Կաղապար:Այս շաբաթվա հոդված

Վիքիպեդիայից՝ ազատ հանրագիտարանից
Սատուրնը բնական գույներով, լուսանկարը կատարված է «Կասսինի - Հյուգենս» կայանից
Սատուրնը բնական գույներով, լուսանկարը կատարված է «Կասսինի - Հյուգենս» կայանից

Սատուրն կամ Երևակ, արեգակնային համակարգի 6-րդ մոլորակն է, գազային հսկա: Իր մեծությամբ զիջում է միայն Յուպիտերին: Հին հայկական աստղագիտությունում անվանվել է Երևակ: Մոլորակի միջազգային անվանումը տրվել է Հռոմեական Սատուրն աստծո անունից, մոլորակի աստղագիտական նշանն է (), որը իրենից ներկայացնում է աստծո մանգաղը:

Սատուրնը գազային հսկա է, մոտ ինը անգամ Երկրից մեծ միջին շառավղով: Արեգակից գտնվում է 9,54 ա.մ. հեռավորության վրա և նրա շուրջը 9,6 կմ/վ արագությամբ պտտվում է 29,46 տարում: Հասարակածային շառավիղը 60400 կմ է: Իր առանցքի շուրջ Սատուրնը պտտվում է 10 ժամ 40 րոպե 30 վայրկյանում: Նման արագ պտույտից մոլորակը «սեղմվում է» բևեռներում: Դա լավ նկատվում է անգամ աստղադիտակով նայելիս:

Սատուրնը միակ մոլորակն է, որի խտությունը ավելի փոքր է, քան ջրինը: Չնայած դրան մոլորակի միջին խտությունը գազային մթնոլորտի պատճառով կազմում է 0,69 գ/սմ³: Սատուրնը կազմված է ջրածնից, ոչ մեծ քանակությամբ հելիումից և գծային էլեմենտներից: Սատուրնը ունի լավ տեսանելի օղակների համակարգ, որը բաղկացած է ինը հիմնական օղակներից և երեք ընդհատվող աղեղներից: Օղակները հիմնականում կազմված են սառույցից քարե բեկորների հավելումներով:

Շարունակել