Հակոբ Այնթափլյան

Հակոբ Այնթափլյան (Յակոբ Այնթապլեան)
Ծնվել է	դեկտեմբերի 18, 1939(1939-12-18) (84 տարեկան)
Ծննդավայր	Հալեպ, Սիրիա
Քաղաքացիություն	Սիրիա
Կրթություն	Հռոմի Սապիենզա համալսարան
Մասնագիտություն	բժիշկ և սրտաբան
Կոչում	պրոֆեսոր
Գիտական աստիճան	բժշկական գիտությունների դոկտոր (1967)
Անդամակցություն	Նյու Յորքի գիտությունների ակադեմիա

Հակոբ Գևորգի Այնթափլյան (Յակոբ Գէորգի Այնթապլեան) (դեկտեմբերի 18, 1939(1939-12-18), Հալեպ, Սիրիա), հայ բժիշկ, սրտաբան։ Բժշկական գիտությունների դոկտոր (1967), պրոֆեսոր (1978): Եղել է Հայաստանում 1988 թվականի դեկտեմբերի 7-ի երկրաշարժից հետո ԱՄՆ-ում ստեղծված «Հայաստանի օժանդակության Ամերիկայի համագաղութային մարմնի» փոխատենապետ և բժշկական օգնության հանձնախմբի նախագահ։

Կենսագրություն

Հակոբ Այնթափլյանը ծնվել է 1939 թվականի դեկտեմբերի 18-ին, Սիրիայի Հալեպ քաղաքում։ 1960 թվականին ավարտել է Հռոմի համալսարանի բժշկագիտության ֆակուլտետը։ 1978-1980 թվականներին եղել է Թեննեսիի նահանգային (ԱՄՆ) համալսարանի սրտաբանության և սիրտանոթագրության ամբիոնի վարիչ։ 1980 թվականին՝ տեղափոխվել է Լոս Անջելես, ստեղծել սեփական կլինիկա։ 1988 և 1989 թվականներին աղետյալներին օգնելու նպատակով եղել է Հայաստանում։

Աշխատանքները վերաբերում են սրտաբանության, սիրտանոթային հիվանդությունների հարցերին։ Հայաստանում 1988 թվականի դեկտեմբերի 7-ի երկրաշարժից հետո ԱՄՆ-ում ստեղծված «Հայաստանի օժանդակության Ամերիկայի համագաղութային մարմնի» փոխատենապետն էր և բժշկական օգնության հանձնախմբի նախագահը։

Անդամակցություն

• Նյու Յորքի ԳԱ պատվավոր անդամ (1978)

Երկեր

• Դեպի ակունք։ Բանաստեղծություններ, 1991, տիտղթ. (Յ. Այնթապլեան)։
• Վերադարձ։ Բանաստեղծություններ, Այնթափլյան Հակոբ Գևորգի, Լոս Անճելըս, Նաւասարդ, 1993։

Ծանոթագրություններ

Վիքիդարանն ունի նյութեր, որոնք վերաբերում են «Հակոբ Այնթափլյան» հոդվածին։