Կոնստանտին Ռոկոսովսկու հուշարձան (Մոսկվա)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Կոնստանտին Ռոկոսովսկու հուշարձան
Կոորդինատներ55°48′42″ հս․ լ. 37°43′31″ ավ. ե.HGЯO
Գտնվում էՌուսաստան Ռուսաստան
Մոսկվա
Կառուցվել է2015
Շինության ձևըՁիարձան
Կառուցել էԱլեքսանդր Ռուկավիշնիկով
Ներկա վիճակըԿանգուն

Կոնստանտին Ռոկոսովսկու հուշարձան (ռուս.՝ Памятник Константину Рокоссовскому), հուշարձան Ռուսաստանի Դաշնության մայրաքաղաք Մոսկվայում, որը նվիրված է Երկրորդ համաշխարհային պատերազմի խոշորագույն զորահրամանատարներից մեկին, Խորհրդային Միության մարշալ և Լեհաստանի մարշալ Կոնստանտին Ռոկոսովսկուն։ Տեղադրվել է 2015 թվականի ապրիլին Բոգորոդսկոյե շրջանում, Մարշալ Ռոկոսովսկու բուլվարում, թիվ 11 և 12 շենքերի միջև։

Արձանի բացումը նվիրված էր Հայրենական մեծ պատերազմում տարած հաղթանակի 70-ամյակին։ Ձիարձանի՝ մրցույթում հաղթած նախագծի հեղինակներն են Ռուսաստանի Դաշնության ժողովրդական նկարիչ քանդակագործ Ալեքսանդր Ռուկավիշնիկովը և ճարտարապետներ Ս. Շարովն ու Մ. Կորսին։ Հուշարձանը տեղադրել է Ռուսաստանի ռազմապատմական ընկերությունը՝ ժողովրդի նվիրատվություններով։

Նկարագրություն[խմբագրել | խմբագրել կոդը]

Կոնստանտին Ռոկոսովսկու հուշարձանը զորավարին պատկերում է ձիու վրա 1945 թվականի հունիսի 24-ի Հաղթանակի լեգենդար զորահանդեսի ժամանակ, երբ մարշալը ղեկավարում էր շքերթը[1]։

Հուշարձանի բացում[խմբագրել | խմբագրել կոդը]

Հուշարձանը հանդիսավորությամբ բացվել է 2015 թվականի մայիսի 6-ին։ Բացմանը ելույթ են ունեցել Ռուսաստանի Դաշնության վարչապետ Դմիտրի Մեդվեդևը, Մոսկվայի քաղաքապետ Սերգեյ Սոբյանինը, մարշալի ծոռնուհի Արիադնա Ռոկոսովսկայան։ Ներկա են եղել ՌԴ մշակույթի նախարար Վլադիմիր Մեդինսկին, Խորհրդային Միության և Ռուսաստանի հերոս Արթուր Չիլինգարովը, Հայրենական մեծ պատերազմի վետերաններ։ Բացման արարողությանը հրավիրվել էր ՌԴ-ում Լեհաստանի դեսպան Կատաժինա Պելչինսկա-Նալենչը, որը չէր ներկայացել, քանի որ մարշալի գործունեությունը Լեհաստանի պաշտպանության նախարարի պաշտոնում 1949-1956 թվականներին ժամանակակից Լեհաստանում ընդհանուր առմամբ գնահատվում է բացասական։

Հուշարձանի բացման արարողության ժամանակ վարչապետ Մեդվեդևը հրամանատարի մասին ասել է. «Ռոկոսովսկին մասնակցել է Հայրենական մեծ պատերազմի գրեթե բոլոր խոշոր մարտերին. նրա 16-րդ բանակը գերմանացիներին կանգնեցրել է Կրյուկովո-Իստրա սահմանագծին, որտեղ թշնամին կենտրոնացրել էր հիմնական ուժերը, հուսալով հասնել մայրաքաղաքին»։ Հուշարձանի բացման արարողության ավարտին վարչապետը ալ վարդերի զամբյուղ է դրել հուշակոթողի մոտ, ապա շփվել է վետերանների հետ, որոնց թվում էին նաև նրանք, ովքեր անձամբ ճանաչել են մարշալ Ռոկոսովսկուն[2]։

Ավելի վաղ՝ 2014 թվականին, Մոսկվայի մետրոպոլիտենի Սոկոլնիչեսկայա գծի «Պոդբելսկու փողոց» կայարանին շնորհվել էր «Ռոկոսովսկու բուլվար» անվանումը[3]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]