researcher, to be named a UNESCO Goodwill Ambassador Արխիվացված 2019-03-31 Wayback Machine.
  20. ↑ Saudi woman researcher chosen UNESCO Goodwill Ambassador Արխիվացված 2019-08-07 Wayback Machine.
  21. ↑ David Ignatius, Newfound status for Saudi women Արխիվացված 2013-01-26 Wayback Machine.
  22. ↑ David Ignatius, Reforms may be too slow to save Saudi king from revolt Արխիվացված 2013-02-04 Wayback Machine
Վիքիպահեստն ունի նյութեր, որոնք վերաբերում են «Հայաթ Սինդի» հոդվածին։
ISNI: 0000000369860765 · LCCN: n2012027742 · VIAF: 240588712 · WorldCat VIAF: 240588712
Ստացված է «https://hy.wikipedia.org/w/index.php?title=Հայաթ_Սինդի&oldid=9713070» էջից