Ծաղկամանով կինը (նկար)

Ծաղկամանով կինը;
տեսակ	գեղանկար
նկարիչ	Ավգուստ Մակե
տարի	1910
բարձրություն	74 սանտիմետր
լայնություն	47,5 սանտիմետր
նյութ	կտավ և յուղաներկ
հավաքածու	անհայտ
	Ծանոթագրություններ;

«Ծաղկամանով կինը» (գերմ.՝ Frau, eine Blumenschale tragend), գերմանացի նկարիչ Ավգուստ Մակեի նկարն է, վրձնել է 1910 թվականին։ Նկարը ներկայումս պահպանվում է մասնավոր կոլեկցիոների մոտ։

Ստեղծման պատմություն

Նկարի ստեղծման համար Մակեն ներշչվել է 1910 թվականի մայիսի 14-ին մյունխենյան «Մուսուլմանական մշակույթի գլուխգործոցների ցուցահանդես» այցելելուց։ Ցուցահանդեսին ներկայացվել են Պարսկաստանի, Թուրքիայի և նվաճման արդյունքում մավրիտանական ազդեցության տակ գտնված երկրների նկարիչների ստեղծագործություններ (այդ թվում արևելյան մշակույթի հայտնի կոլեկցիոներ Ֆրիդրիխ Զարեի հավաքածուից, որն իսլամադավան Արևելքի գեղարվեստական մշակույթի մասին լայն պատկերացում է տալիս^[1]։

Նկարագրություն

Ծաղկամանը ձեռքին կիսամերկ կնոջ պատկերը ներկայացված է ծնկներից վերև։ Պատկերի համաչափությունը մաներիզմի ոճով փոքր-ինչ ձգված է, կտորը փաթաթած է ազդրերի շուրջ, մյուս կտորը չալմայաձև փաթաթված է գլխին, այս ամենը նկարին տալիս է արևելյան հատկանիշներ։ «Ծաղկամանով կինը» իրենից ներկայացնում է մերկ բնորդով նկարի նոր ձև, ինչը Մակեն մշակել է Տեգերնզեում գտնվելու սկզբում։ Այդ ընթացքում նրա ու նրա զամիկ Հելմուտի համար բնորդուհի է եղել տեղացի մի պանրագործ աղջիկ^[1]։

Մոդելը ներկայացված է համարյա ամբողջ հասակով։ Նկարիչը, կառուցելով նկարի բովանդակությունը, ընտրում է գուներանգության լավագույն տեղաբաշխումը, ներդաշնակության և ռիթմիկայի հարաբերակցությունը։ Կնոջ իրանը թեքված է դեպի աջ, պատկերը հավասարակշռում է ծաղկամանը, որն իր ձախ կողմում պահում է կինը^[1]։

Նկարը ստեղծվել է Անրի Մատիսի ոճի ազդեցությամբ։ Պատկերի գունաստվերային մոդելավորումը, որն առանձնանում է չեզոք հիմնապաստառի վրա մուգ ուրվագծի օգնությամբ, ընդհանրացված է։ Մոդելի դեմքը պատկերված է առանց անհատականության արտահայտման, բայց նա հիշեցնում է նկարչի կնոջ՝ Էլիզաբեթ Մակեի դեմքը։ Ներկապնակը սահմանափակ է, իսկ ներկերն ավելի հանգիստ են։ Նկարիչը հրաժարվում է աշխատել լրացուցիչ գույներով (դեղնակապույտ կամ կարմրականաչ), բայց հասնում է տպավորիչ արդյունքի, ձևերի և գույների ներդաշնակության^[1]։

Կիսաբաց աչքերով աղջկա դեմքն անմեղ է, նուրբ հատկանիշներով, կանաչի և կապույտի սառը երանգների համադրմամբ, դա ընդգծում է զուսպ, «նույնիսկ իմաստուն» (Մյոլեր) նկարի էրոտիզմը։ Այն հեռակա կարգով հիշեցնում է ակադեմիստների՝ նախ և առաջ Էնգրի աշխատանքները, բայց, ի տարբերություն դրանց, այնքան էլ զգացմունքային չեն^[1]։

Ծանոթագրություններ

↑ ^1,0 ^1,1 ^1,2 ^1,3 ^1,4 Moeller, 1988

Գրականություն

Moeller, Magdalena M., August Macke, «DuMont Buchverlag», ISBN 3-7701-2209-7։
Vriesen, Gustav, August Macke, «Kohlhammer»։

[Moeller—1988——-1] 1,0 ^1,1 ^1,2 ^1,3 ^1,4 Moeller, 1988

[1]