Հայկական ճարտարապետությունն ուսումնասիրող հիմնադրամ
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Հայկական ճարտարապետությունն ուսումնասիրող հիմնադրամ | |
---|---|
Տեսակ | Հիմնադրամ |
Հապավում | ՀՃՈՒ (RAA) |
Հիմնադրված | 1969 |
Իրավ. կարգավիճակ | գործող |
Գլխադասային գրասենյակ | Երևան, Հայաստան |
Տեղագրություն | Երևան, Կալիֆորնիա |
Պաշտ. լեզու(ներ) | հայերեն, անգլերեն և ռուսերեն |
Գլխավոր քարտուղար | Սամվել Կարապետյան |
Հիմնական մարմին | Հոգաբարձուների խորհուրդ |
Հիմնադիր | Արմեն Հախնազարյան |
Կայք | raa.am |
Հայկական ճարտարապետությունն ուսումնասիրող հիմնադրամ
Հայկական ճարտարապետությունն ուսումնասիրող կազմակերպությունը հիմնադրվել է Աախենում (Գերմանիա) 1969 թվականին պրոֆեսոր-դոկտոր Արմեն Հախնազարյանի կողմից և որպես շահույթ չհետապնդող հասարակական կազմակերպություն գրանցվել է 1982 թ.։ ԱՄՆ-ի մասնաճյուղը հիմնադրվել է Կալիֆորնիայում 1996 թ.։ Հայաստանյան մասնաճյուղը հիմնադրվել է 1998 թվականին և գրանցվել որպես հասարակական կազմակերպություն (2010 թ.-ից՝ հիմնադրամ)[1]
Մինչև 2020 թվականը, հուշարձանագետ Սամվել Կարապետյանը եղել է ՀՃՈՒ հիմնադրամի Երևանյան մասնաճյուղի տնօրենը։ Ներկայումս հիմնադրամի Հոգաբարձուների խորհրդի նախագահն է Ժորա Մանուչարյանը, իսկ հայաստանյան գրասենյակի կառավարումն իրականացվում է Տնօրենների խորհրդի կողմից։
Տնօրենների խորհուրդ՝ տնօրեն` Էմմա Աբրահամյան (Սամվել Կարապետյանի այրին), վարչական հարցերի և հրատարակությունների գծով համատնօրեն` Րաֆֆի Քորթոշյան, ճարտարապետական գործունեության գծով համատնօրեն` Աշոտ Հակոբյան, համակարգչային և տեխնիկական հարցերի գծով համատնօրեն` Արմեն Գևորգյան[2]։
Ուսումնասիրություններ
[խմբագրել | խմբագրել կոդը]Հայկական ճարտարապետությունն ուսումնասիրող կազմակերպությունն ուսումնասիրում և վավերագրում է Պատմական Հայաստանում գտնվող հայկական հուշարձանները։ Այս ուսումնասիրությունների արդյունքում 2023 թ. դրությամբ այն ունի ավելի քան 650,000 թվայնացված պատկերներից, միկրոֆիլմերից, հատակագծերից և այլ փաստաթղթերից բաղկացած հարուստ արխիվ։ Կազմակերպությունը նաև զբաղվում է Հայաստանի և Արցախի Հանրապետությունների տարածքում գտնվող մշակութային ժառանգության վերանորոգմամբ և պահպանմամբ։ Հայաստանյան մասնաճյուղը շարունակում է իրականացնել ուսումնասիրական գործունեություն, որի արդյունքում հրատարակվում են գրքեր, գրքույկներ, «Վարձք» հանդես, ինչպես նաև պատրաստվում փաստավավերագրական ֆիլմեր։
Արտաքին հղումներ
[խմբագրել | խմբագրել կոդը]- Պաշտոնական կայք
- ՀՃՈՒ հիմնադրամի հուշարձանների շտեմարան կայք
- Արցախի պատմական հուշարձանների կայք[3]
- Հիմնադրամի Ֆիլմեր
- Հիմնադրամի Ֆեյսբուքյան էջ