Հազազ բերբերի

Վիքիպեդիայից՝ ազատ հանրագիտարանից
Հազազ բերբերի
Lycium-barbarum-habitus.JPG
Գիտական դասակարգում
Թագավորություն Բույսեր
Դաս Երկշաքիլավորներ
Կարգ Solanales
Ընտանիք Մորմազգիներ
Լատիներեն անվանում
Lýcium bárbarum
L. (1753)
Հոմանիշներ
  • Boberella halimifolia (Mill.) E.H.L.Krause
  • Jasminoides flaccidum Moench
  • Lycium halimifolium Mill.
  • Lycium lanceolatum Veill.
  • Lycium turbinatum Veill.
  • Lycium vulgare Dunal
  • Teremis elliptica Raf.

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում

ITIS 503599
NCBI 112863
EOL 487010


Հազազ բերբերի (լատ.՝ Lýcium bárbarum), 1-3 մ բարձրությամբ, տերևաթափ, խիտ ճյուղավորված թուփ մորմազգիների ընտանիքից։ Ծայրերը աղեղնաձև խոնարված ընձյուղներով, ծոցային փշերով, բարակ, երկար, բաց դեղնավուն։ ՈՒնի 2,5-6 սմ երկարությամբ և 0,3-0,8 սմ լայնությամբ էլիպսանշտարաձև կամ նեղ էլիպսաձև տերևներ, վերևից կանաչ, ներքևի կողմից կապտավուն, մի փոքր մսալի։ Կարճացած ընձյուղների վրա փնջերով կան ծաղիկներ բաց վարդագույն կամ վարդամանուշակագույն (յուրաքանչյուր փնջում կա 2-6-ական ծաղիկ)։ Հատապտուղը երկրավուն ձվաձև է, կարմիր, 0,8-2 սմ երկարությամբ և 0,5-1 սմ լայնությամբ։ Ծաղկում է հուլիս-սեպտեմբեր ամիսներին, պտուղները հասունանում են հուիլս-հոկտեմբերին։

Տարացված է հյուսիսային Աֆրիկայում, Իրանում, Կովկասում։ Հայաստանում այն հանդիպում է Նոյեմբերյանում, Երևանում, չոր, քարքարոտ թեքություններին ծովի մակերևույթից 900-1500 մ բարձրությունների վրա։ Երաշտադիմացկուն է, հողի նկատմամբ պահանջկոտ չէ, լուսասեր է, ցրտադիմացկուն, ջերմասեր։

Բազմանում է սերմերով և կտրոնավորմամբ։ Բարձր է գնահատվում նաև որպես երկարատև ծաղկող տեսակ։

Գրականություն[խմբագրել | խմբագրել կոդը]

  • Լ.Վ.Հարությունյան - Քո շրջապատի թփերը, «Սովետական գրող» հրատարակչություն, Երևան 1984թվական