Հակոբ Ղազանչյան

Վիքիպեդիայից՝ ազատ հանրագիտարանից
Jump to navigation Jump to search
Հակոբ Ղազանչյան
Հակոբ Ղազանչյան.jpg
Ծնվել էհուլիսի 3, 1959(1959-07-03) (59 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
ԿրթությունՌուսաստանի թատերական արվեստի համալսարան
Մասնագիտությունդրամատուրգ
ԱշխատավայրԿապանի պետական թատրոն և Գյումրիի Վարդան Աճեմյանի անվան պետական դրամատիկական թատրոն
Ծնողներհայր՝ Երվանդ Ղազանչյան, մայր՝ Գալյա Նովենց
Պարգևներ և
մրցանակներ
Հայաստանի Հանրապետության արվեստի վաստակավոր գործիչ
ԱնդամությունՀայաստանի թատերական գործիչների միություն
ԵրեխաներՄարիամ Ղազանչյան
Hakob Ghazanchyan Վիքիպահեստում

Հակոբ Երվանդի Ղազանչյան (1959, հուլիսի 3, Երևան), հայ բեմադրիչ, ՀՀ արվեստի վաստակավոր գործիչ (2006

Հայ բեմադրիչ Երվանդ Ղազանչյանի և Հայաստանի Հանրապետության ժողովրդական արտիստուհի Գալյա Նովենցի որդին է։

Կենսագրություն[խմբագրել | խմբագրել կոդը]

1982 թվականին ավարտել է Մոսկվայի Լունաչարսկու անվան Թատերարվեստի պետական ինստիտուտի ռեժիսուրայի ֆակուլտետը։ 1984-1989 թթ. գլխավորել է Կապանի Ալեքսանդր Շիրվանզադեի անվան պետական թատրոնը, 1989-1996 թթ.` Գյումրիի Վարդան Աճեմյանի անվան պետական թատրոնը։ 1997 թվականից ղեկավարում է Երևանի Պատանի հանդիսատեսի պետական թատրոնը։ Ավելի քան 100 ներկայացումների հեղինակ է։ Մասնակցել է բազմաթիվ միջազգային թատերական փառատոների։ 1994 թվականին Ղազանչյանը նկարահանել է «Վերջնագիծ» լիամետրաժ խաղարկային ֆիլմը։ 2007 թվականից Հայաստանի Թատերական գործիչների միության նախագահն է[1], Երևանյան Միջազգային թատերական"ԱՐՄՄՈՆՈ" և Շեքսպիրյան փառատոների հիմնադիրն ու տնօրենն է։ 2003 թվականին Մակեդոնիայի «Ստոբի» ամֆիթատրոնում բեմադրել է «Ամպեր» ներկայացումը։ 2004 թվականին հիմնադրել և գլխավորում է Թատրոնի միջազգային ինստիտուտի (ՅՈՒՆԵՍԿՕ) Հայաստանյան ազգային կենտրոնը[2]։ Խաղացել է «Նոյը» կինոնկարում[3][4]։

«Մերսեդես» պիես, 2015

Բեմադրել է՝

  • «Նամակներ պատանեկության կայարաններից» (գլխավոր մրցանակ, 1997 թ., 2000 թ.)
  • «Անտիգոնե», «Համլետ», «Քաջ Նազար», «Ամպեր» (գլխավոր մրցանակ, 2001 թ., 2003 թ.)
  • «Կոնտրաբաս» (գլխավոր մրցանակ, 2004-2005 թթ.)
  • «Երկրորդ կտակը» (գլխավոր մրցանակ, 2004 թ.)
  • «Օֆելիա», «Ներոն և Սենեկա», «Ես եմ ճայը»
  • «2-րդ կտակը» ներկայացումն ամերիկյան դերասանուհի Էլիզաբեթ Հեսսի և գերմանական դերասանուհի Բեատե Էհլերսի մասնակցությամբ, (միաժամանակ անգլերեն և գերմաներեն), 2004 թ.
  • «...և օրինավոր բանտ։» (ըստ Շեքսպիրի «Համլետ» ողբերգության, ներկայացման մեջ ընդգրկված էին դերասաններ 10 երկրներից, որոնցից յուրաքանչյուրը խաղում էր իր մայրենի լեզվով), 2006 թ.
  • Կոստրոմայի Օստրովսկու անվան թատրոնում բեմադրել է Սոֆոկլեսի «Անտիգոնե» պիեսը, 1998 թ.
  • Թբիլիսիի Շոթա Ռուսթավելու անվան Ազգային ակադեմիական թատրոնում և Վելեսի (Մակեդոնիա) «Յորդան Ձինոտ» թատրոնում բեմադրել է «Տրակտատ թաշկինակի մասին» (Կարինե Խոդիկյան) ներկայացումը, 2006 թ.
  • Մոսկվայի Ա.Պ. Չեխովի անվան փառատոնի պատվերով բեմադրել է «Ես եմ ճայը» (ըստ Չեխովի «Ճայը» պիեսի) ներկայացում, 2010 թ.
  • Ուլյանովսկի Ի. Գոնչարովի անվան թատրոն, Վամպիլովի «Գավառական անեկդոտները», 2012 թ.

Մրցանակներ, պարգևներ[խմբագրել | խմբագրել կոդը]

  • ՀՀ արվեստի վաստակավոր գործիչ, 2006 թ.
  • ՀԹԳՄ «Արտավազդ» մրցանակ՝ «Լավագույն երիտասարդական ներկայացում» անվանակարգում՝ «Բրեմենյան երաժիշտները» ներկայացման համար, 2012 թ.
  • ՀԹԳՄ «Արտավազդ» մրցանակ՝ որպես լավագույն ռեժիսուրա, 2013 թ.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]