Կանադայի բնության թանգարան

Վիքիպեդիայից՝ ազատ հանրագիտարանից
Կանադայի բնության թանգարան
CanadianMuseumofNature2010-05-19.JPG
Տեսակ ազգային թանգարան, բնագիտական թանգարան և թանգարանի շենք
Երկիր Flag of Canada.svg Կանադա
Տեղագրություն Օտտավա
Վայր Somerset Ward
Հասցե 240 McLeod StreetK2P 2R1
Կոորդինատներ: 45°24′46″ հս․ լ. 75°41′20″ ամ. ե. / 45.41278° հս․. լ. 75.68889° ավ. ե. / 45.41278; 75.68889
Կայք nature.ca
Կանադայի բնության թանգարանը գտնվում է Կանադաում
Կանադայի բնության թանգարան
Canadian Museum of Nature Վիքիպահեստում

Կանադայի բնության թանգարան (ֆր.՝ Musée canadien de la nature), նախկինում՝ Ազգային բնագիտական թանգարան[1] (ֆր.՝ Musée national des sciences naturelles), Կանադայի բնության պատմության ազգային և բնագիտական թանգարան Օտտավայում, Օնտարիո: Թանգարանի չորս հիմնական հավաքածուները, որոնք սկսվել են 1856 թվականին Կանադայի երկրաբանական ուսումնասիրությամբ և այժմ ներառում են շուրջ 14,6 միլիոն նմուշներ, հետևյալն են՝ բուսաբանություն, միներալոգիա, հնէաբանություն և կենդանաբանություն:

Թանգարանը գործում է Կանադայի թանգարանների ասոցիացիայի, Կանադայի ժառանգության տեղեկատվական ցանցի, Արկտիկայի բնական պատմության թանգարանների դաշինքի, Կանադայի բնական պատմության թանգարանների դաշինքի և Կանադայի վիրտուալ թանգարանի հետ փոխկապակցված:

Ցուցադրություն[խմբագրել | խմբագրել կոդը]

Ցուցանմուշները և հիմնական ծրագրերը տեղակայված են Օտտավայի Վիկտորիա հուշահամալիրի շենքում, որը համարվում է թանգարանների հանրային ներգրավման կամպուս:

Թանգարանն ունի ութ մշտական պատկերասրահ՝

  • Բրածոների պատկերասրահ՝ ներկայացված են դինոզավրերի և ծովային սողունների կմախքներ և դիորամաներ և այն դեպքերը, որոնք հանգեցրել են նրանց ոչնչացմանը և կաթնասունների աճին մոտավորապես 85-35 միլիոն տարի առաջ:
  • Երկրի պատկերասրահ՝ ներկայացված են հանքանյութեր և ժայռեր և թե ինչպես են երկրաբանական ուժերը ձևավորել մեր մոլորակը:
  • Կաթնասուն կենդանիների պատկերասրահ՝ ներկայացված են Կանադայի վայրի կենդանիները՝ ներառյալ հյուսիսամերիկյան գորշ արջեր, բևեռային արջեր, բիզոն, որմզդեղն, կարիբու, երկճղի անտիլոպ և կուգար:
  • Ջրային պատկերասրահ՝ ներկայացված է կապույտ կետի կմախքը, ցուցադրություն ծովային և քաղցրահամ ջրային միջավայրերում հայտնաբերված կյանքի մասին և ջրի՝ կենդանական աշխարհի պահպանման գործում դերի մասին:
  • Թռչունների պատկերասրահ՝ ներկայացված են կանադական թռչունների 450 տեսակներ, մուլտիմեդիա փորձառություններ և ինտերակտիվ ցուցադրություններ:
  • Կենդանի բնություն՝ կենդանի միջատներ, սարդակերպեր, լորձնէակ:
  • Քարե պատի պատկերասրահ՝ բնագիտության վերաբերյալ արվեստի և լուսանկարների փոփոխվող ցուցադրություն:
  • Կանադայի այգիների բնապատկերներ՝ բացօթյա բուսաբանական ցուցահանդես, որը ներկայացնում է Կանադայի երեք տարբեր էկոհամակարգեր ներկայացնող գոտիներ` Արկտիկական տունդրա, բորեալ անտառներ և խոտածածկ մարգագետիններ:

Բնական ժառանգության կամպուս[խմբագրել | խմբագրել կոդը]

Քվեբեկ նահանգի Գատինո քաղաքում գտնվող Բնական ժառանգության կամպուսը բացվել է 1997 թվականին: Թանգարանի վարչական գործողությունների և ընդարձակ հետազոտական հնարավորությունների և հավաքածուների համար հատկացված է 76 հեկտար տարածք[2]: Կամպուսը հասարակության համար բաց չէ, բացառությամբ ամենամյա Open House-ի, որի ընթացքում ցուցադրվում են 14,6 միլիոն նմուշները, հետազոտական լաբորատորիաները, հանածոների պատրաստման հնարավորությունները: Գրադարանը, այնուամենայնիվ, բաց է այցելուների համար[3]:

Պատմություն[խմբագրել | խմբագրել կոդը]

Կանադայի բնության թանգարանի արմատները գալիս են 1842 թվականին ձևավորված Կանադայի Երկրաբանական հետազոտության ընկերությունից: Մոտ 150 տարի անց՝ 1990 թվականի հուլիսի 1-ին, թանգարանը խորհրդարանական ակտով դարձավ «Crown Corporation»:

Թանգարանային ակտը կարևոր իրադարձություն էր թանգարանի պատմության մեջ: Crown Corporation կարգավիճակի հետ թանգարանն ունեցավ նոր անուն և ընդլայնված մանդատ. «Կանադայի բնության թանգարանի նպատակն է Կանադայում և աշխարհում ընդլայնել, տարածել բնական աշխարհի հանդեպ հետաքրքրությունը, գիտելիքը, հարգանքը՝ ստեղծելով, պահպանելով և զարգացնելով բնական պատմության նմուշների հավաքածուն՝ ցույց տալով բնական աշխարհը, դրանից բխող գիտելիքը»[4]:

Կանադայի ազգային հերբարիում[խմբագրել | խմբագրել կոդը]

Կանադայի ազգային հերբարիումը[5] տեղակայված է Կանադայի բնության թանգարանում: Կանադայի երկրաբանական և բնական պատմության հետազոտական բույսերի հավաքածուները պաշտոնապես ներառվել են թանգարանում 1882 թվականին[5]:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Canadian Museum of Nature - Historical timeline, official website.
  2. «Our Research and Collections Facility»։ Canadian Museum of Nature։ Վերցված է 3 December 2014 
  3. «Library and Archives»։ Canadian Museum of Nature։ Վերցված է 3 December 2014 
  4. from the Museums Act, Chapter M-13.4 (1990, c. 3)
  5. 5,0 5,1 National Herbarium of Canada

Արտաքին հղումներ[խմբագրել | խմբագրել կոդը]