Կովսական (համայնք, Քաշաթաղի շրջան)

Կովսական համայնք;
Երկիր	Արցախի Հանրապետություն
Կարգավիճակ	Համայնք
Մտնում է	Քաշաթաղի շրջան
Ներառում է	Կովսական քաղաք, ; Դիցմայրի գյուղ, ; Քարատակ գյուղ,
Բնակչություն (2015)	671
Ազգային կազմ	Հայեր
Տարածք	21273,3 հա

Անվան այլ կիրառումների համար տե՛ս՝ Կովսական (այլ կիրառումներ)

Չշփոթել Կովսական հոդվածի հետ։

Կովսական, քաղաքային համայնք Արցախի Հանրապետության Քաշաթաղի շրջանում^[2]^[3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո^[4]^[5]^[6]^[7] և Արցախի Հանրապետության կողմից համարվում է օկուպացված^[1]։

Աշխարհագրություն

Համայնքը տեղաբաշխված է Արցախի Հանրապետության հարավարևմտյան մասում։ Ունի հարթավայրային տեղանք և զբաղեցնում է 21273,3 հա տարածք, որից 14494,3 հա-ը՝ անտառային նշանակության։ Համայնքի սահմաններով է հոսում Ողջի գետը^[2]։

Բերձոր շրջկենտրոնից հեռու է 100 կմ, իսկ մայրաքաղաք Ստեփանակերտից` 147 կմ^[2]։

Վարչատարածքային բաժանում և համայնքային կյանք

Համաձայն Արցախի Հանրապետության վարչատարածքային բաժանման՝ Կովսական համայնքն իր մեջ ներառում է Կովսական քաղաքը և Դիցմայրի ու Քարատակ գյուղերը^[2]։

Համայնքում գործում էր քաղաքապետարան, բուժկետ, միջնակարգ և արվեստի դպրոցներ^[2]։

Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ^[2]։

Գործում էր ինքնահոս ջրամատակարարման համակարգ, որը սնվում էր 3 ակունքից։ Առկա էին նաև խմելու ջրի համար պիտանի շուրջ 10 անհատական ջրհորներ, որոնցից 8-ը գտնվում էին Կովսական քաղաքում, 2-ը՝ Դիցմայրի գյուղում։ Համայնքի վարչական տարածքով էր հոսում «Կովսական 1» և «Կովսական-Աջափնյակ 1», «Կովսական-Աջափնյակ 2» և «Դիցմայրի» ոռոգման ջրատարները^[2]։

Համայնքային ճանապարհների մի մասը ասֆալտապատ էին, երկրորդային ճանապարհները՝ բնահողային և խճից^[2]։

Համայնքը միացված էր հանրապետության տրանսպորտային կապին, գործել է Կովսական-Երևան-Կովսական, Կովսական-Ստեփանակերտ-Կովսական և Կովսական-Բերձոր-Կովսական երթուղիները^[2]։

Բնակչություն

Կովսական համայնքի բնակչությունը 2015 թվականի դրությամբ կազմել է 671 մարդ։ Նույն թվականի դրությամբ Կովսական քաղաքում բնակվել է 544 մարդ, որոնք կազմել են 149 տուն։ Դիցմայրի գյուղում բնակվել է 94 մարդ, որոնք կազմել են 28 տնտեսություն։ Քարատակ գյուղում բնակվել է 33 մարդ, որոնք կազմել են 8 տուն^[2]։

Տնտեսություն

Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ^[2]։

Ծանոթագրություններ

[armenpress.am_օկուպացված_տարածքներ-1] 1,0 ^1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)

[Հակոբ_Ղահրամանյան_Տեղեկատու_2015-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։

[Արցախի_վարչատարածքային_բաժանման_մասին_օրենք-3] «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.

[ԱՀ_ՏԿԶՆ_կորցրած_բնակավայրերի_ցանկ-4] Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։

[armenpress.am_կորցրած_բնակավայրերի_ցանկ-5] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։

[artsakhpress.am_կորցրած_բնակավայրերի_ցանկ-6] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։

[hetq.am_կորցրած_բնակավայրերի_ցանկ-7] «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։

[1]

[2]

[3]

[4]

[5]

[6]

[7]