Կե՛ր, աղոթի՛ր, սիրի՛ր (գիրք)

Վիքիպեդիայից՝ ազատ հանրագիտարանից
Jump to navigation Jump to search
Կե՛ր, աղոթի՛ր, սիրի՛ր
"Eat, Pray, Love"
ՀեղինակԷլիզաբեթ Գիլբերթ
Տեսակգրավոր աշխատություն
Ժանրհուշագրություն
Թեմաspirituality?
Բնօրինակ լեզուանգլերեն
ԵրկիրFlag of the United States.svg ԱՄՆ
Հրատարակման տարեթիվփետրվարի 16, 2006
OCLC433052883
Կայքelizabethgilbert.com/eatpraylove.htm

«Կե՛ր, աղոթի՛ր, սիրի՛ր: Մեկ տարի մի կնոջ կյանքից, որ ճանապարհորդում էր Իտալիայում, Հնդկաստանում և Ինդոնեզիայում՝ որոնելով ԱՄԵՆԸ» (անգլ.՝ Eat, Pray, Love: One Woman's Search for Everything Across Italy, India and Indonesia), ամերիկացի հեղինակ Էլիզաբեթ Գիլբերթի հուշերի գիրքը, որը լույս է տեսել 2006 թվականին: Հուշերում նկարագրվում են հեղինակի ճանապարհորդությունն ամուսնուց բաժանվելուց հետո և նրա բացահայտումներն այդ ուղևորության ընթացքում:

Ստեղծագործության էկրանավորման իրավունքը ձեռք է բերել Columbia Pictures ընկերությունը: Համանուն ֆիլմը, որի գլխավոր հերոսի դերում հանդես է գալիս Ջուլիա Ռոբերտսը, էկրան է կինոթատրոններում 2010 թվականի օգոստոսին[1][2]:

Գիլբերտը գրել է նաև գրքի շարունակությունը՝ «Օրինական ամուսնություն» (անգլ.՝ Committed: A Skeptic Makes Peace with Marriage), որում ներկայացվում է Էլիզաբեթի կյանքը «Կե՛ր, աղոթի՛ր, սիրի՛ր» ֆիլմի գործողություններից չորս տարի անց[3]:

Սյուժե[խմբագրել | խմբագրել կոդը]

32 տարեկանում Էլիզաբեթ Գիլբերթն ունի և՛ կրթություն, և՛ տուն, և՛ ամուսին, և՛ գրողի հաջող կարիերա: Բայց նա դժբախտ է ամուսնության մեջ և անքուն գիշերները հաճախ անց է կացնում լոգարանի հատակին նստած լացելով: Բաժանվելով ամուսնուց և սկսելով ամուսնալուծության տառապալից գործընթացը՝ նա հանդիպում է այլ տղամարդու հետ: Սակայն վերջինիս հետ նրա հարաբերությունները շուտով ավարտվում են, և Էլիզաբեթը մնում է միայնության մեջ: Հերոսուհու համար երջանիկ պատահականությամբ նրան ուղարկում են Բալի՝ գրելու հոդված յոգի մասին: Այնտեղ Գիլբերտը հանդիպում է իններորդ սերնդի հեքիմի, որը կանխագուշակում է, որ նա երբևէ կվերադառնա Բալի և շատ բան կսովորի իրենից:

Ի վերջո ստանալով երկար սպասված ապահարզանը՝ Էլիզաբեթն իր կյանքի հաջորդ տարին նվիրում է աշխարհով մեկ ճանապարհորդելուն հրատարակչի ծախսով, որը դա նրան հատկացնում է ուղևորության վերաբերյալ գրքի դիմաց[4]:

Նա չորս ամիս անցկացնում է Իտալիայում՝ համտեսելով տեղի ուտելիքները («Ուտել»), չորս ամիս Հնդկաստանում՝ որոնելով հոգեկան բավարարվածություն («Աղոթել»), իսկ տարվա մնացած մասը Ինդոնեզիայի Բալի կղզում, որտեղ գտել է «հավասարակշռություն» և սեր՝ ի դեմս բրազիլացի Ֆելիպեի («Սիրել»)[5]:

Էկրանավորում[խմբագրել | խմբագրել կոդը]

Columbia Pictures ընկերությունը ձեռք է բերել հուշերի գրքի հիման վրա ֆիլմ նկարահանելու և այն նույն վերնագրով թողարկելու իրավունքը: Ֆիլմ էկրան է բարձրացել 2010 թվականի օգոստոսին: Գլխավոր դերը կատարել է ամերիկացի դերասանուհի Ջուլիա Ռոբերտսը: Սցենարի հեղինակը և ռեժիսորը Ռայան Մյորֆին է:

Ֆիլմում նկարահանվել են նաև Խավիեր Բարդեմը, Ջեյմս Ֆրանկոն և Ռիչարդ Ջենիքսը[6]: Ֆիլմը նկարահանվել է Բրեդ Փիթի Plan B Entertainment պրոդյուսերական կազմակերպության աջակցությամբ[7]:

Հետաքրքիր փաստեր[խմբագրել | խմբագրել կոդը]

  • Օփրա Ուինֆրին գրքին նվիրել է իր շոուի երկու հաղորդում[1]:
  • The New York Times թերթի կազմած բեսթսելլերների ցանկում գիրքը մնացել է 187 շաբաթ:[8]:
  • Warner Bros ստուդիան ձեռք է բերել Էնդրյու Գոտլիբի «Drink, Play, Fuck» ֆիլմի էկրանավորման իրավունքը, որը տղամարդու ինքնատիպ պատասխան է Էլիզաբեթ Գիլբերդի գրքին[9]:

Ծանոթագրություններ[խմբագրել | խմբագրել կոդը]

  1. 1,0 1,1 Callahan Maureen (December 23, 2007)։ «Eat, Pray, Loathe: Latest Self-Help Best Seller Proves Faith Is Blind»։ New York Post։ Արխիվացված է օրիգինալից 2012-12-16-ին։ Վերցված է 2008-06-17 
  2. Overview — Eat, Pray, Love (2008) New York Times.
  3. Callahan Maureen (2010-01-03)։ «Committed: A skeptic makes peace with marriage»։ New York Post։ Արխիվացված է օրիգինալից 2012-09-07-ին 
  4. Egan Jennifer (February 26, 2006)։ «Eat, Pray, Love»։ New York Times։ Վերցված է 2008-06-17 
  5. Lichtenstein Grace (February 12, 2006)։ «Heart and Soul»։ Washington Post։ Վերցված է 2008-06-17 
  6. Five Questions for Richard Jenkins " Theater Talk Արխիվացված է Փետրվար 25, 2012 Wayback Machine-ի միջոցով:
  7. Fleming Michael (October 10, 2006)։ «Par setting table for adaptation»։ Variety Magazine։ Վերցված է 2008-06-17 
  8. «Paperback Nonfiction»։ The New York Times։ 2010-08-28։ Վերցված է 2010-05-01 
  9. КиноПоиск.ru — Все фильмы планеты

Արտաքին հղումներ[խմբագրել | խմբագրել կոդը]